الجمعة، 29 نوفمبر، 2013

هيه هيه



فرحة الايام ف قلبى
 
هيه هيه

نشوة الاحلام ف عمرى

برضو هيه

قلبى طاف بيا ف ملامحى

زهزهت روحى ب جرحى

حسستنى بأنى عايش
 
حسستنى بأنى حايش

كل خطوه تدوب قصادى
 
شوقى شفها وكله عادى

م البدايه خت روحى

عشت بيها ايام جروحى

عودتنى على اللقا اكتر واكتر

عودتنى على الشقا جوه المقدر

اشوف بعادى ف السما دايما بيكبر

احس لهفه مخضره شجرى المبعتر

ياسمايا ويانجومى
 
قربى عمرى اللى راح

علمينى التقى ببسمة دموعى
 
ف لحظة سماح

شوقينى ارتمى ف نبع الامان

شوقينى يختفى غدر الزمان

احس بافراح الهنا تطبطب عليا

احس بعيون اللقا بتمحى
 
اللى بيا
 
يمكن احس وقتها باحلامى جايه

وتبقى جنبى بالامل

او هيه هيه....

الجمعة، 22 نوفمبر، 2013

ياسارق نبضتين منى


ياسارق نبضتين منى

غيابك صبره جننى

اداوى الروح بتنهيده

 الاقى الشوق بيقتلنى

 ياسارق نبضتين منى

 رسمتك جوه نن العين

وشوفتك بسمه عل الخدين

 وجودك هو كل حنين

 وطيف الوجد تاه منى

 ياسارق نبضتين منى

سرقت الروح وتوهت معاك

 وقلت أسعد اكيد وياك

لكنك قاسى ليه ف هواك

 بطرفة عين تزوغ منى

 ياسارق نبضتين منى

شطوط الحلم بتمنى

وقلت ابعد ولا اتأنى

ولعيونك وبستنى

وكتر الشوق مجننى

 ياسارق نبضتين منى

راح افضل جوه منك روح

اناجى القلب وقت البوح

وسهد القلب منى يروح

ساعتها الكون يفوق سنى

ياسارق نبضتين منى

الجمعة، 15 نوفمبر، 2013

بنكتب لمين ؟؟



قالولى ها تكتبت !!!وتكتب لمين ....؟


بنكتب لمصر اللى عايشه وابيه
 ومهما استكانت هتفضل عفيه
هترجع لخيرها وهى راضيه
 دى اصل الحكايه ورمز الكفاح

 بنكتب لحضن السلام الامين
 ينور بروح المحبه السنين
نغنى ونرفع شعارنا المبين
عشان بكره يرجع بنوره المباح

 بنكتب لفجر النهار البعيد
 ينور شعاع المحبه السعيد
 يرجع كلامنا ولو كان عنيد
 وبستانا يطرح موده وسماح

 بنكتب محبه وفرح وسلام
 بنكتب لشهد اللقا والكلام
نصبر قلوب الغلابه بهيام
نحول شراع السفينه لنجاح

بنكتب لصبر الليالى الوحيده
 وهنعبر بلحظة لقانا الفريده
نلم الايادى ونرسم جَريده
 وننشر عليها نشيد الصباح

 بنكتب لابنى وابنك كمان
 وطبع القساوة يروح م المكان
 نقرب ما بينا نقول ياما كان
وزهر الموده هيطرح فلاح

