السبت، 25 أبريل، 2015

روح العصر



كل حكايه اسمعها فى بلدى 

تشد ف ضعف الكون وتهاتى 

لما ظنون الدمع تقرب

 تسرق شوق الحب ليلاتى

ناس مشتاقه لشمسة يومها تعدى اوام

وناس مظلومه تصحى همومها مع الاحلام 

راحة بال الناس مبقيتش معاها تعدى

رغمن كل وسيله بقيت براحه وكله مهدى

حتى الشوق والفرح كمان ويا المشوار

حب يسرسب حاجه شريدة مع اللى اختار

قلب وشايل هم الدنيا وراح متحير

وقلب اهو سافر ويا الريح عمال يتغير

بين القرش وبين العتمه المره اهو شارد

سابح يسرق وقت لعمره زى المارد

كله بسرعه مافيش براحه ياخلق ياهو

حتى اللحظة الرايقه تملى بقيت سرقوه

 بين الخبط وبين الوش خلاص سجنوه

روح العصر كلمه تعلق فيها كلامك

 اعمل اعمى واعمل اخرس توه ف ايامك

نبض الدنيا العاكس فى الاحوال

 صبر يعلم عمرك كله يروح  ترحال

خايفه ياناس من قلة شوقنا نغوص ف بحور

وهم وضعف وخوف ولا طاقه نور

امسك روحك عدى بصبر تعيش مستور

ايون عدى بصبر تعيش مستور


السبت، 18 أبريل، 2015

عبثا



 عبثا ما اسخط احيانا

على قطف ورودى المروية

واقطع نبضى مشتاقا

لوصال جروحى المنسيه

فحديثى لجلك موصول

لاكمل تلك الاغنيه

ولقلبك جسرى محمول

على نغمة شوق وديه

فترفق بالعطر السارى

الى دربك يحكى برويه

وتناسى خجلى من قربك

فحياتى بعدك منهيه

اسررت الى نفسى حديثا

لتكون اوقاتى مقضيه

ف لعمرك ما اهوى غيرك

ولصدك اصبحت ضحيه

امسيت اناجى هنا طيفك

واحدث ورد الجورية

مفتون  بك ويا حياتى

ولعينك دنيايا سويه
************

الأحد، 12 أبريل، 2015

قرب اوى




عطشان حنان

 دفينى قربلى اوى 

قرب كمان

 خلينى انسى شكوتى

 اسهر امان

 جوه الضلوع نبض الالم

 عايش حزين 

عاوز  ينبت فرحته 

صبر السنين 

قرب تعالى ياهوى

 شد القلوع

 حرك غناوى شهدنا 

شمس وشموع

 خلى مدار العمر

 يصغر حبتين

اسبق معاه الدنيا

اخطف دا الحنين 

يرجع زمان العشق 

يصرخ نبضتين

خليني اشوف من فرحتى

 انا ابقى مين

السبت، 4 أبريل، 2015

القلوب الطيبه




القلوب الطيبه عيبها كتير


 القلوب الطيبة لازم تغير


هى دايما بالرضا عايشه القسية
 

هى دايما بالهنا بتفرح شو يه

  
لكن ساعات ف اوقات كتير


 تسمع وتسرح


كل ماتشوف الامل 

بيعيش مايجرح

  
تفتكر جواك حنان

  
تفتكر عايشه الامان


لكن يادوب الغدر يبتدى

 بهمس الملاوعه


تلقى الطيابه فى القلوب 
تدمع بسرعه

تمحى كل نسمة شوق تعدى

 على خطوتها البريئه

تطعن الهمسه اللى طله

 ف عنيها الرقيقه


هى جايز طبعها هيفضل مهدى
 
لامح هناك القسوه 

بين ضلعه المندى

يمكن خلاص

 هو طبع الحب خير

ف القلوب دى بالهنا بيصبح غدير

ولا الطيابه بطبعها 

هى الغريقه؟


تلمح اللحظه بحزنها 

بعينها الصديقه

مش بقلك القلوب الطيبه

 عيبها الحقيقه؟