السبت، 27 ديسمبر، 2014

نفسى اروحله


نفسى اروحله بشوقى انادى


بفرحة قلبى وهنا بودادى

بعطر النور اه ياحب الهادى

دمع حنينى عليه بينادى

اغسل روحى ويا عيونى

اصلى وادعى بحب رسولى

تغفر ليا اعيش مرتاحه

ويا الصبر سنين سباحه


رسولنا الهادى علينا ينادى


وحوض الكوثر شاهد غادى


قُرب الشوق دايما يجمعنا


بذكر النادى وربى سمعنا


صلى وقول ميت الف سلام


عليك ياحبيبنا ف كل اوان
*****************************
كل سنه وكلنا بالف خير وسلامه وربى يوعدنا


بزيارة بيته الحرام وزيارة الحبيب المصطفى عليه الصلاة والسلام


اللهم امين

الأحد، 7 ديسمبر، 2014

جرحى دا غيه

 
الصبر منى اشتكى 

والمر منى ذاب

اكمن جرحى بكى 

واهو فاتلى شوق وعذاب

ساهر ياقلب الشوق

باقى ف افكارى

لُون الطريق مفروق

والعتمه مشوارى

شجر اللمون ارتاح 

عطر لياليه

نطق المرار افراح 

ساب كحله ف عنيه

ماشى انا ف حالى 

غارق ف بحر الشوق

بنده بافكارى

قلبى صبح مسروق

عايش بصرخه روح 

نبعه ولا الميه

صافيه منين ما بروح 

ملكاها باديا

امانه يابكره 

حنن عليا الحال

راضى انا ومجروح 

والجرح دا غيه