الاثنين، 29 نوفمبر 2010

قلب حنين


لما تقابل قلب حنين

سيب الدنيا واجرى وراه

مش هتقابل ابدا تانى 

كل قلوب الدنيا
الأه

الحنية 

دى قرب منها

 واوعك يوم 

تستغنى… تلومها

روحلها انت واشغل بالك

 كلمة جميلة وغير حالك

الحنية 

يامحلى اثرها 

على احوالنا وعلى جوهرنا

فيها الحب

ومن غير مطلب 

غير الود 

وغير المهرب

من احزانا  ومن اوهامنا 

دايما شاغله 

البال والمطلب

اجرى عليها  وارتاح حبه

الحنية دى

 روح ومحبة

واسأل واحد   غرقان فيها

 حاله اهو

 باين ومقضيها

بكل مودة   وشوق بعنيها

كل احوال الدنيا


 هتقْرب


حديث الروح






حـديث الأرواح للأرواح يسري 
وتـدركه الـقلوب بـلا عـناء
هتفت به فطار بلا جناح
وشق انينه صدر الفضاء 
ومعدنه ترابى ولكن
جرت فى لفظة لغة السماء
لقـد فـاضت دموع العشق مني
حـديـثا كـان عـلوي الـنداء

فـحلق فـي ربـا الأفلاك حتى
أهـاج الـعالم الأعـلى بـكائي

تـحاورت الـنجوم
وقلن صوت بـقرب العرش
موصول الدعاء

وجـاوبت الـمجرة عـلّ
طـيفاً سـرى
بـين الكواكب في خفاء

وقـال الـبدر 
هـذا قـلب شاك
يـواصل شـدوه عـند المساء
ولم يعرف سوى رضوان صوتى
وما احراه عندى بالوفاء

شكواي أم نجواي في هذا 
الدجى ونـجوم لـيلي
حُسّدي أم عوّدي
 امسيت فى الماضى اعيش كأنما
قطع الزمان طريق امسى عن غدى 
والطير صادحة على افنانها
تبكى الربا بانينها المتجددى 
قد طال تسهيبى وطال نشيدها 
ومدامعى كالطل فى الغصن الندى 
فالى متى صمتى
كأنى زهرة خرصاء
لم ترضى ببراعة منشدى

قـيثارتي مـلئت بـأنات
  الجوى
لابـد لـلمكبوت مـن فـيضان

صعدت إلى شفتي
خواطرمهجتي 
لـيبين عـنها مـنطقي ولساني

أنـا مـا تعديت القناعة والرضا 
لـكنما هـي قـصة الأشـجان

يـشكو لـك اللهم قلب لم يعش
إلا لـحمد عـلاك فـي الأكوان

من قام يهتف باسم ذاتك قبلنا 
من كان يدعو الواحد القهار
عبدوا الكواكب والنجوم دلاة
لم يبلغوا من هديها انوارا
هل اعلن التوحيد داع قبلنا
وهدى القلوب اليك والانظار
ندعو جهارا 
لا اله سوى   الذى 
صنع الوجود وقدر الاقدار

اذا الايمان ضاع فلا امان
ولا دنيا لمن لم يحى دينه
ومن رضى الحياة بغير دين 
فقد جعل الفناء لها قرين
وفى التوحيد للهمم اتحاد
ولن تبنوا العلا متفرقين
الم يبعث لامتكم نبى
يوحدكم على نهج الوئام
ومصحفكم وقبلتكم جميعا

منار للأخوة والسلام
وفوق الكل رحمن رحيم
اله واحد رب الانام

من بديع ما قرات

الشاعر محمد اقبال

السبت، 27 نوفمبر 2010

كنت اتمنى


كنت اتمنى لو لقياك
 ف زمن تانى
 وكنت  اهواك
ويكون بحر هوانا هناك
بحرزمانه
 بلا شطأن
و حلم عالمنا
 بلا   جدران

وبعد الحلم ما بقى اوهام
وضاع العمر مع ا لاحزان
شوفتك قلت ف يوم اهواك
الون عمرى ف حضن لقاك
لكن ليلى غير حالى
ورفض صبرى ايام وليالى
قلت     استنى الشوق الغالى
واسأله عنك ……. يرتاح بالى
برضو الشوق
 كان جارح قاسى
حير بالى وغيرناسى
قلت ارتاح واريح بالى
 ولا اهواك
 ولا تيجى على  بالى
يمكن اقدر اعرف حالى
 واطلب منك
 اه يازمانى
 ترجع بيا لو لثوانى
يمكن احن واقول من تانى
 اه لوحبك
 كان ف زمان

 او عالم تانى



الأحد، 21 نوفمبر 2010

مناجاة قلب ....


