نشوة حب

اوقات كتير

 بسرح اوى مع دنيتك

شوفت الهوى 

عناقيد

بتلاغى  نغمه ف سكتك

قلبى اللى ضيع روح هواه 

 بقى مستحيل  لو يوم يكسر غنوتك

كل اللى بقدر اعمله 

اسرح ف صوت نبضى العنيد
ودا مش بعيد

ماانت  الحبيب الغالى والروح والهوى

انت القسى والجرح منك والدوا

شاهد خلاص على قسوتك ؟

 وان يوم طلبت محبتك

 اعمل تقيل

 ولا حتى تمسح دمعتى

ولا يوم هغير لغوتى

ماهو ده الدليل

 اصل الغرام

 بعدك دا هاجر سكتى

والله حرام

 النجمه سهرانه بعيد 
عن دنيتى

 بطلب رضاها وهى تايهه ف السما

بنده عليها بنغمه جارحه للهوا

 يمكن ف يوم

 يرجعلى عمرى اللى انطوى

 حبك راح افضل اناجى فيه

 ما انت الخلاص

 والنيه انت والنوى

 لو يوم تشيل

تعبى اللى عدى على الزمن

 سارق معاه نسمايه حلوة هتحتمل

هرجع جديد

 ساكن ف بحر محبتك
 واقول واعيد 

سارح بنشوه حب

 عاشقه ... سكتك

فووق ياولد

صبح الولاد السمر

 هم حزنها

شايلين تراب الغدر 

زادوا ف حملها

ليه الولد قاسى  وعنيد؟

 ليه الولد برضو الشهيد ؟

سايب حدود الحق 

ماسك ف السراب

ماسك غناوى الظلم 

صرخه للسحاب

 ناسى خلاص فين ضيها

ناسى اللى شاف خيرها 

وماشى ف ضلها

هى البلد هانت ياناس

ولا الجبين صبح المداس

رخصت النفس البريئه بقتلها

غدرت نفوسنا

   نسيت حتى ربها

ماتفوق بقى !!

 حس النفوس القاسية

 من وسط الشجن

شيلها قساوة القلب

 وارجع  رجعه بالزمن

تلقى القلوب الطيبه

 عاشت هناك

عشش معاها الحب

 والرحمه ملاك

كان الطريق هو الرفيق

والضى فى عيون البنات

 سارق غناوى حبها

ودا عشقها 

ماترجع بقى !!!

فوووووووق ياولد

نبع الخير

 

دموع حبى وافراحى

 تقول تحكى على حبك

على تعبك معايا سنين

 واقول ياامايا وب قلبى

 دا جوايا كلام وكتير

كلام اتمنى يوافيكى

 ويهديكى

دعايا  اسير

دعاء يمكن يخلينى

 احس بفيض ف ايامى

 زهور ما تغير

 دا حبك نبع جوايا

بيسرى عبيره لسمايا

ياحضن ودافى ياامايا

رضاكى من رضا ربك

وايدى تحن وتضمك

صبرتى كتير على همومى

وياما الفرح كان يومى

بتطوينى شموس ضيك

انام واسرح ومين زيك

يصبرنى ما يغدربى

وع الاحمال يقدرنى

بقول يارب يحميكى

 ويجعل ستره حواليكى

ويجعلنى لرضاكى اميل

يا يامايا يانبع الخير

بسرح فيها

لما الفكر ياخدنى ثوانى

بسرح حبه

و يبقى ما بين الشوق واللهفه

حاجه وشده 

تسرح بيا هنا وهناك

بفرحه شجيه وبستناك

ترجع تانى لمعة عينى

واللقى زمانى بيكفينى

وتبقى الدنيا لحظة وبيها

طوف ايامى ما بيكفيها

حتى سمايا ويا نجومها

ساحره بصوت اطيارى ولومها

بتطرح شجرة حلوه جميله

تعشش فيها زهور وجنينه

ورد وفل تملى يضوى

فجر ايامى اللى محليها

يمكن وقتها ارجع تانى 

واسرح فيها ....... 

سهر

الليل طويل كده ليه

سهر اوى عيونى

نبض الهوى والروح

دبلى ف جفونى

وسهرت استناك

تيجى تناجينى

واتمنى تبقى هناك

 بين صبرى وحنينى 

بحر الهوى عالى

 وانا اصلى كنت غريق

ايام… ما كان

 لى   صديق

اسرارى ف عيونه

دارى عليا وقول

 يابحر بالنية

طول عمرى انا انسان

الصبر ف ايدية

راضى انا بحالى

 واحوالى عاشقها ,

 والليل كمان لو طال

 انا صبرى غرقها

واحلف عليه لو مال

يرحم يداوينى