الأحد، 16 أكتوبر 2016

الفتنه خطيرة


الليالى الحلوة انت
بالامل تغزل ساعتها 
الليالى المرة تقدر
بالعمل توقف ثباتها
كل حاجه حلوة لينا
بالشراع ويا السفيه
مش بواحد دار لسانه
يقرص القرصه اللعينه
خلى بالك ياهمام
الكلام زى الحسام 
ربك القادر بيحسب
كل حرف لك لجام
كل شبهه تبقى منك
ولا فتنه غصب عنك 
تنكتب وتكون كبيره
مش تخبط ولاحزن
دا امتحان لينا بوزن
جوه دنيا ضباب شرورها
زايده حبه من غرورها
ابعد الكلمه بمرورها
احمد حياتك بالرضا
 وان كت قصيره
امسك زمام امرك 
واحذر!!
تبعد الفتنه الخطيره

الأحد، 25 سبتمبر 2016

الحلم البرىء




كل يوم الدنيا تحدف حلمنا 

جوه الحروف

نجرى عليها نشدها 

بلهفه وخوف

اول ثبات الطرف ف ادينادليل

ان الغرام والحلم دايما لجلنا

 ماله بديل

ساعة بيان الفجر للحرف

 انفراجه 

تسبح معاها عيونا ببراعه

 بسذاجه 

يسرح خيالنا وعمرنا 

يدور يبوح

فين اللى شاغل قلبنا

 نهد الصروح

لحظة بيانه ونبضنا 

 يبقي انتباه

نمسك شراعه وبختنا

 هو النجاه

وتفضل الدنيا تجدف ف الدروب

تحدف الحلم البرىء ويا الهوا 

يمكن نتوب

الأحد، 21 أغسطس 2016

سمير ايامى

يالائذاً بحصن قلبى حينما

يقسو الزمان عليك والايام

اصبو لشدو قلبك راضيا

عل الهوى يحنو فيفجر الاحلام

شغف بروحى وبالفؤاد حلاوةًَ

ارنو لطى يديك ف استسلام

ارشف الشهد الشفيف بمبسم

صائغ اللحن بدون كلام

يالاهمسك وويح قلبى دونه

وبقرب عطفك لا ابالى ملام

أياحبيبا جاد الزمان بقربه

لا لن اعود لعهد شجنٍِِِِ

ولّىًً السكون دونه ومحى الالام

ياسمير ايامى ولهفة خاطرى

ارجوك خِلا على طول الدوام
ــــــــــــــــــــــــــــــــــــــــــــــ

السبت، 13 أغسطس 2016

صرخة سكوت




نطق القلم حبة كلام

صرخ السكوت

 وف لحظه عينى اتنبهت

راح الغموض

 مش ده حبيبى ودنيتى ؟ 

مش ده نصيبى وقسمتى ؟

طب غاب عنى ليه؟ 


مين قسى قلبه

 وخطوته ضاع منى ليه ؟

 والنسمه مابقيتش تعدى وتشاور 

بالمحبه اللي ف عنيه

 لجلى انا ؟

فين الحنان اللى فى لغاه

 فين حتى لمسه حنينه 

زى الامل جوه الحياه

حساه بيخدع دمعتى

 حساه بيشكى همستى

اكمن حبى والغرام 

زايد وشايل نبضتين 

من غير انا !

لكن خلاص قلبى انقسم

 بين الخصام وم بين ملام 

شايفه الطريق 

من غيره شاهق كلمتين 

صرخة سكوت

 وكلمه هتنطق بالحدود 

بينا هنا

الثلاثاء، 2 أغسطس 2016

انسى




انسى ياقلبى الحب


وعيش


واسمع صوتى


ومتقوليش


نرجع تانى


لحضن آلامنا


اوعك تانى


ولا تعيدليش


داانت ندمت


ف لحظة معاه


على ايام


عشتها ب مفيش


مش راح الومك


على احلامك


راح الوم نفسى


ولا تلومنيش


توبه يرجع


تانى كلامنا


مع احلامنا


ولاأخبيش


ألمى وندمى


ف حضن ايام


راحت مـٍنى


زى فراشة


ف وسط الريش


انسى وسيبك


وارجع تانى


ويا الصبر


اتهنى عيش




الاثنين، 25 يوليو 2016

انا بعترف




هو كده

 طبعى كده

قلبى فى قربك

 زى  بعدك قال كده

غيره وسهر 

وكلام خطير 

من ده وده

هو كده طبعى معاك

 عجبك ياقلبى

ولا اقولها واعيد لغاك
 
 حبك غريب

 جوايا مش بقدر عليه

 غير لما روحى تعشقه

وتسكن اليه

غصب عنى

 عيونى تنطقها 

  كده

ولا غرامى جنب منك 

غرق بحورى

 وكاد معاه كل العدا ؟

قدرى ياناس 

انى اكونلك مختلف

 وجوه منك 

اسكنها روحك واعترف 

انى كده 

وطبعى كده

بحب روحك 

غصب عنك وهو كده ....
 

