الاثنين، 14 مايو 2018

اللهم بلغنا رمضان



كل نجوم السما بتنادى

قرب حضن الشهر الهادى

اكتب اسمك على اعتابه

ريان واقف على ابوابه

يبدر خير الشوق بهلاله

ونهار يصرخ حٌب قباله

كل دقيقه أستنى تجينا

فرح بشوق

 يجرى ف أغانينا

فجر وطارح تقوى ونور

يغزل قلبك حٌب شهور

30ليله بنستناها

على اعتاب العمر معاها

قرب الايام ياربى

سكن الافراح ف دربى

اشتياقى زاد وفايض

عمرى كله نوره قايد

ننسى بايامك حياتنا

تبقى صرح يقوى صوتنا

ندعى ياربى تبلغه لينا

شهر الصوم نسعد وتجينا

وارجع تانى بشوقى انادى

قرب حضن الشهر الهادى
ـــــــــــــــــــــــــــــــــــــــ
كل عام ونحن جميعا بالخير والصحه
رمضان بالخير علينا يارب

الاثنين، 20 فبراير 2017

همسة قرب




فى ناس ومن بعدها
ننسى الحنان والحب
وف لحظه نشتاق لها
نتمنى همسة قرب
ياللى الامان نسيتوه
اتهنوا وانسونا
قرب البعاد احزان
 لو حتى فتونا
يمكن اوان الفجر
شاهق ومن قربكم
وانا قلبى اصله صد
من يوم ما خنتونا
هون عليا الجرح
 تعب الجوارح شوق
شوفت المدامع فرح
صبره منين ما بفوق
بخاف اوى لو يوم
 غمضت انا عيونى
بحس طعم اللوم
والقسوه ف جفونى
شباكى نوره انطفى
 م الغز ف المواويل
ياللى عتابكم قسى
 شيلوا السهاد  والوويل
مشتاقه لحظة لقا
 بين النهار والشمس
ترجع غناوى الشجر
مرتاحه من غير همس
جرحى اللى عدى هناك
 قال دا الزمن ناوى
يهرب ومن غربته
لو حتى مداوى
ياللى فراقكوا مرار
 ما تحنوا وتجونا
اصل احنا باستمرار
 فاكرين وتنسونا ؟
ماهى ناس ومن بعدها
ننسى الحنان والحب
وف لحظة نشتاق لها
 نتمنى همسة قرب  

الأربعاء، 8 فبراير 2017

رباعيات

ياقلبى زاد الغُنا.. صوت الامان مكتوم
نسال عليه فى الفضا يمكن يجينا ف يوم
يحمى اصول الهدى ونلم عشاقه
نسرح مع اللى ابتدى ويرجع المقسوم


  ياقلبى  زاد الغنا... على اصل موالى
واللى هويته ارتضى يشوف مرار حالى
البعد مره نار وانا اصلى مش قادر

وبكره يجى نهار يروق زمان جالى


 ياقلبى زاد البكا ...وانا اصلى كلى جروح
والبعد قالى انا ... خليك ف بُعد ونوح
الصبر مره مرار والغنوة موالى

وف بعده قلبى احتار ياجرح قلبى رووح


 ياقلبى زاد البكا ... ولا دا طبع الشوق.
 طول عمرى ف المبتدا بدعى بكل الذوق 
 يروق اوان الهنا وأغنى موالى 
ويرجع نهار اللقا ..وايامى تبقى شروق