الخميس، 28 أبريل، 2011

هواك عمرى



 فى هواك شيىء غريب يؤثرنى

يأخذنى بعيدا 

عن حياتى عن شعورى

وجودك أصبح

 غايتى.. بهجتى ... عمرى

فبدونك حبيبى حالى عجيب

اشكو اهاتى لزمنى الشريد

امسح الاسى عن وجنتاي

 وانتظرك بشوق مريب

اكاد اختنق.. اختنق

 من انتظارك دائما

فالروح تعودت على لقياك

مناجاتك ... محاكاتك

نبضك الساحر ينسينى زمانى

يجعلنى اسيرة لك وهذا حنانى

فانت الهوى للروح والقلب

انت المنى للمهجة والنبض

فلا تحرمنى لقياك

ولا تحرمنى رضاك

الثلاثاء، 26 أبريل، 2011

ومضة حب






  • الله على ذوقك وكلامك

    يالى من حبك وسلامك

    لقيانى معاك عصفورة بطير

    احلم واتكلم واحكى بغير !

    حسانى معاك 

    حاجة روح تانية

    بشتاق لعيونك ولدنيا

    واخدانى ف حضن حنانها

     اسير

    اصحى واتعلم لحن

     الطير

    اتعلم احلى ارق كلام

    علشان تٍسْمعنى أقول بسلام

    انت اللى ف خاطرى
     واحلامى

    يالى من حضنك ايامى

    مشتاقه بسرعه للقياك ميل

    تيجى تسمعنى وتمحى الغير



















  • الأحد، 17 أبريل، 2011

    ذكرى








    ذكرى حبه جت فى بالى 

    ثبتت صورة لعمرى ولخيالى

    حركت ف قلبى احلى لحن 

    عشتة ف حضن الليالى

    ساعاتى ف البعد عنه

    بمضغ ف الصبر لهفة

    ودموعى تفضح الاهه

    اللى سكنه جوة

    جرحى وف سؤالى

    شيفاه لمركبى بحر

    بيحضن

    كل خطوة تايهه

    ف حضن انشغالى

    انت ياعمرى البدر

    اللى بينور حياتى

    وظلمة قلبى وبامالى

    والايام لو يوم هتنسى

    والخطوة ف البعد تقسى

    طير هوانا راح يحلق

    وبخطوته الخطوة

    ترسى

    الخميس، 14 أبريل، 2011

    أصدق !



    مابقتش
    اصدق يوم يقولوا 
    الحزن مَلى
    القلوب الطيبة

    ولا مرارة
    الغربة يوم
    محت
    الايمان ويا الصبا

    مين اللى
    قال القسوة ف قلوبنا
    دى فاردة ريشها
    يعنى ممددا

    القسوة
    ولا ممكن تكون ف
    ناس واخده ايمانها إلا
    طريق امان ويا العدا

    طول عمرنا
    فرشين حياتنا
    بالمحبة وبالرضا
    لو مرة
    شوفنا جوة طفلة 
    ضحكة
    بريئة للسعاده مرددا
    تلقي
    قلوبنا تدوب تلين
    وتبقى حاجة بالحنين متجسدة

    والظلم
    مهما ف يوم يطول 
    لازم هيرجع
    يوم معاه الحب
    والفرحة دى جية معيدة 

    اغسل
    همومك يلا فوق 
    تيجى
    الامانى المُسعدة

    تتحقق الاحلام
    وراح تبقى لفوق
    والقسوة دى لازم

    تدوب بالشكل ده
    _________________

    الثلاثاء، 12 أبريل، 2011

    سهر



    الليل طويل كده ليه

    سهر اوى عيونى

    نبض الهوى والروح

    دبلى ف جفونى

    وسهرت استناك

    تيجى تناجينى

    واتمنى تبقى هناك

     بين صبرى وحنينى 

    بحر الهوى عالى

     وانا اصلى كنت غريق

    ايام… ما كان

     لى   صديق

    اسرارى ف عيونه

    دارى عليا وقول

     يابحر بالنية

    طول عمرى انا انسان

    الصبر ف ايدية

    راضى انا بحالى

     واحوالى عاشقها ,

     والليل كمان لو طال

     انا صبرى غرقها

    واحلف عليه لو مال

    يرحم يداوينى

    الاثنين، 11 أبريل، 2011

    شوية روقان .....................

    حطينى جوة بعيونك


     شوف بياالدنيا كيف

    احلى من شوقى وجنونك


     لما اجيلك يومى ضيف

    والله واحشنى زمانك


     جلستك حضنك حنانك

    حطنى جوة بعيونك شوف 


    بيا الدنيا كيف

    يامنى روحى وقلبى


     تعبت ادارى فى اشتياقى

    زحمة حولى ومانى لاقى


    وحدى  فرصة للتلاقى

    والله واحشنى زمانك 


    جلستك حضنك حنانك

    حطنى جوة بعيونك شوف 


    بيا الدنيا كيف


    الجمعة، 8 أبريل، 2011

    الحلم أتحقق





     زى عقارب الساعه تمام 

    تمشى مواكب للاحلام

    بتدور بينا مع الاوهام

    تتصارع ويا امانينا 

    وتدفينا بدمعه حزينة

    ونفوق فجاة
     لما نقابل صوتهم عالى 

    ولا يزورنا طيفهم غالى 

    وبفرحة جميله عشناها

    ويا امانى بنترجاها

    زى البحر بموجه العالى 

    يمسح كلمه هناك بتلالى

    على شطة المليان احلام

    ودى احلامنا وبنرسمها

    لوحة جميله ونلونها

    بلون امانينا وبايامنا

    وكأنا بنستنا كمالها واستكمالها

    رغم احزانا وكتر اهاتنا

    ونسيبها فى بحر النسيان

    وف حضنة ما تعرف رسيان

    تبحر ويا مجهول سارى

    وتدندن وتقول ف اغانى 

    لحن قلوبنا بتستناه

    احلام تبحر ف الوجدان

    نلقى معاها الوقت حنان

    نشرب مر ف كاس حرمان

    حلمى سقيتة بدمى رويته

    وعلى انغامه
     رقصت ورده من البستان

    تتفتت بالعطر تلألأ

    وعيون غيم جايه وبتتشقق

    بفرحة تقول الحلم اتحقق

    اصحى وفوق الفجر اهو بان 


    اصحى وفوق الفجر اهو بان

    السبت، 2 أبريل، 2011

    انين الناى



    كرهت الاهه والتوهة

     وقلبى اختار

    اشد العتمة جوايا

     ارد مسار

    كرهت القسوة ف الخطوة

    كرهت السهوة ف النظرة

    اقول ياقلبى بزيادة

     انين الناى

    يقول ما الصبر جوايا

     داغول نساى

    كفايه توهة


    دى السكة جبل عالى

    الم الخطوة جوايا


     اللاقى

     الصبر يحلالى

    طعم الهوى جارح


    و لجراحة

     عشقت كتير

    لقيت بعده الم سارى


    يشل الصبر والتفكير

    رميت العشق من قلبى 

    سبحت ف ضى

     علشان ما الخطوة تسمحلى
    ما اقول الاى