ايا قلب ...
مالى اراك فى الهوى
تهفو هفوا ثقيلا

بعد ان سار 
حبه يسرى فيك كالغديرا
كم كنت تشتاق للعشق يوما
فسقاك حبه شهدا كثيرا

ورماك بسهم محبة 
حتى اصبح نسيان هواه
شيئا مستحيلا

ايا حبيبا...
قد ملاء هواه قلبى وكيانى
فما عدت ادرى طعما للحياة 
بدون شجن الليالى الجميلا

وما عدت ادرى حالى 
وسط اخوانى فقد سرت وحدى غريبا
اعانى الهوى 
وسهد الساعات الطويلا

ما عاد يحملنى حنينى للهوى
بعد ان سار حبك
فى القلب حبا عسيرا

فأرفق بحالى وإلا فدعنى 
فقد بت بحبك اشكو الهوى
شكوى العليلا

السبت، 20 نوفمبر 2010

هو ده عمرى





كل الدنيا
 ما بتدور واكبر
بعشق عمرى
 وبفهم اكتر

حلو الدنيا
 ويا مرارها
صبر ف بقى
 ولا دا علقم

وصدى الكلمة
 لازم يخلف
معنى ف بعده
رنة ما ترحم

وبقيت أقدر
أدرك اكتر
ان البسمة
دى معنى واكبر

وانعكسات

 الدنيا مرايا

تعكس نورك

 من جوايا

قول ما تخبى

 دا انت حكايا

وبقيت روح
حساسة اصدق
كل ماهو
 حسيس واتحقق
صدق حياتى
 دا هو الاصدق
وبقيت بفهم
 حزن وريدى
لما بيخرج
 يوم من ايدى
يقول ويعبر
 عنى ياسيدى
و أحس ف جوايا
  معانى
كات مكنونه
هناك بتعانى
جوة عيون
 للحزن اغانى
هو ده عمرى
 ويا حياة الجد
 واكتر
 بقلم بسمة ورد أتفسر

السبت، 13 نوفمبر 2010

انسى ياقلبى



انسى

انسى ياقلبى الحب
 وعيش
واسمع صوتى
 ومتقوليش
نرجع تانى
 لحضن آلامنا
 اوعك تانى
 ولا تعيدليش
داانت ندمت
ف لحظة معاه
 على ايام
عشتها ب مفيش
مش راح الومك
 على احلامك
راح الوم نفسى
 ولا تلومنيش
توبه يرجع
 تانى كلامنا
 مع احلامنا
 ولاأخبيش
ألمى وندمى
 ف حضن ايام
راحت مـٍنى
زى فراشة
ف وسط الريش
انسى وسيبك
 وارجع تانى
ويا الصبر
اتهنى عيش

الأربعاء، 10 نوفمبر 2010

ذكرى


ذكرى حبه
 جت ف بالى
ثبتتت صورة
 لعمرى ولخيالى
حركت ف قلبى
احلى لحن عشته
 ف حضن الليالى
ساعاتى

 ف البعد عنه
بمضغ
 ف الصبر لهفة  
ودموعى
 تفضح الاهه
 اللى سكانه
جوة جرحى
 و ف خيالى


شيفاه لمركبى
 بحر بيحضن
 كل خطوة تايهة 
ف حصن الليالى


انت ياعمرى البدر

 اللى بينور حياتى
 وظلمة قلبى وانشغالى


و الايام لو يوم هتنسى

والخطوةف البعد تقسى


طير هوانا

راح يحلق

فوق سمانا
وبخطونوا

الخطوة ترسى

الاثنين، 8 نوفمبر 2010

الحب البرىء


 
احساس جميل لما تحس ان الدنيا تحولت
كلها بحلوها ومرها لنبض قلب واحد فى حياتك 
ينبض من اجلك ولك وبك , 
وتشعر بجانبه بالأمان والسعادة والطمأنينة ,
حتى فى احلك احوالك واحزنها ,
فالسعاده هنا فى هذا الاحساس 
بوجود هذا القلب الطيب فى حياتك 
يملئها سعاده وامل فى الغد البعيد والقريب,
فتشعر انك تريد وبألحاح شديد أن تسعده وتضفى على ايامه اجمل المشاعر واعذبها ,
فياله من شعور طيب شعور
الحب البرىء

