الأحد، 29 مايو 2011

ومش عارفه





ومش عارفه 

هرب صبرى


وراح على فين ؟

وقال عن مين ؟

يصدقنى يخلينى

 اقول ياسنين

ويفردلى


كفوف الشوق 

على شراعى


 يشد الطوق

ويعبر بى 

خطاوى القسوة والايام 

اطير على فوق

على جناح الامل صافى

 ومجدافى 


شروق مسروق

سرقته بصبر ايامى

 وانا المحقوق

الم شباكى م المية

 احس بصرخة ف ايديا

تداوى جرح مش ناوى

 يحاكى الهم ب غناوى

تاخدنى برقه وياها

 تكون الخطوة سبقاها

ومين عارف

 طريق الفرح والاحلام

يقولى عليه

 الاقى الصبر وييجينى 

أدور حواليه

واى مقال يقول

 انى ما حلمت 
يوم انا بيه

ومش عارفه 

خسارة بُعد
 صبرى ايه

ياأوجاعى يامحفورة

 ف وسط الهم بشراكى

انا بالفرحة جياكى

 اقول ولا ناوية انساكى

لكن مش عرفه تستنى

ولا اروح تانى الف عليه

الأربعاء، 25 مايو 2011

زيارة للميدان


التحرير بميدانه النادى

بقى اسطورة ف حب بلادى

شوفته لقيته حاجه جنان

كان بيدوخ ف الجدعان

صبر مودة وشوق للكلمه

اللى سببها رجعت غنوة

نبرة شوق تخفى ف احزان

زورته لقيته حاجه تحير

بين الزهر اللى بيتغير

جوة عيون لكبير وصغير

بدم الشهدا بقى بينادى

بصوته العالى


 ف حضن بلادى

ايوه هنا تحرير وبزمه

تعالوا زورونى لموا اللمه

احساس تانى وشكل جديد

حاجه تخلى القلب سعيد

سيبك حبه من اللى سَقوه

مرار الهم كمان وزَاروه

لجل عيون الحُزن ما تفضل

عايشه مابينا وبالى جابوه

دول ياسيادنا مالهم مله

عايزين حالنا يفضل ذله


علشان غدر وواحد فانى

عايش يحلم ترجع تانى

 اللى فاكرها عذبه ابوه

خلونا احنا نشوف ونريح

ويا دلال تحريرنا نِفَرح

ف عيون عِطشت


 طعم الغنوه

بصبر اولادنا وياالهمة

بس ياريت بالحب نحافظ

 على نبرات الود الوارف

بين اخوات عايشه بتتحالف

جوة البلد اللى بنحبوه


ساعتها نحس بان القوة


ويا امالنا صبحت غنوة


يلا بسرعه لموا اللمه

بكل الفرح بكل الهمة


للتحرير علشان نزوروه


الاثنين، 23 مايو 2011

وبشتـاق لك





وبشتاق لك

بدمعة حزن مدفونه بقلب جريح


وبشتـاق لك

أمل ضايع ما بين الدنيا 


وايامى ونبض الريح


وبشتـاق لك

وفرحة قلبى مرسومة على عيونى

تاخدنى بعيد عن الايام

دى شيفانى ضعيفه 

منها أحلامــــــى

اللى عيشاها ونسيانى

وفيتــــــــــــانى

تلاقينى فى مهب الريح

بعيــــش تانى

ومن غيــــــــرك

شعاع سابح مع الاوهام

وكلـــــــى امــال

اشوف طيفـــك مع الاحلام

بيوعدنــــــــى مابيفوتنـــــــى

وحيــــــــــده ف يوم

وبيجينــــــــى

ويسعد قلبــــى اكون جنبك

واشعل نـــارىوحنـــانى

بشظية حـــــــــب

موجوده بنبــض عيونـــك 

الســــــــــارى فى وجدانى

واقول يادنيــــا صافينى 

ووافينى بقـــــــرب

مـــودة الاحبـــــاب

الخميس، 19 مايو 2011

