الخميس، 9 يونيو، 2011

واخده الحياة غيه






طول عمرى بين الناس


 واخده الحياة غيّه



بحالى  راضية أوى  


ودموعى منسية


الصدق والاخلاص


 أنا شيلته ف عنيه


طول عمرى جد وايه !



ما ارضى الملاغية




جانى فى يوم موال سهر لياليا



لما شغلى البال صحا الحياة فيا



موالى دا احساس انا شفته بعنية



وبعتلى كام مرسال محلاها أغنية


خلانى بيه مجنون أرضى الانانية


شفته معاه أحلام لمساها بأدية


دانجم عالى بعيد نور لياليا


ودى زهرة بالالوان والعطر حنية


سافرت ويا الطير أحكى حكاوية


غنا معايا الطير رفرف حواليا


وفجاة سبنى لجرح قطع خطاوية


لما غدر بى الحال وفاتنى وحدية


وبقيت بكل جراح عيشاها بأسيا


قلت اعيش مرتاح وابعد عن المواويل


إِلى تجيب الجرح وتطّفى فى القناديل


ورجعت تانى اقول


 واخده الحياه غيّه


عيشاها عرض وطول


 ما ارضى الملاغية ...

هناك 11 تعليقًا:

  1. يابختك .. ياريت الواحد يقدر ياخد الحياة غيه ويعيشها بالطول وبالعرض ..

    ربنا يسعدك يارب ، ومبارك شهادة التقدير ..

    :::

    استمتعت بالقراءة ، دمت بخير.

    ردحذف
  2. طول عمر الانسان يتمنى يكون سعيد يعيش حياته بالطول والعرض كل واحد يحب يعيش حياته مثل ما هو يريد دائما هناك من هو واخد الحباه غية وراضى اوى بحاله ومش بيفكر فى الدموع لكن عندما يدق الباب كل شىء يتغير يحس ان العين اصبحت عليه يبدأ يفكر ويفكر وينسى الحياه شويه ولما يرجع يخيل لى انه لا يمكن هيرجع مثلما كان من قبل
    اتمنى ان تكون حياتك كلها سعاده دائماتقبلى مودتى وتحياتى ابوداود

    ردحذف
  3. دي تنفع أغنية حلوة ومين الحياة مش واخداه تحياتي

    ردحذف
  4. الغالية وجع البنفسج

    كم يسعدنى تواجدك الغالى ياقمر مرسى لطيب كلماتك العطرة

    ربى لا يحرمنى تواجدك

    مودتى وحبى

    ردحذف
  5. الاخ الغالى /الاحلام

    اكيد الحياه بالرضا اطعم وراحة للنفس

    مرسى لذوق كلماتك الغالية

    كن بخير وسعاده دائما

    احترامى لتواصلكم الراقى المشاعر

    ردحذف
  6. الحبيبة كريمة سندس

    اهلا بك وبمرورك الغالى ربى لا يحرمنى طيبه قلبك وتواصلك

    مودتى غاليتى

    ردحذف
  7. مساء النور ابتسام الراقية

    وكلمات جميلة تغرد بالحب والجمال

    من قلمكم الراقي الذي احب ان اتابعه

    لانه يضفي مشاعر راقية وجميلة تفرح القلب

    كم سررت بهذا المساء هنا

    لكِ ارق تحية وتقدير

    ردحذف
  8. مساء الهنا والسعاده د.ريان

    اهلا بتواجدك العطر الذى يسعدنى ويشرفنى كثيرا

    دمتم اخى بكل خير وسعاده وتواصل لا ينقطع

    احترامى

    ردحذف
  9. مساء الغاردينيا بسمة الورد
    ماأجمل أحرفك التي تبتسم سعادة
    وأمل وتفاؤل كم جميل أن نأخذ الدنيا غيه "
    ؛؛
    ؛
    رقيقة أنتِ
    لروحك عبق الغاردينيا
    كانت هنا
    reemaas

    ردحذف
  10. مساؤك هنا وسعاده ريماس

    اهلا بكى حبيبتى والله بنتظرك دائما بطيب

    كلماتك الراقية المشاعر والاحاسيس

    دمتى غاليتى بكل خير وسعاده

    مودتى

    ردحذف
  11. طب انا المفروض اكتب تعليق حلو
    طب منين اجيب كلام يليق بحروفك واحساسك الجميل
    ـــــــــــــــــــــــــــــــــــــــــ
    تسمحي لى مولاتى
    بان اضع التاج فوق راسك
    حب وتقدير لجمال حرفك العطر
    تقبلى تحياتى
    ــــــــــــــــــــــــــــــــــ
    جميل يا سومه

    ردحذف

رأيك لو سمحت