الجمعة، 25 نوفمبر، 2011

سرب الحمام

كلمات بسيطه من قلمى  تعبر عن روح التفائل
التى اعشقها دائما واحب التحلى بها
فمصرنا فى رباط الى يوم القيامه 
كما اخبرنا الحبيب المصطفى 
 أقدمها فى ظل ظروف بلادنا الحاليه
 علها تكون بردا وسلاما على قلوبنا جميعا يارب
******

سرب الحمام 
اللى طاير ف الهوا
قايل كلامه
بنغمه حلوه
 اهو سوا
بالحب نهدى 
وبالموده قلوب كتير
بالشوق نقابل 

كل طالعة
ليل طويل 

يامصر قومى وهمى

  وافرحى 
شوفى ولادك
 طبعهم
بدر المحبه
 وغير بشوقه
نبرة
 الزمن  العليل

شدى معاه الحمل
 شدى وارمحى 
هدى البيبان
هزى الزمان

 قولى كلامك من هنا
 لحد  الطوفان

خلى طريق الغدر 
يهرب مننا 

ينسى اوانه 
ويدوب يروح
من وسطنا 

سرب الحمام المضوى
على القمر

شارد معاه الصبر
و يحلاله السهر

شب الشباب الحر
شبه ف الهوا

حلف المراد ما ينوله
الا بالنوا

نيه وسليمه
والف واحد مدها

ساعة ما شاخ
ظلم العصابه منها

مِسك الولاد السمر
شهد الامنيات

بس العليل المر
 واقف بالعناد

اصــبر كمــان
واوعاك تقــول
 كلمـه سـأم

اصل الكلام المر
 لاعمره دام

ولا يوم حكم


بكرة الامل راجع اكيد


قايل كلامه بالهنا
 سهل ومفيد

انا كلمتى بالفرح
تهزم100 عنيد


واسرح  ف حلم
و بعيشه حلوه

وب100 امان


اصل الزمان
 من طبعه

 يدى بالرضا
ومش بالكلام




الجمعة، 18 نوفمبر، 2011

حبات المطر



وف وسط حبات المطر

و لمحت قلبى وكان خطر

انى اروحله والمحه

واخد ه وابدل مطرحه

واسرح معاه ويا الحياه

يمكن هشوف اللى ظلم

وهاخد قرار ويا الندم

بانى زهقت من السهر

 وانى شبعت من القمر

وخلاص نسيت


 نسمة هواه

وعمرى ما يوم

طلبه لرضاه

وان عذابى وشكوتى

 لسه سقياها سنينى

 من الحزر

وان الخطر

 لو يوم لمحته بنظرتى

 وعرفت طريقها خطوتى

هيرجع معاه

 حلمى اللى ضايع


 فى السما

وهلضم عصافير


 فن الهوى

وبحكمها ....

هضرب بقلبى

 الف عام

 ولا ف المنام

ويمكن هقوم 


واصرخ  قوى

وهمسك بايدى معصمى

وهروح واغنى غنوتى

 وبسرعه هحكم خطوتى

ساعتها قلبى يكون امر

 انى اغير مطرحه

من وسط 


 حبات المطر

السبت، 12 نوفمبر، 2011

احلى الكلام



صاحى وبدور 


على الحقيقه وع الامان ...

 جوه الوشوش الحلوه

 والناس والمكان ...

يمكن الاقى الحب

 وامشى ف وسطهم

  اخد كلامهم 


وبالمحبه...

هاسكن جوه ف قلبهم......

ياطير ياللى طاير

 بالموده وبالهدوء

هاتلى معاك

 كل العيون الرايقه 

والشوق والشروق

وهشعر معاك بالراحه

ويعودلى الحنان 

اصلك صديق

 وانت الرفيق الغالى

 والروح واللى كان


يانجمه يالى


 ف سمايا ودنيتى


 زاينه الشجن


حنى عليا وقربى


وبدلى لوعة هوايا 


بنور لقاكى  للزمن 


انا روحى جنب منك 


راقت و زهزهت


حلفت تعيش


 زى الربيع الهادى


ما يلف الخضار


وناويه تقول


 كل الامانى الحلوه 


بالشوق للعمار


حتى العصافير 


ف السما


 سايقة الدلال


عرفت طريقة خطوتى


 شايفه الامال


شهدت عليا وروحت


غنت وقالت بالهنا




احلى الكلام



الجمعة، 4 نوفمبر، 2011

نفســـــــــى





نفسى اروحله بشوقى انادى

بفرحة قلبى وهنا بودادى

بعطر النور اه ياحب الهادى

دمع حنينى عليه بينادى

اغسل روحى ويا عيونى

اصلى وادعى بحب رسولى

تغفر ليا اعيش مرتاحه

ويا الصبر سنين سباحه


رسولنا الهادى علينا ينادى


وحوض الكوثر شاهد غادى


قُرب الشوق دايما يجمعنا


بذكر النادى وربى سمعنا


صلى وقول ميت الف سلام


عليك ياحبيبنا ف كل اوان
*****************************
كل سنه وكلنا بالف خير وسلامه وربى يوعدنا


بزيارة بيته الحرام


اللهم امين