الخميس، 15 يناير 2015

لسه جوايا حزين




دخل الشتا 

فارد قلوعه


 على الحيطان والاورده

دخل الشتا 

قال الكلام 


شبه الوجع ف الافئده

سكتت عصافير الهوا 

الا الشموع 

صرخت ومن وسط النوا

سبحت دموع

كالبرق جوايا انا

عطش السنين السمر 

 بردت م الهموم

 طلبت غناوى الفرح 

ترجع م الغيوم

لكن هناك

 نوه بتحضن نبضها 

بضى النهار 

شارد معاها صبرها

 ف حبه خضار 

مادد  شباكه عل الغطان

 سارق دفا حلم المكان

متخبى ورا طول السراب 

شايل ف اوجاعه


 ولا غيامة سحاب

بطول السما متمدده


حلفه لتمطر بالرضا

بحبه أمل

وتعدلى حلمى اللى اكتمل  

وانا لسه جوايا حزين 

مستنى فجرى ف الشتا 

بحبه حنين

يمكن تعودلى بسمتى انا والسنين
يمكن تعودلى بسمتى انا والسنين

الأحد، 4 يناير 2015

صابره مع الحرمان


تعالى نحلم كمان

يمكن ف يوم الشجر 

يسرح مع اللى كان 

هيحن صوت الطيور

فوق الغصون الوان 

يبدع جمال الهوا 

ونبض النسيم حيبان 

لما الربيع ينكتب 

فوق الجبين بهواك

نمسك اوان القمر

بين السما بستان

اهين يانجم الغرام

اظهر بقى ولالى 

انا قلبى اصله عليل

عايش باحزانى

بينده على اللى تاه

وقت الغروب حيران

وانا اصل روحى هنا 

صابره مع الحرمان

تسال اوان القدر 

هيحن امتى يباااااان
ـــــــــــــــــــــــــــ