الخميس، 30 ديسمبر 2010

وداع سنة واستقبال غيرها..................



سنة جديدة من عمرنا نتمنى من ربنا تكون احلى واسعد

فى نفس اللحظة بنودع سنة مرت بحلوها ومرها 
ونستقبل الجديدة بتفائل وامل

مع اننا واثقين انها من عمرنا بتاخد اكتر ما بتدى وهتفوت بلحظة من الملل

لكن هيفضل الامل فى بكرة احلى  يمكن تيجى اللحظات اللى بنتمناها


ولو مش جت 

هتفضل لحظاتها حلم نتمناة ونستناه 

واكيد هييجى


 او يبقى قسمتنا معاه فى عالم تانى احسن واجمل ان شاء الله


دا مش كلامى دا ثقة فى كلام الله



الأربعاء، 29 ديسمبر 2010

لحظة سكات


لحظَه سُكات.....
ولا السُكات
 عقد لسانى و كلمتى
جوة الطريق
 كنت الغريق
 ف بحر موجه بيتلضم
غربة وفراق
 ليل اشتياق
 وغرام هوانا بينهدم
لما الهوى
 مر عليا وقال سلام
قلت اشترى
 يمكن  الاقى فرحتى
جية  ب لهفه
بشوق تنادى
ويا صرخة دمعتى
واحلامى فوق
 نبرة امل
تشعل حياتى و بسمتى
شراعى سابح
 ويا موجه ف ليل ضلام
ساكْنُه القمر
يزعق غريب
على لحظة حلوة بتترسم
على خدى وعيونى
 وهوايا وسكتى
يمكن تعود
 فرحة طريقى
 وبهجتى
وحلفت يوم
 رَجعت زمانى
 ما اتظلم
ويا اللى فاتلى الذكريات
 سابنى وحيدة
 وعمرىف يومى
 مقدرت ابدا انهزم
ياسنينى عليا حسبى
وطبطبى
على جرحى
و اوعك ف يوم
 تقسى كمان تتغربى
دا قلبى سارح ويا نسمة
 وطيف جميل يستعطفة
يطوىلى عمر الهم
ويبوح بالكلام
يقول خلاص
فرقت بين حياتى و شكوتى


الأربعاء، 22 ديسمبر 2010

كلمات تباغتنى كثيرا


اسأل روحك ......اسأل قلبك

قبل ما تسأل ايه غيرنى

أنا غيرنى عذابى فى حبك 

بعد ما كان أملى مصبرنى

غدرك بيا أثر فيا

وأتغيرت شوية شوية

اتغيرت ومش بأديا

 وبديت أطوى حنينى اليك

واكره ضعفى وصبرى عليك 

وأخترت أبعد ....... وعرفت أعند 

حتى الهجر...... قدرت عليه 

شوف القسوة بتعمل ايه...؟

كنت زمان بلاقيك بحنانى بحر محبة وبر امان
كنت بحس ان انت زمانى يومى وبكرة وبعده كمان 

كنت بشوفك بعيون حبى  وانت بعيد او وانت بقربى
أقرب من بسمتى لشفايفى اقرب من احساسى لقلبى

بعد الود اللى رعيته لك بعدالحب اللى وهبته لك
في ايه تانى اقدمه لك..........؟؟؟؟

الاثنين، 20 ديسمبر 2010

خطوة ف سكتى


خطوة امل ورا خطوتى



لمحاها دايما سكتى



خطوة امل خلتنى اعيش..




تكملى بيها  فرحتى



وياها طار الحلم فوق ..




..ولقيتها حلوة دنيتى

والجرح راح وياالجراح…




 نِسيت عنيا دمعتى

ياقلبى يامحتار ف عتمة سكتك



فضفض وقول


 وبلاش تخبى فرحتك



دا احنا مالينا ف السهاد..




خلى امالنا جنتك




فضفض و قول ….




