السبت، 24 ديسمبر، 2011

صوتك





صوتك دا اكيد بيوحشنى



لكن ف القلب تنهيده 


تقول وبتحكى 


ف دقيقه


عن النوبه 




وعن التوبه



اللى مسكانى وحيشانى 


عن الاشواق اللى واخدانى


بعيد عنك 


تصبرنى




تحيرنى




 وتعصر فيا 


اشواقى ...تقدرنى


خلاص قربت م الفوقه


خلاص وشبعت م التوهه


خلاص عذبنى طول صدك




وبقيت ف هواك عليل 


بعدك



كفايه صبر ايامى




كفايه هضمت احلامى


قررت قرار وهتمنى




يكون ف فراقى ليك جنه




علشان تفرحبى احزانى





علشان اتهنى بملامى 




ياريت تدعيلى وادعيلك




يكون الصبر دا دليلك 




ويكون الجرح 




مش قاسى






 وتبعد همى عن راسى






ولجل هواك انا هنساك




 ويمكن يوم من الايام




اقول وحدى هنا ذكراك 

الأحد، 18 ديسمبر، 2011

ولسه بحلم بيوم




ولسه بحلم بيوم
بالفرحه يسكن عنينا

بشوق نلف السواقى
يحن يلمس ايدينا

يابكره يالى بعيد
زهرة حياتنا شهيد

خد حلم امله معاه
ورجع هوانا وحيد

ياساقيه بالحب دورى
اروى اراضى اللمون

لجل ما يعود الزمان
شايل حمول الشهامه

بالشهد يروى الامان
على دنيا بهتانه

بدعى عليك يالى واخد
تعب اللى راح
 واللى زاهد

تملى الانانى وتحصد
شهد السنين 
اللى تاهت


..........
ولسه بحلم بعمر
 ياخد ويدى معانا

نقوله
 على اللى احنا فيه
يقوم يصبر لقانا

يرجع العمر تانى
 ونعيش  بيومه ثوانى

نريح الروح
 اللى راحت
وتسعد والعمر دانى


.......
ولسه بحلم بروح

سالمه بريئه وعفيه


تزوق الحلم الجميل
تشد فرحة عنيا


نروح نشوف اللى سابق
ونحب ويا اللى الخلايق


يايومنا ياللى معانا 
ماتيجى تحضن خطانا


نتهنى وتروق الامانى
و نستنى بكرة باغانى


هيقرب يحن للقانا











السبت، 10 ديسمبر، 2011

جبار أنا

دمعة حب وجاريه منى

 جوه ف قلبى


 وغصب عنى

فكرتنى بكلمه حلوه

قالها حبيبى بشوق وغنوه

يوم ما كان اول هوانا

جوه حضن الشوق لقانا


وادلعت بروح تغنى


على نصيبى وقولت لأه...


 وروحى كانت 


   تايهه منى


قال جبار حبك عليا !!!!!


كلمه جت حلوه وقويه


ارتشفها قلبى حبه


رشفة الحب بموده


 وانت ماسك نبض قلبى


واحضن الشوق


  ولا اخبى


قلت ليه جبار عليك ؟


يالى نظره من عنيك 


سكنت عصفة هوايا


 بين ضلوعى وبين شقايا


ايوة صحيح جبار بحبك 


يالى الدنيا وروحى جنبك


ملكت الدنيا الرقيقه


ودوبت افكارجريئه


 ف موجه


تغمر كل لحظه 


من لحظات عمرى البريئه


كلمه  منه وكت غريبه


غًيبت عينى ف دقيقة


غيبتنى ولحظه منى 


روحت تايهه هناك اغنى


شوفت نفسى بره كونى 


تحضن الافراح عيونى


كل فرحة فى كل مسمع


يسمع الغادى بهوانا


يبقى راضى عيونه تلمع


قولها تانى وتانى هى


كلمة الجبار عليا


 روقت قلبى وعنيا


 ما انت اغلى حب ليا
*********************

السبت، 3 ديسمبر، 2011

نوبة سكات




وف يوم تقيل

 كان الكسل عايش هنا

عايش معشش ف الثبات

ويا اللى فات
مالى حياتى كلها
بنوبه غميقه مردده
 انا محبطه....
مجهود وطاير
  للسحاب زى السراب 


ودى هى نوبة
السكات
من غير ما تهلك حقها
جاية برعشة صدق
 تاخدك جوه داخل قلبها 
لجل ما تشغل وقتها
ودى
مُعضله ومْشكله


  سرقانى منى ومغرمه


 ولحد بكره ومأكده 


 بتقول كده


حاجات كتيره .... ومزعجه 

 اشواقى فين
وفين كمان
 نوبة هنايا ولهوتى
 ولحد امتى ايام حياتى
هتفضل هزيله
 مهرتله
من غير حقيقة مؤكده
 او مخذله
حتى الزمان ايام ما كان


يرجعلى فوق لحظة شروق
من غير وجع ويا اللقا


زاده السكوت 


بايام حزينه ومؤلمه
ساعة الهوان
جوة الاهات
لحظاتها قاسيه و متعبه

وانا والامان دايما نبان


بقوة


 غرورنا ونلمحه

وساعتها فين ضى القمر
 يفرشلى فوق طى الزمن
نور الامل
ويداوى الجراح المؤلمه
لازم  هنا....
 افضل احايل فى الطريق
 لجل ما يوم يصبح رفيق
ويعود معاه
نبض الحياة الباسمه