الأحد، 28 أغسطس 2011

عيد سعيد على الجميع





الاخوة الاعزاء كل عام ونحن جميعا بكل خير وصحة وسعاده

وتعود الايام وامتنا العربية فى امان وطمأنينة وسلام

بالامس القريب كنا قد هنئنا انفسنا جميعا بحلوول شهرنا الكريم


وها هى الايام تمر سريعا دون ان ندرى بها وتحل علينا ايام اخرى فيها نفحات عطرة

وأننى لأنتهزهذه الفرصة ..وعيدنا عيد الفطر السعيد

وأقدم كل الشكر والامتنان لكل من شرفنى بالمرور كزائر أو معجب بما اقدم ..
 واخص بالشكر كل اخوانى الافاضل واخواتى الفضليات 
اللذين يسعدنى تواجدهم وطيب كلماتهم واتمنى انى اكون عند حسن الظن  دائما

فكل عام وانتم جميعا اخوة متحابين فى الله ولوجهه الكريم
ومعزرة سوف اغيب عنكم اجازة العيد فقط 
كل الحب والموده لكم اخوانى 


الاثنين، 22 أغسطس 2011

قلب حنين










لما تقابل قلب حنين




سيب الدنيا واجرى وراه




مش هتقابل ابدا تانى




كل قلوب الدنيا


الأه




الحنية




دى قرب منها واوعك يوم




تستغنى… تلومها




روحلها انت واشغل بالك




كلمة جميلة وغير حالك




الحنية




يامحلى اثرها




على احوالنا وعلى جوهرنا




فيها الحب ومن غير مطلب




غير الود وغير المهرب




من احزانا ومن اوهامنا




دايما شاغله




البال والمطلب




اجرى عليها وارتاح حبه




الحنية دى روح ومحبة




واسأل واحد غرقان فيها




حاله اهو باين ومقضيها




بكل مودة وشوق بعنيها




كل احوال الدنيا




هتقْرب



السبت، 13 أغسطس 2011

اصله الكبير



اصله الكبير

لوجبنا حتى 100 دليل
ويادوب كتير....!!!!
 لو حتى قلنا لبعضنا : ايه المشكله
لو يوم حبسنا حضرته
و الشوق  هيركب مهجته
ويوجع اكيد
 ويا اللى شاف يوم فرحته
 ايام ما كان يسهر ويبات
 فى شرم وتبقى قسوته
 ساكنه السكات
زى الاهات
حتى البنات... تاخد برقة جزمته
لو جت ف يوم تقولها
لأه لقسوته ....
وياجبلته .. من قال عليه !
 حرام يبات !..ف  السجن
ساكن فى الثبات
 فين حُرمته؟
 ما هو اصله سيد عصرنا
هو الكبير...
اسكت بقى..
 ياانسان وواخد على الشحاته والنفاق
 لحضرة جزمته

لكن الكلام جه على الوجع
داس وانخدع
 ما اهو اصله راجل داق كتير
 روق مزاجه ولا الامير 
 وو اكلها سخنه مولعه
 ف حضرة  فطير
 يبقى الكبير؟؟
لما الشباب داروا وعدوا المستحيل
وادى الدليل
شنبات وجاية تصدقه
 لكن بايدنا هنحرقه

هو الظلام زى الحُسام ؟
ولا طريق الحقد يبقى فى يوم تمام؟
لازم هنا نقوم نصحصح بعضنا
ونقول يغور ... ايوه يغور


كل ظالم روق ف دمه بحقنا
وعمل لنا ودنه وكيفه من العجين
علشان ما نفضل كلنا
متصبرين بلقمه قطمه وسطنا
لكن خلاص هيروح معاه كل الوجع
ويا اللى يطالب بالسكات عن حقنا
كلمة كبير
 لازم تكون قد الكلام ..
يعنى يقول ويرضى بيها ربنا
وياريت بيفهم ف الكلام
يرتاح ويريح صبرنا

الأربعاء، 10 أغسطس 2011

نور لقاك

فجاه كده ويا السكات

قلبى فاتنى وقال أهات

خدنى حَبه وغصب عنى

روحى تاهت تانى منى

كلمه كت لي كجنى


روقت طبعى وظنى

عبرت ويا السكينه

غيرت حالى ودليله

صحصحت اشواقى تانى


روقت طبع التفانى

حسستنى بالموانسه

وانت جنبى ف كل همسه

باشتياقى هربت ليك

وبحضن  النظرة ف عنيك


وبجمالها وبحننها

خففت رعشة ف ايديا


ونورت زهره ف زمانها

خُفت شوقى يبان عليا

يوم ماتلمس فيه ايديا

او بشوق تلمح سمارى


 ولون عنيا

انت ايه 


قدرى اللى  رايد لى


الهوى يتسلى بيا ؟


ولا روحى تندهك


 وأهرب شويه


خليتنى ليه?


 كل اما اشوف روحى معاك


 اتمنى دايما كتر حبى 


ونور لقاك


انت مين ؟


حكم غرامك دا عليا


ولا مين ؟


 امرك تكون ساكن ف قلبى


 وبالمحبة تكون هديه


خليك كده ويا الامانى


 جوه منى ...


تسعد الروح الجميله


 تقول تغنى ...


يالى حبك شوق عنيا ودمعتى


قادت بقربك كلمة الضى الجميله 


بشمعتى ...


روحى ف هواك


 غايبة دايبة ف السهاد


بدعى الزمان افضل معاك


 وتكون حياتى منورة




 مـــن نــــور لــقــاك
***********************
مهداه لاغلى الناس ف حياتى






السبت، 6 أغسطس 2011

ونستنى صلاح الدين



ياساكنه فى عروقنا ماتيجى تحكى لى


دأحنا اللى.!!!. وقصرنا وعشنا


و كان وياما كان


وقولنا كتير


و نستنى صلاح الدين !!



يخلصنا يفرَح أأأأأأه .. معاه ملايين


ما كان بيــــــــنـَّا


و بأدينـــــــــــــــــا


قتلنا كل حلم دفين


وريحة الغدر شفناها .. فهمنها


لكن ساكتين


ونستنـــــــــى صلاح الدين !!



وادى الاقصى وشايفينه


وسايبينه …


عدو غادر


يدوس مساكين


وبيغامر بأفراحنا


ويضربنا ...ويجرحنا


ويقتلنا ...


بميت سكين


ونستنــــــــــى صلاح الدين !!



ودى غزة بكل العزة بتعافر


وضد حصار ...


فى وسط النار …


وأولادها


وباديهم


بياخدوا التار


واحنا يدوب بنتحصــــر


على اللى كان ..



على اللى صار..


ونستنــــــــى صلاح الدين !!



ماتيجى نقوم وهنشارك


مع اولادك وبعنادك


ونرفع راس


بتترنح


بايد الظلم بتعافر

وبتحارب


بنبضة بريئة

وبضحكة

لطفل برىء


كِرهت ظُلام لياليها


وبعديها نلاقى الفرحة منشورة



واراضينا تاخدنا


فـــــــوق


تعدينا لبر امان يلاقينا

************************
مهداه الى اقصانا الغالى