الأحد، 10 نوفمبر، 2013

هو وهى



تعامل وساجل

وست وراجل

بتحلى ما بينهم

حياة الأهات

بتمشى السفينه

ولو فى الجنينه

تحس الموده

وكترالمشده

وكله ف سكات

تقوله عيشتنا

هتخلق ف بيتنا

محبه وحنان

يرد عليها

دا اصل الحكاية

وهى الروايه

وحلمك جنان

تشوفهم ف شارع

ما تخلص مواجع

ما بينهم وبينه

بكل اللغات

وجوه المشاغل

بتشعل مشاعل

وكله ف ضغينه

لحد الممات

ياعينى ياحوا

وجودك بقوة

بيخلق حاجات

مادام لسه ادم

بروح المجادله

هتبقى الرايات

وا دى حياتنا

ولازم هنرضى

ياأدم ياحوا

بكل الثبات

الجمعة، 1 نوفمبر، 2013

جرحى بكا


الصبر منى اشتكا

 والمر منى ذاب

 اكمن جرحى بكا

واهو فاتلى شوق وعذاب

 ساهر ياقلب الشوق

باقى ف افكارى

لُون الطريق مفروق

 والعتمه مشوارى

شجر اللمون ارتاح

 هايم ف لياليا

نطق المرار افراح

ساب حكله ف عنيه

 ماشى انا ف حالى

غارق ف بحر الشوق

بنده بافكارى

 قلبى صبح مسروق

 عايش بصرخه روح

 نبعه ولا الميه

 صافيه منين ما بروح

ملكاها باديا

 امانه يابكره

حنن عليا الحال

راضى انا ومجروح

 وجرحى صبح غيه

الاثنين، 21 أكتوبر، 2013

القصيده الفائزة بالمركز الاول




بتنادى وبتدندن

مع الغاوى

تقول يادنيا مش ناوى

ابوح الا بأنفاسى

ولااقاسى على جناحك

ولا عمرى أقول حرة

وبالمرة

تكون انفاس معدية

مضوية على الفرحة

بتصرخ لك بحزن دفين

تكون ثابته ولا البراهين

واحساسى يبان راسى

وف الوجــدان اكــون انســان

بياخــد كل نفسـه شهيـق

وبرة الضيـق

كأنى بحـضن الدنيــا وبضـلوعى

بتخرج منى تنهيـده

طيور للحـب ممـدودة

بتفرد ف براحى حصون

بتتهادى وتتنادى ف كل سكون

زهور ف الروعه ايد فنان

بتبعدنى سنين قدام

اشوف الكون وانا وحدى

نقسم فرحة تستنى مع الاحلام

فتبقا سمايا بتنور ف كل مكان

ويطلع ضوء كأنه الطوق

يعدى غريب على جناحه

يلم الفرحة ببراحه بضحكايه

وبسماية تعشش شجرة جوايا

كما الاغصان نوزعها ولا بتفيض

مع التنهيد

وبتنادى عليا كتير

تتهاوى ولا العصافير

وبحبسها وادندنها

وبأديا تكون أفراحى

ليا أسير ـ
ـــــــــــــــــــ

الجمعة، 11 أكتوبر، 2013

تقربات عابد


ياسامع الدعوات روحى اليك طايره
بدعى واقول وابوح وافراحى بيك حايره
اقبل دعاء قلبى انا اصلى مشتاقه
 اجى لعندك شوق ودموعى لك سايره

 ياللى معاك قلبى طال شوقى لأعتابك ..
 اكتبنى من الناجيين واحفظنى بكتابك
 بحق شوقى اليك اقبلنى واهدينى
 يارب كل الكون ... فرحى بأسبابك

 الله على قربه هو الملك الغفور ...
 اسبابه مكتوبه هو البر الصبور ...
 ساتر على حالى وبدمعى بتمنى ..
 يقبل دعايا اليه هو ربى الشكور

 يارب بحبيبك تكتبلنا حجه
 نتهنى ونجيلك نسعد ونتهجه
 بزيارة المحبوب هنصلى ندعيلك
 كلمة وحرف جميل وبنوره نترجى

 القرب منه امان لازمن هنحتاجله
 والرك على الغفران دا ف يوم ماهنقابله
 يارب نسعد فيه دعوه ومقبوله
 راحم بنشكى اليه بنبكى ونسجدله

 ياسامع الدعوات ارحمنا واهدينا
 نبكى بدمع العين وبحجة قوينا
 بحق رغباتنا ف الود والغفران
 نيجى نحج نطوف واهو نشكى لنينا

 ربى رحيم رحمن هو اللى باقى لنا ...
 وان كان صعيب الحال حبه هيشغلنا ...
 ناوى على التوبه والقرب والغفران
 وان كان على جنته بصراطة هتجيلنا

*******************************
اتقدم بخالص التهنئة لجميع اصدقائى وزوار مدونتى بحلول عيد الاضحى المبارك
اعاده الله على امتنا الاسلاميه بالخير والصحة والبركات واصلح الله احوالنا جميعا
سومه .......

