الجمعة، 22 فبراير 2013

النهارده





إلنهاردة الصبح قلبى 

قالى فينك دا حرام

روحى راحت تانى منى

القمر عدى الغيام

شُوقى غير كل طبعى

وانت مش دارى الغرام

خلى بالك ياحبيبى

 انت حدى و من نصيبى

تبقى جنبى وغصب عنك 

شوقى ليك 

زايد نحيبى

روق الايام تعالى 

قولى مش محتاج قِواله

بُعدى عنك دا استحاله

صبرى راح منى ف جوارحى 

 شوقى ليك دوب ملامحى

قلبى والاشواق تنادى

عمرى راح عدى قصادى

حتى كل الناس لمونى

ما انت حُبى ونور عيونى

شجرة طارحة جوة منى

قربت روحى تغنى

زَهرت زهرة خَليله 

تبقى جنبى ف كل ليله

لَونِت حياتى بيك

ياللى نظرة من عنيك 

حركت نسمة جميله

روقت  قلبى ودليله

تنشد الدنيا الكحيلة

 تبقى شوقها تبقى ليك

 بين ايديا و بين ايديك

تتفتح احزانى تمحى

قسوة الايام ف جرحى

تبقى فكرة وتيجى بكرة

 والمحبةتقيدلى ذكرى

ياللى عمرى يحلى بيك

الثلاثاء، 12 فبراير 2013

ام الشهيد


ياأم الشهيد قلبك
 دايب من الاحزان
عدى علي دربك
وبدرله شوق وامان
صبرك دا كله خضار
طارح لنا عصافير 
مالت على الاغصان
 فدابت جراح بتسيل
يالى عيونك للهوى
 قالت لنا موال 
ساقت اليكى الدوا
 م الهجر والحرمان
توبك ياطاهره ان حزن 
ربك رحيم موجود
شاهد على الافعال
 اللى تزيد وتجود
قلبى عليك انفطر
 لكن ف شمسك ضى
سارح يقول اه ياناس
شهيدنا لساه حى 
ربى هيطرح
من نور دموعك
 للفرح عناقيد
شاهد علينا ان زعق ....
وشموعنا اهى هتقيد
بشراكى ياغاليه 
صبرك على الاعتاب
عارف طريق سكته
 ماهى سكة الاحباب
قلبك ومشوارة 
غارق بافكارة 
بكرة هيجى اليوم 
وهتعدوا تختارو
جنه وفرط امان
وجناح وكله سلام
وعلى جبين حبك
 هتلاقى ابنك نام

السبت، 2 فبراير 2013

تعالوا نزرع



طول عمرنا

عايشين نحب ف بعضنا

طالبين رضا من ربنا

وبندعى يارب السما

تصلح لنا حال مصرنا

وف يوم قدرنا بصبرنا

وبجرح شاقق ضلعنا

نمسك زمام الامر نحمى ارضنا

وكان الامل يوم فرحنا

عارف طريقنا وقصدنا

وبنور دعاك انت وانا

ربك و بدل همنا

بفرحه دامت قول شهور

لكن شيطانا زان لنا

ان الفراق لازم يفوع من حقدنا

عشش خلاص وف وسطنا

علشان نذم ف بعضنا

ونقطع العرق اللى واصل قلبنا

ونجرح العيشه اللى داقها

بمر ومرارة اهلنا

اصبح مابينا دم ليه ؟

اصبح عشان دا كله ايه ؟

وحصدنا ايه غير دم خضب ف الربوع

غيرتوا ايه ؟

غير الدمار ويا الوجع جوه الضلوع

سامع هناك صوت الشهيد

يصرخ يقول كفايه دم بصوت عليل

اسمع نداء الحق دمك مستحيل

فين السماحه يابلد

فين الخلاص

والصبر كنا بنسمعه ونردده انت وانا

عمر الكراهه ما يوم تكون من حظنا

ارجع بقى فوق ياولد

احنا بلاد الطيبه حضن الامان

احنا السماحه الحلوه للروح والزمان

وبدال مانقتل بعضنا

ماتيجوا نزرع كلنا اخضر غيطان

ونفوق بقا .....
Very Happy