الأربعاء، 20 يوليو 2016

نسيت يافراق





خلاص الدمع جوايا 

صبح اشلاء

مابين الهم والحيره

نسيت يافراق

بقول واصرخ انا راضي

وصوت الرد بقي فاضي

عل ارغول

وبعزف كلمتين تايهين

عل جراح الهوا دايما

شموع صابرين

يا ليل الصبر يامسهر

عيوني امان

انا غيرت اعتابي

بلاها جنان
لضمت الحب ف ورودي

وقلت اقطف ف موعودي

وسكنت الامل فيا

فطبطبلي بحنيه

وعود الشهد ف عنيه

تنور نجمه سبقاني 

راحت لبعيد

بتوعد يومي وسنيني

ما هتفوتني ف ليله وحيد

وانا دمعي ف جوايا

دا متشتت بيعلني

بايامي باحلامي

بطيبه لسه سحباني

 صبحت جديد
ــــــــــــــــــــــــ
وحشتونى والله

الثلاثاء، 23 فبراير 2016

الامل

 
 
الصبر فى زمانه البعيد 
 
طبطب بشوق جوه القلوب الطيبه 
 
صرخها صرخه ومتعبه 
 
جرب تكون 
 
واحد ف سرب المحرومين 
 
حب وامل
 
جرب وقرب خطوتين
 
شهد وعسل 
 
هتلاقى جنبك ناس كتير
 
تتمنى تبقى مطرحك 
 
ومين دا اللى يقدر يجرحك
 
نبضك اكيد 
 
غازل طريقك بالشجن 
 
فارد عليه مليون شبك
 
فكر كتير
 
يمكن ف يوم توصل لمربط شكوتك 
 
تلقى القلوب صبحت شموس
 
واهى نورتلك بالغنا فى كل النفوس
 
بتقول كلام هنا مغزله
 
صبر 
 
وفرع ف الصدور فاتحولوا
 
بساتين وعايشه ف نبتها
 
وردايه شبكت غصنها 
 
ويا طرف اسمه الامل ..
 
ايوه طرف اسمه الامل

الأحد، 24 يناير 2016

انا والسنين


دخل الشتا

فارد قلوعه

على الحيطان والاورده

دخل الشتا

قال الكلام

شبه الوجع ف الافئده

سكتت عصافير الهوا

الا الشموع

صرخت ومن وسط النوا

سبحت دموع

كالبرق جوايا انا

عطش السنين السمر

بردت م الهموم

طلبت غناوى الفرح

ترجع م الغيوم

لكن هناك

نوه بتحضن نبضها

بضى النهار

شارد معاها صبرها

ف حبه خضار

مادد شباكه عل الغطان

سارق دفا حلم المكان

متخبى ورا طول السراب

شايل ف اوجاعه

ولا غيامة سحاب

بطول السما متمدده

حلفه لتمطر بالرضا

بحبه أمل

وتعدلى حلمى اللى اكتمل

وانا لسه جوايا حزين

مستنى فجرى ف الشتا

بحبه حنين

يمكن تعودلى بسمتى انا والسنين
يمكن تعودلى بسمتى انا والسنين
ـــــــــــــــــــــــــــــــــــــــ

الثلاثاء، 19 يناير 2016

انسان


كما الفرحه وبتمنى

اكون انسان

اشيل العتمة من روحى

مافيش حرمان

احس القسمه سحبانى ووخدانى

ف كل اوان

تحدد بالرصاص رسمى

ولون الحرف من اسمى

كما الاغصان

اشوف البسمه مجروحة

وتتمنى تدوم بسلام

اقول يمكن هيتهجى وف حرفى

حنين فنان

يصبر قلبى وشروحى

يفسرها بكل امان

وبكره برضو مستنى

اقول واصرخها واغنى

يافجر النور انا عايش وبندهلك

تعالى اوام

ترد الفرحه واكونلك ورود بستان

وتبقى الشمس بتنور

ف كل مكان

وساعتها اقولها من قلبى

انا انسان
ـــــــــــــــــــــــــــــــ

الأربعاء، 13 يناير 2016

رامى انا رمشى

 
على جبين الزمن رامى انا رمشى 

وحالف بكرة لاخطى بحنين وامشى

ياطير الصبر ما تعطر ندى الايام 

تعالى وصحى احلامى سنين قدام 

انا عاشق وايامى هناك سارقه 

بتبدر برتقال شاهق 200 شهقه 

على ارضى وبينور كما الاقناديل

باسراره وافراحه كما المناديل

بيعلنها وبيصرح على اسمى

خلاص الدنيا مجبوره 

تنورلى ضيا شمسى

وحتى النجمة ف سماها 

وبتغنى  على شوقى

 تقول شاهده بان ايامى 

هتنور شموع فوقى

  وانا شايف خطايا تعدى قدامى

 وانا حالف اهديهاواطير بيها

 بورد الود اغطيها من الحاسدين

 واقولها كلمه واحكيها لكل حزين

تعالى افرح هنا لبكره 

تعالى وخطى بخطايا نجيب فكرة

 ونجدلها على خصر الزمان ذكرى

 ونجدلها على خصر الزمان ذكرى