على اسم مصر
قلبى انكتبله دليل
يروى عطاشا الهوا
والروح معاه بتميل
مكتوب علينا الصبر
احنا ولاد النيل
المُر من شهدنا
صَبر غناوى الطير
والفرح عدى اصيل
على صوت نسيم الليل
والنبع ف البستان
صحى الزهور الوان
كاتب على شوقنا وبالوجدان
عَود خطاوى السهد
تنشد وبالالحان
أبدر على ايدك
لمحه من النسيان
ابيض يافجر اليوم
صاحى وبتنور
وبسمة الروح
على خدودى
قمر صور
راح ارسم بكرة
وبريشة امل حانى
تخضر نبعه
علشانك وعلشانى
وهكتب على عودى
انا المصرى انا الاسمر
