الثلاثاء، 28 مايو، 2013

أترى


أترى ابكيك قلبا قاسيا

ف لحظة همس قريب

ام ترى انى اغلق عن عينى

 برد نسمات النحيب

يالوعة ف الروح باتت حانيه

 انى بدونك صرت بدرا

 يسكن ف ذكرى الليل العصيب

قلت ان المراد منك ان احتمى

والعشق عندى

 ان الرياح تَقبل  ف اوقات النصيب

يامن على وضح النهار بصرتنى

اصبو بشوق الهوى اليك كالغريب

وتركت طيفك ف اعين الشكوى

ومنايا منك قَرب لا يغيبِِ

******************

الجمعة، 17 مايو، 2013

كنت اتمنى



كنت اتمنى يكون لقياك

 ف زمن تانى

 كنت  اهواك

ويكون بحر هوانا هناك

بحرزمانه

 بلا شطأن

و حلم عالمنا

 بلا   جدران

وبعد الحلم ما بقى اوهام

ضاع العمر مع  الاحزان

شوفتك قلت ف يوم اهواك

ألون عمرى ف حضن لقاك

لكن ليلى غير حالى

ورفض صبرى ايام وليالى

قلت     استنى الشوق الغالى

واسأله عنك ……. يرتاح بالى

لكن الشوق

 كان جارح قاسى

حير بالى وغيرناسى

قلت ارتاح واريح بالى

 ولا اهواك

 ولا تيجى على  بالى

يمكن اقدر اعرف حالى

 واطلب منك

 اه يازمانى

 ترجع بيا لو لثوانى

يمكن احن واقول من تانى

 اه لوحبك

 كان ف زمان


 او عالم تانى





الخميس، 2 مايو، 2013

ياسارق نبضتين


ياسارق نبضتين منى

غيابك صبره جننى

اداوى الروح بتنهيده

 الاقى الشوق كده قاتلنى

 ياسارق نبضتين منى

 رسمتك جوه نن العين

وشوفتك بسمه عل الخدين

 وجودك هو كل حنين

 وطيف الوجد تاه منى

 ياسارق نبضتين منى

سرقت الروح وتوهت معاك

 وقلت هسعد اكيد وياك

لكنك قاسى ليه ف هواك

 بطرفة عين تزوغ منى

 ياسارق نبضتين منى

شطوط الحلم بتمنى

وقلت ابعد ولا اتأنى

 لقيتك بحرى وسمايا

 وموجك شد ف قسايا

 خطفنى وقلت يوم اغنى

 ياسارق نبضتين منى

راح افضل جوه منك روح

اناجى القلب وقت البوح

وسعدى يكون لسعدك طوق

ساعتها الكون يفوق سنى

ياسارق نبضتين منى