الأحد، 22 فبراير، 2015

سكون الليل




سكون الليل
 
بيطرح كل ضمه سكات

يعدى فوق شطوط الحلم

    لحظه ثبات

  وبيتابع وانا السامع لدقاته

بهمسه تطيح باوجاعى
 
 اللى شده رباط

على عقلى ويشبهلى

كما الانات

بتسرح نبضتين ف القلب

وبتقرب زمانى لحب

ولا النغمات

احس الشهقه تنهيده

تقول حكايات

وبتمنى يكون كونى على كيفى

يقوم ويبات

لكن فجاه تعدى لحظة السهوه

وانا بهوى لرفع رايات

بتعلن سكته بزفيرها

بضوء للشمس

 فى المرايات



هناك 14 تعليقًا:

  1. حمد الله ع السلامة حسدتك ولا ايه الالهام انقطع فترة يارب ما يحرمنا من كلامك الجميل يا قطر

    ردحذف
    الردود
    1. الاخ الغالى تركيب ... اهلا بتواصلك الغالى

      الله يسلمك الالهام مش انقطع ولا حاجه مافيش نفس اصلا للنشر ههههههه

      نورتنى والله يارب دايما ماانحرم زوق كلماتك
      كل الود

      حذف
  2. ايه ياجميل
    وحشتينا يا بسومه اوى
    كنتى فين كل ده
    حمد الله عالسلامه
    بس بصراحه راجعه لينا بأحلى كلمات واحلى احساس
    وكمان العنوان حلو اوى والصوره معبره جدا
    تحياتى لكلماتك واحساسك اللى افتقدناه

    ردحذف
    الردود
    1. حبيبتى قمر وليل

      منورانى بزوقك دايما ... تسلمى حبيبتى وتنورى المدونة والدنيا كلها

      كل الود والحب لكى ..

      حذف
  3. الكلمات رائعه وده مش جديد على عطر المشاعر ولا نوارتها
    والمميز بالنسبه لى العنوان سكون الليل وما يحمله من كم هائل من الصفاء والنقاء

    أتمنى لمدونتك ولشخصك الكريم دوام التقدم والرقى
    وأتمنى متحرميناش من كلماتك أوقات طويلة
    وبعتذر لو تاخرت فى التعليق لكنى غير متواجد يوميا فى عالم التدين

    إحترامى وتقديرى

    ردحذف
    الردود
    1. الاروع زووقك وكلامك الجميل جمال

      تسلم يارب وما انحرم تواجدك الغالى

      كن بخير اخى

      حذف
  4. جميلة جدا يا ابتسام
    بالتوفيق ان شاء الله

    تحياتي لعطر حروفك ولمدونتك المتميزة :)

    ردحذف
    الردود
    1. الاجمل تواصلك صولا حبيبتى


      تسلملى ويسلملى كلامك الرشيق

      كل الود لزوقك

      حذف
  5. مليون كلمة بحبك
    ؛؛؛؛؛؛؛؛؛؛؛؛
    ؛؛؛؛؛؛؛؛؛؛؛؛
    بحبك قد روحى
    وانتى اخر طموحى
    مليون كلمة بحبك
    طالعه من جوه روحى
    طالعه من قلب قلبى
    فارشه فى الدنيا حبى
    دانتى كل حبايبى
    داوء لكل جروحى
    ***
    بحبك الف حب
    زى الروح للحياه
    وقلبى ده مش قلب
    محتاج مليون معاه
    واحد يوصف حنينى
    والشوق اللى مالينى
    وازاى ما شفتش عينى
    فى الدنيا بعدك انتى
    وقلب يخاف عليكى
    واحد يوصف عنيكى
    حت فى لمست ايديكى
    محتاجه ليها قلب
    مليون كلمة بحبك
    طالعه من قلب قلبى
    فارشه فى الدنيا حبى
    دانتى كل حبايبى
    داوء لكل جروحى
    ***
    قد نجوم السما
    بحبك يا حبيبتى
    حت اسالى الهوا
    واسالى بيوت مدنتى
    اسئالى كل نورها
    اشجارها وذهورها
    على كل شطوط بحورها
    هتلاقى دليل لحبى
    تلاقيه بين النجوم
    فى المطر والغيوم
    دانا حت كل يوم
    بيذيد الشوق فى قلبى
    مليون كلمة بحبك
    طالعه من قلب قلبى
    فارشه فى الدنيا حبى
    دانتى كل حبايبى
    داوء لكل جروحى
    مليون كلمة بحبك
    ؛؛؛؛؛؛؛؛؛؛؛؛
    احمد فؤاد
    ـــــــــــــــــــــــــــ
    تقبلى منى هذه الاضافه البسيطه
    ــــــــــــــــــــــــــــــ
    ديما جميل حرفك يا سومه
    تحياتى

    ردحذف
    الردود
    1. تسلم يااحمد

      كلك زوق ميرسى للاضافه نورت المدونة

      كل الود

      حذف
  6. يسعدنى زيارتى الأولى لمدونة عطر المشاعر
    المتميزة فى كلماتها الراقية بتعبيراتها
    وبمشيئة الله تعالى قارىء ومتابع من الآن

    بتسرح نبضتين ف القلب
    وبتقرب زمانى لحب ولا النغمات
    دامت لنا عطر حروفك

    ردحذف
    الردود
    1. اهلا وسهلا بيك نورت المدونة والله

      اسعدنى مرورك وطيب كلماتك .. ويارب دايما ولا انحرم الزوق

      كل الود

      حذف
  7. ايه الرقه دي كلها ما شاء الله حروفك رائعه ومحتاجه سوبر لايك عن جد بافرح اوي لما اقرأ كلمات لانثي شاعره بالتوفيق على الدوام

    ردحذف
    الردود
    1. اهلا بيك زهراء 8

      نورتى مدونتى المتواضعه .. بيسعدنى كلامك كتير ربنا يعزك حبيبتى

      كل الود والاحترام ويارب دايما التواصل والزوق

      حذف

رأيك لو سمحت