السبت، 28 سبتمبر، 2013

احلام



ساعات احلامنا بتاخدنا

 لفجر جديد

لشمس ف بكره نتمنى

 معاها العيد

ونفضل تانى نستنى

 نشد الروح

نعافر جوه بستانا 

نهد صروح

ونرجع تانى للذكرى

 اللى واقفه هناك

تبص بحصره ف  امالنا

 تقول ياشقاك

امانه يافجرنا فًجر

 ف بُوحك مٍد

نشوف العتمة راح تهرب

وليك نتشد

ونصنع م الامل فكره

 نعيشها سماح

نصبر جرح موالنا

 دموع وكفاح

ويمكن نلقى ف ايامنا 

هنا وافراح


وهيبقى بكره بأمالنا 

 هنا وافراح

السبت، 21 سبتمبر، 2013

عمرى يحلى بيك



إلنهاردة الصبح قلبى

 قلى فينك دا حرام

 روحى راحت تانى منى

 القمر عدى الغيام

 شُوقى غير كل طبعى

 وانت مش دارى الغرام

 خلى بالك ياحبيبى

 انت حدى و من نصيبى

 تبقى جنبى وغصب عنك

 شوقى ليك زايد نحيبى

 روق الايام تعالى

 قولى مش محتاج قِواله

 بُعدى عنك دا استحاله

 صبرى راح منى ف جوارحى

 شوقى ليك دوب ملامحى

 قلبى والاشواق تنادى

 عمرى راح عدى قصادى

 حتى كل الناس لمونى

 ما انت حُبى ونور عيونى

 شجرة طارحة جوة منى

 قربت روحى تغنى

 زَهرت زهرة خَليله

 تبقى جنبى ف كل ليله

 لَونِت حياتى بيك

 ياللى نظرة من عنيك

 حركت نسمة جميله

 روقت قلبى ودليله

 تنشد الدنيا الكحيلة

 تبقى شوقها تبقى ليك

 بين ايديا و بين ايديك

 تتفتح احزانى تمحى

 قسوة الايام ف جرحى

 تبقى فكرة وتيجى بكرة

 والمحبة تقيدلى ذكرى

 يغلى عمرى يحلى بيك

السبت، 14 سبتمبر، 2013

الصورة




الصورة ليه بهته

 وعيونى عشقاها

 ملامحها مش ثابته

 والقلب جواها

 شايفاها تتمايل

 والروح بتتحايل

 تسرح وتيجى هناك

 تتمنى تتساير

 ابص واستنى

 ألمحنى ف حماها

 بسمع ف ناس بتغير

 والدنيا لهياها

 اقول يانفس وليه

 الحيرة من صورة

 تقول دى اصل غيوم

 ف القلب محفورة

 خليك كده برة

 هتشوفها مغيورة

 دى الصورة من جوة

 تملى مبتورة

 هتلاقى بهاتانها

 يدى ل100 صورة

 واصلح بقى حالك

 تلقاها معدوله

السبت، 7 سبتمبر، 2013

ع الشط


ع الشط وغنيت اغنيه 

 وهستنى ف ايام ملاغيه

تيجى وطب طب على جرحى

 و تمسحلى الدمع بحنيه 

البحر الهيمان على شطه

وعيونى وقمرى اوام خطوا

والقلب السارح ف كلامى

هيقول ويحب عشان خاطره

الخاطر سابح ف ايامى

ومايحَلى العمر الا غرامى

ولا يوم هتمنى انول غيره

وبقول وبناجى ف اوهامى

صَورتك ف العمر حكايه

ورسمتك غنوه ف ضلايه

وهعيش ايام تحكى بشوقى

وهبوح للعالم بهوايا

تعلالى وبدل ايامى

واسرق من العالم احلامى

والسعد ينور ف سمايا

والشط اهو ثبت  أ قدامي
&&&&&&&&&

السبت، 31 أغسطس، 2013

الجراح



كل الجراح المرة غادرت للمكان
هَجرت لقلبى ويا اشواق الحنان
عدت على شهد الليالى المغرمه
ندهت لفرح حبى بتاع زمان

كل الجراح المرة ندهت خطوتى
قالت كلام النبع خضر غنوتى
شوق الهوى ويايا زهره كان لمون
شبع الغرام منى وكان لطبعه فرحتى

كل الجراح المره قالت كلمتين
نورت روح الليالى المحرومين
عزفت على اوتار المحبه لحنها
فتتت صبرى اللى شاهق بالحنين

كل الجراح المره دوقت لطعمها
غرست بسهد الدمع نصل بجرحها
شمع افراحى دا بدل شكوتى
ورجعت تانى اغزل خطاوى لطبعها

