الاثنين، 22 أكتوبر، 2012

اوعدنى ياربى



كل لحظة تمر بيا

 اشتياقى يزيد عليا

كل نبضه جوه قلبى

 تدعى اوعدنى ياربى

شهد شوقى للحبيب

 للسما بيصبح لهيب

دمعة الحب اللى فره

من عنيا

نفسها تلمح مقامه

 بين ايديا

فرحة النظرة الجميله

 لما تشوف اعداد غفيره

رايحه عنده بكل همه

تغسل الاحزان بزمه

تبقى عاوز كل مادا

دعوتك تكبر  زياده

تحس بيها جوة منك

نبض امنيه تضمك

تخدك للسما تفرح بيوم

لما يبقى الحلم لحظه

 عايشه روحك فيها

 دوم

ربى اوعدنا بحبيبك

دااحنا صحبه ومشتاقين

ودنا نسعد بقربك

نغسل بالدمع الانين

اقبل يارب المحبه 

لجل ما ننعم بروضك 

جوه بيتك

 ومره تانيه عند حبك

 وبالهنا تكمل وعودك
ــــــــــــــــــــــــــــــــــــــــــــــ
كل التهانى القلبيه لأصدقائى الاعزاء وامتنا الاسلامية متمنية ان 

ينعم علينا بالامن والامان ومحبه من الرحمن امين

 كل سنه ونحن جميعا الى الله اقرب مودتى 
 سومه ..........


الثلاثاء، 16 أكتوبر، 2012

أعمل ايه ؟


اعمل ايه ؟

فى الغدر لما حل بيا

من حبايب غدارين

سيبت قلبى نام وهو

 جوه عينى اتشال سنين

صحيت الاشواق بشده

كنت فاكراها الموده

قلت اروح اسأل عليه

 ويا طيرى اللى راميه

شوفت شوقه وياغيرى

قاله نفس حوار حاكيلى

الالام اللى ف ضلوعى

 حركت دمعة شموعى

الصوابع مشتاقين

تحضن الدمع الحزين

هو ده اللى كان سميرى ؟

كنت يومه وكان دليلى

خان وحبى هان عليه

والله محظوظين ياقلبى

دوقنا وجع المستخبى

بس ما نبكيش عليه !

اصله غادر 

والهوى لعبه ف ايديه

والمحبه اللى ف سمايا

برضو والله خسارة فيه

ايوه ايوه خساره فيه........


***************************************************************

الأربعاء، 10 أكتوبر، 2012

لغتنا الجميله .



لغتنا العربية لغة قرآننا,وسنة نبينا الكريم عليه أفضل الصلاة 

والسلام,إحدى أهم الروابط بين أبناء أمتنا العربية 


والإسلامية أيضا،وقد كرمها الله تعالى بقوله(إنا أنزلناه قرآناً 


عربياً).هذه اللغة العظيمة ستبقى خالدة بقاء الكتاب الكريم 


؛ المحفوظة من المولى عز وجل..يدافع عنها جيل المستقبل من 


أبناء الإسلام والعروبة ويحثون الجميع على تعلمها 


والحفاظ عليها ..


اللغة العربية لغة حية ومتطورة، وتعتبر إحدى اللغات الرسمية في 


أروقة الأمم المتحدة، وهي لغة أبرز حضارة في 


المشرق في القرون الغابرة، وأهم من كل ذلك ، كونها لغة القرآن 


الكريم، وبالتالي هي لغتنا التي يجب علينا المحافظة 


عليها، وتطويرها وعدم قبول أي لغة بديلة عنها، لغتنا العربية يجب 


أن تكون لغة مدارسنا ، لغة أغانينا، واشعارنا، وأدبنا، 


وتجارتنا ولغة أجيالنا اللاحقة التي تقع علينا مهمة تعليمها لهم 


وتمسكهم بها


والغريب في الأمر انك تلاحظ ان كل دولة في العالم تحاول التمسك 


بلغتها وثقافتها تجاه اللغات الأخرى ما عدا الدول العربية التي تبيع 


ثقافتها ولغتها متوهمة انها بذلك إنما تنتقل من 


حضارة متخلفة الى حضارة صاعدة، رغم ان القائمين 


على الثقافة في العالم العربي يفهمون ان التحدث بلغة غير العربية 


لا يعني أبدا التطور الحضاري أو العلمي ، فها هي 


دول عديدة في قلب أفريقيا تتحدث الإنجليزية أو الفرنسية ، ولكنها 


تعتبر من أكثر الدول تخلفاً في العالم. فهل كانت 


اللغة اليابانية أو الألمانية أكثر تطوراً من لغتنا العربية ، أم أن 


عقولهم هي الأكثر تطوراً من العقل العربي ؟





لغة الضاد" هو الاسم الذي يُطلقه العرب على لغتهم،

فالضاد للعرب خاصة ولا توجد في كلام العجم إلا في القليل.ولذلك 


قيل في قول أَبي الطيب المتنبي:

وبِهِمْ فَخرُ كلِّ مَنْ نَطَقَ الضَّا دَ وعَوْذُ الجاني وغَوْثُ الطَّريدِ

حيث ذهب به إلى أنها للعرب خاصة.
غير أن الضاد المقصودة هنا ليست الضاد التي تستخدم اليوم في
الفصحى التي هي عبارة عن دال مفخمة، أما الضاد العربية القديمة فكانت صوتا 

آخر مزيجا بين الظاء واللام، واندمج هذا الصوت مع الظاء في الجزيرة العربية. ولأن الظاء هي ذال مفخمة،
أي أنها حرف ما - بين - أسناني،
فقد تحولت بدورها في الحواضر إلى دال مفخمة كتحول الثاء إلى 
تاء والذال إلى دال،
وصارت هذه الدال المفخمة هي الضاد الفصيحة الحديثة. فالدال 
المفخمة ليست خاصة بالعربية،
بل هي في الواقع موجودة في لغات كثيرة.
وهي ليست الضاد الأصلية التي كان يعنيها المتنبي وابن منظور 
صاحب لسان العرب وغيرهم.


ارجو ان اكون قد وفقت فى تقديم بعض المعلومات البسيطة عن لغتنا العربيه 











الثلاثاء، 2 أكتوبر، 2012

معقول بحبك !


القلب السابح ف غرامى 


بيقول ياحبيبى انا بهواك


 مش ممكن ابدا تنسانى 


من بعد اللى انا شوفته معاك



معقول الحب اللى وهبته


 من عمرى كله لدنياك 



معقول الشوق اللى سلبته 


من ود القلب اللى فداك


حبيت الفرحه  ف ايامى


صورتك ف احلامى  ملاك


 خليت الصبر دا له معنى 


بوجودك يتمنى  لغاك


حسيت الود اللى ما بينا

كان طاير دايما ف سماك

الغنوه الحلوة انا حبيتها

اكمن النغمه بتهواك

مش ممكن ابدا تتبدل

 النبته الرايقه وتتجدل

شايفاها تنور ايامنا 

ف اللحظة اللى بكونها معاك

الشط انا شيفاه بينور


 وعيون البهجة بتتغندر


 والشجر الطارح على عودى


 بيزهز لونه وبيتقدر


يارب تباعد احزانا 

والجرح ما يعرف احلامنا


وتقرب بالحب صفااك
وتقرب بالحب صفااااك