ماتخافش يوم لومة عزول




فضفض وبوح دي الدنيا نور




وبلاش يحوشك أي سور




ما هى دنيتك بدأت ف يوم


 ما بان حبيبي ف سكتك






الأربعاء، 15 ديسمبر 2010

سهر


الليل طويل كده ليه

سهر اوى عيونى

نبض الهوى والروح

دبلى ف جفونى

وسهرت استناك

تيجى تناجينى

واتمنى تبقى هناك

 بين صبرى وحنينى 

بحر الهوى عالى

 وانا اصلى كنت غريق

ايام… ما كان

 لى   صديق

اسرارى ف عيونه

دارى عليا وقول

 يابحر بالنية

طول عمرى انا انسان

الصبر ف ايدية

راضى انا بحالى

 واحوالى عاشقها ,

 والليل كمان لو طال

 انا صبرى غرقها

واحلف عليه لو مال

يرحم يداوينى

السبت، 11 ديسمبر 2010

بحور الاختناق


يزلزلنى احساسى   بالعشق دوما
كلما تهفو نفسى للقاء



كلما مللت  الهوى
تأتى حبيبى
برقه مشاعر العشاق



لتأخذ مشاعرى بعيدا 
بعيداعن بحور الاختناق



وتدع قلبى بين كفيك 
فى كبر وغرور واشتياق



فأنت تعلم أن القلب 
يهوى
الرجوع لنبض قلبك
المفعم بالصفاء



فتسحر النبض شوقا
بدفىء عبارات المساء
ياحبيبى قد طال انتظارى
بين أنات الشقاء

وبات الدمع اليك 
يسرى بين خوف ورجاء



هذا قلبى قد وهبك
الحب دوما والوفاء



فاهنأ بحالى 
إن كنت ترضى ذلى 
فى عز وغرور وإباء



الثلاثاء، 7 ديسمبر 2010

انسى


انسى ياقلبى الحب

 وعيش

واسمع صوتى

 ومتقوليش 

نرجع تانى

 لحضن آلامنا

 اوعك تانى

 ولا تعيدليش

داانت ندمت 

ف لحظة معاه

 على ايام 

عشتها ب مفيش

مش راح الومك

 على احلامك

راح الوم نفسى

 ولا تلومنيش

توبه يرجع

 تانى كلامنا 

 مع احلامنا 

 ولاأخبيش

ألمى وندمى

 ف حضن ايام 

راحت مـٍنى

زى فراشة 

ف وسط الريش

انسى وسيبك

 وارجع تانى 

ويا الصبر

اتهنى عيش

السبت، 4 ديسمبر 2010

وحدى


دخلت لوحدى صفحة عمرى

الف وادور بشويش وياها

شوفت دموعى

ويا اهاتى وابتسماتى

اهيه ف حماها

شوفتنى بمسح

 صفحة حزينة

والون غيرها

 بورد جنينة

فجاة رفعت بسرعه

انا راسى

لقيتنى لوحدى

قاعدة بقاسى

 الم احزانى

بملو ايديا

والف اركان

الظل بخاطرى

 يمكن الاقى

 الشوق ف عنية

لقيتنى بحزنى

بهدى ف نفسى

يمكن ترضى

على شوية

واودع ماضى

 سرق على الفاضى

سنين من عمرى

 وكنت انا راضى

قلت استنى

واكتب شعرى

يمكن اقدر

 ارضى الوحده

 العايشة ف قلبى

باجمل همسة

ف حضن ايديا



لقيت الوحده

 مهيش

قاسية ولا يوم ناسية

لا دى الوحدة

 دايما هدنة

تلون نور الهوى

ف عنيا

تغير روح

افكارى لذكرى
جميلة غالية عليا

الاثنين، 29 نوفمبر 2010

قلب حنين


لما تقابل قلب حنين

سيب الدنيا واجرى وراه

مش هتقابل ابدا تانى 

كل قلوب الدنيا
الأه

الحنية 

دى قرب منها

 واوعك يوم 

تستغنى… تلومها

روحلها انت واشغل بالك

 كلمة جميلة وغير حالك

الحنية 

يامحلى اثرها 