الخميس، 4 نوفمبر 2010

بكلمة منك


بكلمه منك ,,
 تنسينى اللى عدى اوام
تخلينى احس بقيمة الايام
تطمنى لسنين قدام
بكلمة منك,,,
 تورينى اللى مش شيفاه
تريحنى من الهم اللى انا شيلاه
تعيشنى اللى مش عايشاه
 
بكلمة منك ,,,,
 عرفت انا دينيا معرفهاش
علشان خاطرة بحب حاجات ماحبتهاش
 ولو تندهلى بستناك
بكلمة منك ,,,
لقيت كل اللى مش لقياه
 ولو فى حد زعلنى انا مسمحاه
ولو فى جرح انا هنساه

كان فين هواك من بدرى ياحبيبى
 وكل ده فين ,,,
انا من قبلك اناعايشة مع العايشين
 بكلم نفسى من الوحده بقالى سنين
  وانا فى ضيقتى مكنتش عارفه اشكى لمين
 ودلوقتى وانا بعمل حساب بعدين
ودلوقتى عرفت ابدا حياتى منين


الأربعاء، 3 نوفمبر 2010

قلة الأدب


مرت سميرة كعادتها مع زميلة لها فى العمل على الفرن البلدى قبل الذهاب الى البيت وبعد ان القت السلام على البائع
اخذت ماتريد وانصرفت فى هدوء,ولاحظت  ان البائع لم يرد عليها السلام ,
وتكرر المشهد مرارا وتكرارا امام عيون زميلتها ندا 
فبادرتها ندا بعد ايام  بسؤال :: 
اهو ابكم,لما لم يتكلم هذا البائع ؟؟
فنظرت اليها سميرة بابتسامة لا ادرى فلربما لا..
لماذا هذا السؤال الغريب منك ؟؟
انفعلت زميلتها _انه لم يرد عليكى السلام ابدا ,
فلماذا اذا انتى مصرة على ترديد 
سلام عليكم 
أنه شخص لا ذوق ولا أدب عنده.....

ضحكت سميرة من انفعال زميلتها وتحليلها للموقف 
وأجابتها فى ابتسامه وثبات ::
أأعلمه الأدب أم أتعلم منه قلة الادب !

فتبسمت ندا وهى خجلى من كلماتها
واجابت فى همس

بل تعلمينة الادب

الثلاثاء، 2 نوفمبر 2010

حبة روقان


الليالى الحلوة .... والشوق والمحبة

من زمان والقلب شايلهم عشانك

دوق معايا الحب ... دوق 
حبة بحبة .... دوق من حنان قلبى 

اللى طال شوقه لحنانك

هات عنيك تسرح ف دنيتهم عنيا

هات ايديك ترتاح للمستهم اديا

ياحبيبى تعالى ... وكفايه اللى فاتنا

هو فاتنا ياحبيب الروح شويه ؟

الاثنين، 1 نوفمبر 2010

حاولت



عمر السهد وهجر الحب

 ما يبعد يوم عن قلبى هواك 

عمرى ما بنسى

 ولا اقدر اقسى

 دا انت الروح

والعقل معاك 

عمرى ما هقدر يوم اتغير

 ولا يتغير نبض القلب

 اللى بيهواك

كنت بفكر انى راح اقدر

 لكن ابدا …..حلمى الدايم

 فرحة عمرى

بأنى معاك

حتى هوايا …..

حاولت ان اقفل 

نورة ف قلبى

 واظلم حالى ف

 حضن رضاك

لكن برضو

لقيتى بفكر

 لحظة شوق 

ان ابقى معاك

هعمل ايه ما تقولى حبيبى

يالى انا راضية

بحالى معاك
***********************
مهداه لأعز وأغلى الناس عندى