الخميس، 15 يناير 2015

لسه جوايا حزين




دخل الشتا 

فارد قلوعه


 على الحيطان والاورده

دخل الشتا 

قال الكلام 


شبه الوجع ف الافئده

سكتت عصافير الهوا 

الا الشموع 

صرخت ومن وسط النوا

سبحت دموع

كالبرق جوايا انا

عطش السنين السمر 

 بردت م الهموم

 طلبت غناوى الفرح 

ترجع م الغيوم

لكن هناك

 نوه بتحضن نبضها 

بضى النهار 

شارد معاها صبرها

 ف حبه خضار 

مادد  شباكه عل الغطان

 سارق دفا حلم المكان

متخبى ورا طول السراب 

شايل ف اوجاعه


 ولا غيامة سحاب

بطول السما متمدده


حلفه لتمطر بالرضا

بحبه أمل

وتعدلى حلمى اللى اكتمل  

وانا لسه جوايا حزين 

مستنى فجرى ف الشتا 

بحبه حنين

يمكن تعودلى بسمتى انا والسنين
يمكن تعودلى بسمتى انا والسنين

هناك 4 تعليقات:

  1. شجن ممزوج بطعم الشتاء
    تحياتى ليكى بجد يا بسومه رائع

    ردحذف
  2. ايه الجمال والرقه دي كلها يا سومه عن جد روعه
    باكون في قمه السعاده لما اقرأ كلمات لشاعره

    ردحذف
  3. فنانة وقطر سكة حديد 😀

    ردحذف
  4. فنانة وقطر سكة حديد 😀

    ردحذف

رأيك لو سمحت