**********************

الأربعاء، 21 أغسطس، 2013

رباعيات خربشه



مساء الخير على عيونكم


يااجمل صحبه وانا بينكم


بلاغى الشوق بأحلامى



بكلمة صدق توصلكم

*********************

الدنيا دى مدرسة 

والدرس فيها حظوظ

حالك يادوب يتعدل

وف لحظة يبقى كابوس

***************************



الدنيا حالها كده

صبره يادوب ساعتين

ساعه تكون بالرضا

وساعه تسر العين
***********************************

رحال ياقلب البشر

والصبر له علامه

بيجيب معاه القدر

يظهر كما الشامه

*****************
قالوا النصيب غلاب

قلت النصيب جانى

الحب شوقه عذاب

وافراحه فيتانى
*************************

ربك كريم رحمان


هو اللى باقى لنا

وان كان صعيب الحال

الحب يشغلنا 
*****************
سكك وفيها الامل

والحب فيها يبان

عشان ما يمشى الزمن


لازم تكون انسان
***************


فى ناس ومن بعدها


ننسى الحنان والحب



وف لحظه نشتاق لها



نتمنى همسة قرب



************************

العله لو ف الجهل يبقى العليل موجوع

اصل الزمان مش سهل الحق فيه مخدوع

سيبك من اللى انخدع اصله لغيرك مال

خد م الزمان علتك بس بضمير مشروع

***************************



سلامى ليكم رضا


واشواقى اهى رايقه




ربى يزيدكم هدى


وافراح لفوق فايقه



***********************************

الاثنين، 10 يونيو، 2013

اللهم بلغنا رمضان



كل نجوم السما بتنادى

قرب حضن الشهر الهادى

اكتب اسمك على اعتابه

ريان واقف على ابوابه

يبدر خير الشوق بهلاله

ونهار يصرخ حب قباله

كل يوم بستنى تيجى 

فرح شوق يجرى ف وريدى

شهر نفحاته الفريده

نبع نور لشهور عديدة

فجر وطارح تقوى ونور

يغزل قلبك  حب شهور

30  ليله  بنستناها

على اعتاب العمر معاها

قرب الايام ياربى 

سكن الافراح ف دربى 

اشتياقى زاد وفايض

عمرى كله نوره قايد

ننسى بايامك حياتنا

تبقى صرح يقوى صوتنا

ندعى يارب تبلغه لينا

شهر الصوم نسعد وتيجينا

وارجع تانى بشوقى انادى

قرب حضن الشهر الهادى

كل عام ونحن وامتنا الاسلاميه بكل خير وصحة ويعود علينا رمضان فى امان وحرية اللهم امين

الثلاثاء، 4 يونيو، 2013

غناوى





غناوى غناوى 
وهحكى ف حكاويى
تنور تعدل
فى كل اللى فات 
تقول لسه بينا اخوة 
و ثبات
 تنور كلامنا  ترجع سلامنا
 فيزهر ساعات
ومين اللى مرر علينا بسكات ؟
نقشنا ف عمرة بدون ذكريات !
دى غنوة قادتنا تنور ف بيتنا 
بحب الاهات
بتبدر حكاوى وتملى ف اناوى
 وترفع رايات
انا الشعب مصرى عصرى وأمين
ولا حته منى ب تخفى الحنين
عشان انت مصرى وعصرك وعصرى 
بيعصر ما بينا قساوة سنين
تعالى نخضر جناب المدينة
ونبدر عليها الاسامى القديمة 
نرجع أمانا يضم السكات
نزيح غدردايم  يبيح ف الشتات
نبطل كلامنا  اللى غازى ف امالنا
و يطعن ف حلمة ويجزر ف مالنا
تعالو نرجع حلاوة زمان
 بغنوة جميله تقول ياسلام
 ترجع لطفله بريئة الامان
 تزيح حلم ظالم يعيش فى المكان
نهد ف عمره نزق ف ظلمة
 نقول ياما كان

نشوف بكرة ييجى نقول كان زمان 
عملنا وعملنا وكنا تمام
ما شوفنا قدرنا  وما حد زارنا 
غير اما جالنا  يحلف بحالنا 
على حب زان
دا شعب الحضارة  بكل الامارة 


 بكل السماحه بكل الصراحة

 يمرالطوفان

****************
اللهم اصلح احوال بلدى امين