كلام المطر


ويا كلام المطر 
 انا بسرح

يمكن الاقى 
 لحبك مطرح

يقدر يلغى
 جوة وجودى 

ريح بتهدد
  نبض ورودى

نظام الكون 
  وف عز هنايا

يلمح نورك  
 من جوايا

يملك حب 
 مجرح فيا

صبر مطول 
 طول لياليا

لغة العشق
 دى نور ف عنيا

تفضح كلمة 
غريبة عليا


تجرى تنور


  عزظلام 
الليل حواليا

من فرحتها


 تغنى معايا


 تقول اه ياعينى


 ياضى سمايا


عصفور سارح
 على اغصانها


يدادى يصبح
 جوةنهارها


اشوفه الاقى 
الدنيا سعيدة


وردة حب
 ف زهرة جديدة


ويا المطرة
 تغنى وتسرح


ساعتها هلاقى


 لحبك


 مطرح










السبت، 14 مايو 2011

لسه فاكره ...



لسه فاكرة


ايوة…. ايوة ..       لسه فاكرة



كل كلمة قلتهالى … لسه فاكرة



كلمة الود ف خيالى



 لسه قادرة



ترسم الافراح     ف قلبى



 بالمجادلة



كلمة حركتلى نبض قلبى 



وهو بيناجى خيالك 



بالمراسله



ايوة ….ايوة …لسه فاكرة



كلمة الحب البريئة 



ورعشة الايد الرقيقة



 ويا شوقها للمقابله



ايوة ..ايوة    برضو فاكرة



حب عمرى اللى رسمته



 بشوق كلامى وبحياتى 



و بيها قادرة 



انور ظلمة الايام ف قلبى 



 واعيش بِيها



  دايما لبكرة

الثلاثاء، 10 مايو 2011

على فمى

على فمى 


نطقت الصبر اغنية

نزع بوح الروح


 سلب منى

 كلام طارح 


على خدودى وف عنيه

وقال ياشوق تعالى نروق 

نزيح تباريح الجرح 


اللى ف اديا

نقشها زمانى ب وريدى 


بقيت وياه اسيرة


 لنبض احزان


 فاردة شراعها


على قلبى .....مطوية 

نزع جذر الهوى الطارح


 ف وجدانى 


ك نسمة صيف 


بالفرحة معدية

نطقت الاهه من قلبى


لمحت هناك 


شعاع الصدق بينور


 طريق احلام


 تفتح ك  زهرية


صبر صبرى معايا كتير


 نطقته بروحى بالتغيير


سيبونى اقول وحدمصير


 انا اللى الصبر نطق 


بعيون وجدانه............. اغنية



الخميس، 5 مايو 2011

لحظه سكات



لحظَه سُكات.....

ولا السُكات

 عقد لسانى و كلمتى

جوة الطريق

 كنت الغريق

 ف بحر موجه بيتلضم

غربة وفراق

 ليل اشتياق

 وغرام هوانا بينهدم

لما الهوى

 مر عليا وقال سلام

قلت اشترى

 يمكن  الاقى فرحتى

جية  ب لهفه

بشوق تنادى

ويا صرخة دمعتى

احلامى فوق

 نبرة امل

تشعل حياتى و بسمتى

شراعى سابح

 ويا موجه ف ليل ضلام

ساكْنُه القمر

يزعق غريب

على لحظة حلوة بتترسم

على خدى ..عيونى

 هوايا وسكتى

يمكن تعود

 فرحة طريقى

 وبهجتى

وحلفت يوم

 رَجعت زمانى

 ما اتظلم

ويا اللى فاتلى الذكريات

 سابنى وحيدة

 عمرىف يومى

 مقدرت ابدا انهزم

ياسنينى عليا حسبى

وطبطبى

على جرحى

و اوعك ف يوم

 تقسى كمان تتغربى

دا قلبى سارح ويا نسمة

 طيف جميل يستعطفة

يطوىلى عمر الهم

ويبوح بالكلام

يقول خلاص

فرقت بين نبرة حياتى
 و شكوتى