الأربعاء، 8 فبراير 2017

رباعيات

ياقلبى زاد الغُنا.. صوت الامان مكتوم
نسال عليه فى الفضا يمكن يجينا ف يوم
يحمى اصول الهدى ونلم عشاقه
نسرح مع اللى ابتدى ويرجع المقسوم


  ياقلبى  زاد الغنا... على اصل موالى
واللى هويته ارتضى يشوف مرار حالى
البعد مره نار وانا اصلى مش قادر

وبكره يجى نهار يروق زمان جالى


 ياقلبى زاد البكا ...وانا اصلى كلى جروح
والبعد قالى انا ... خليك ف بُعد ونوح
الصبر مره مرار والغنوة موالى

وف بعده قلبى احتار ياجرح قلبى رووح


 ياقلبى زاد البكا ... ولا دا طبع الشوق.
 طول عمرى ف المبتدا بدعى بكل الذوق 
 يروق اوان الهنا وأغنى موالى 
ويرجع نهار اللقا ..وايامى تبقى شروق 

هناك 11 تعليقًا:

  1. يا قلبى زاد البكا ولا ده طبع الشوق
    :)
    حلوة

    ردحذف
  2. يااااه كان واحشنى كلامك اوى
    جميله اوى يا بسومه
    تسلم اديكى الكلمات والاحساس احلى من بعض

    ردحذف
    الردود
    1. وانتى وحشانى كتير كتير ياقمر
      تسلمى حبيبتى ولا انحرمش زوقك ووجودك
      كل الحب ياقمر

      حذف
  3. راااااائعه بجد
    انا هعتبرها من المختارات فى شعرك
    أبدعتى كالعادة شاعرتنا الجميلة
    تحياتى

    ردحذف
    الردود
    1. ربنا يعزك ياجمال
      يدوم الزوق والتواصل اللى بيسعدنى كتير
      كل الود

      حذف
  4. القطر حزين ليه؟؟؟ الف سلامة...قولي مين ضايقك واحنا نقطعوه

    ردحذف
    الردود
    1. يارب تسلم من كل شر ياتراكيب

      ايون كده عارفه ورايا اخوات ياكلو الظلط هههههه
      كل الود والاحترام ويدوم التواصل

      حذف
  5. منذ فترة والخريف يدفق بين مداداك ، بعد ان كان شذا النسرين يعطره
    بكاء القلوب سطور اخيره في صفحات يجب لكثلم ان تكون بواكيرها

    تحياتي

    ردحذف
    الردود
    1. اهلا بتواجدك الغالى لا حرمنا الوصل وطيب الكلمات
      كل الود

      حذف

رأيك لو سمحت