الاثنين، 26 مارس 2012

قلبى حاير


قلبى ف هواك و قربك
 حاير ف كلام كتير
انت الشوق والقساوه
 والجرح معاك خطير
حُبك قربنى  منك
 لاكن خلانى اغير
اكمن قلبى دَمعُه
 اصبح لجلك اسير
حاسب حبه عليا
 الشوق دا مش شويه
حاولت مره أبعد
لكن قربت اميل
صَبرت قلبى حبه
 وف قلبك واستخبى
لمحت روحى طايره
 تنده والشوق سفير
يالى معاك الامانى
صبحت احلى الاغانى
غنيتها بشوق ودمعه
 وهواك عندى دليل
يالى قلبك ندانى
 دا هواك طعمه انانى
قرب خلينى روحك
 واوعاك تقسى بجروحك
وانا شهدى يكونلك انت
 وابقى جنبك امير
يالى  قلبى ف هواك
 حاير ف كلام كتير



الاثنين، 19 مارس 2012

شهد صافى

شهد صافى هو شهدك

قرب دافى هو قربك


انت ياامايا الامان


انت نبع الحب جارف


 على البيبان


زهرنا نور لولاكِ


قلبنالخضر نداكِ 


قربينا ل نبض قلبك


حسسينا بحب ربك


حب ربى دا ف رضاكِ


يالى دعوه من صفاكِ


تملى دنيانا بهناكِ


فاكره ياامايا الامان


لما كنت طفل لاهى



 ف المكان

اصرخ الدنيا تفوتنى

 الا صوتك

ابعد العالم بيقسى

 الا روضك

تحضنينى ...


كونى يتحول اغانى

تسبقينى لفرحى

 قبل مايوصل زمانى 

نجرى ومهما نجرى ننسى

 نهجر الدنيا


 و نرجع لك مرسى

وبصفا روحك بنرسى

بدعى ربى



 يجعلك امى الحنون

زهرة تنعم وف جنانه 


وندعى بالفرحه تكون
*********************

الأربعاء، 14 مارس 2012

عرض وطلب




الحب عمره ما


يوم عرف


عرض وطلب


.. وان يوم قدرت تعشقه



اعشق ف قلبه



بدون سبب


ولو قدرت تصدقه


صدق معاه اللى حسب


حسب حسابه ومهجته


من غير تعب



اصل الهوى ويا الجراح


اصحاب تمام


تقدر تتوه وياه كمان




من غير كلام




الحب عمره ما يوم عرف

سهد وملام

الحب دايما بابتسام

اللى وهب

قلبه وشاف

دايما معاه سنين حياته وفرحته


ومن غير سأم

عشق الحقيقة بالهنا

من غير ثمن

دايما و شايف الامان

ويا الزمان

وان يوم قدرت تلحقه

او تسبقه

يبقى انت طالع بالامل

ويا احلام اللقا

ومشقشقه

جوة طيات النجوم

اللى بنورها وضيها

طالعه بتكتب اسمها


وتقول وتحكى الف عام

فوق كل حته ف ضلها

وان كنت شاهد حبها

وبتحبها

هتقوم وتحضن ضيها

وبالود تكسب قلبها

و الحب عمره ما يوم

عرف حتى الصخب

غير بالادب

تقدر تبات ويا العيون

حتى ان سلبت ف ضيها
ومن غير شغب

وعلى سحرها تصرخ

وتنشد الف شوق

ع اللى بايت ف الخلا

يزعق غريب على سرها

اه ياالم

ما الحب عمره ما يوم عرف

عرض وطلب

الحب دايما بالرضا

وبدون سبب
*********************

الثلاثاء، 6 مارس 2012

بغير انا

وصابنى احساس بالغيره

من كتر حبى وشوقى اليك

حسيت بنبضه وتسبيله

 مشدوده دايما 


اطير حواليك

اشوف عوازل تتحسر


 اخاف وقلبى بيتكسر


اعدى فوق السهد غريق 


 واقول ما يمكن الاقى صديق


ف عيونك انت وتهمسلى


وتكون معايا وتحرسنى


 لحد قلبك وتفوتنى


ع الشط عندك احس امان


تروق لى دنيا ف كل مكان


وبحر موجك مش عالى


ف سباحته غيه بتحلالى


وقمره طالعه لفوق بتميل


ف سمايا شايله الفجر حرير


والغنوة لحن  بيصفالى 


بشروق هواك انت ياغالى


بس تملى القلب ييغير


لحد بكره ومتقدر


اروح لعندك وافكر


 واحتار وانا سهرى


 يداوى 


واحلم وانا اصلا ناوى


أحبك انت وعينى دليل


على موده تقول ياامير


امير لقلبى وبحكايه


ابقى بنور حبك اّيه


تفرد طريق الشوق وتميل


على جبينك انت واغير
************