على احوالنا وعلى جوهرنا

فيها الحب

ومن غير مطلب 

غير الود 

وغير المهرب

من احزانا  ومن اوهامنا 

دايما شاغله 

البال والمطلب

اجرى عليها  وارتاح حبه

الحنية دى

 روح ومحبة

واسأل واحد   غرقان فيها

 حاله اهو

 باين ومقضيها

بكل مودة   وشوق بعنيها

كل احوال الدنيا


 هتقْرب


حديث الروح






حـديث الأرواح للأرواح يسري 
وتـدركه الـقلوب بـلا عـناء
هتفت به فطار بلا جناح
وشق انينه صدر الفضاء 
ومعدنه ترابى ولكن
جرت فى لفظة لغة السماء
لقـد فـاضت دموع العشق مني
حـديـثا كـان عـلوي الـنداء

فـحلق فـي ربـا الأفلاك حتى
أهـاج الـعالم الأعـلى بـكائي

تـحاورت الـنجوم
وقلن صوت بـقرب العرش
موصول الدعاء

وجـاوبت الـمجرة عـلّ
طـيفاً سـرى
بـين الكواكب في خفاء

وقـال الـبدر 
هـذا قـلب شاك
يـواصل شـدوه عـند المساء
ولم يعرف سوى رضوان صوتى
وما احراه عندى بالوفاء

شكواي أم نجواي في هذا 
الدجى ونـجوم لـيلي
حُسّدي أم عوّدي
 امسيت فى الماضى اعيش كأنما
قطع الزمان طريق امسى عن غدى 
والطير صادحة على افنانها
تبكى الربا بانينها المتجددى 
قد طال تسهيبى وطال نشيدها 
ومدامعى كالطل فى الغصن الندى 
فالى متى صمتى
كأنى زهرة خرصاء
لم ترضى ببراعة منشدى

قـيثارتي مـلئت بـأنات
  الجوى
لابـد لـلمكبوت مـن فـيضان

صعدت إلى شفتي
خواطرمهجتي 
لـيبين عـنها مـنطقي ولساني

أنـا مـا تعديت القناعة والرضا 
لـكنما هـي قـصة الأشـجان

يـشكو لـك اللهم قلب لم يعش
إلا لـحمد عـلاك فـي الأكوان

من قام يهتف باسم ذاتك قبلنا 
من كان يدعو الواحد القهار
عبدوا الكواكب والنجوم دلاة
لم يبلغوا من هديها انوارا
هل اعلن التوحيد داع قبلنا
وهدى القلوب اليك والانظار
ندعو جهارا 
لا اله سوى   الذى 
صنع الوجود وقدر الاقدار

اذا الايمان ضاع فلا امان
ولا دنيا لمن لم يحى دينه
ومن رضى الحياة بغير دين 
فقد جعل الفناء لها قرين
وفى التوحيد للهمم اتحاد
ولن تبنوا العلا متفرقين
الم يبعث لامتكم نبى
يوحدكم على نهج الوئام
ومصحفكم وقبلتكم جميعا

منار للأخوة والسلام
وفوق الكل رحمن رحيم
اله واحد رب الانام

من بديع ما قرات

الشاعر محمد اقبال

السبت، 27 نوفمبر 2010

كنت اتمنى


كنت اتمنى لو لقياك
 ف زمن تانى
 وكنت  اهواك
ويكون بحر هوانا هناك
بحرزمانه
 بلا شطأن
و حلم عالمنا
 بلا   جدران

وبعد الحلم ما بقى اوهام
وضاع العمر مع ا لاحزان
شوفتك قلت ف يوم اهواك
الون عمرى ف حضن لقاك
لكن ليلى غير حالى
ورفض صبرى ايام وليالى
قلت     استنى الشوق الغالى
واسأله عنك ……. يرتاح بالى
برضو الشوق
 كان جارح قاسى
حير بالى وغيرناسى
قلت ارتاح واريح بالى
 ولا اهواك
 ولا تيجى على  بالى
يمكن اقدر اعرف حالى
 واطلب منك
 اه يازمانى
 ترجع بيا لو لثوانى
يمكن احن واقول من تانى
 اه لوحبك
 كان ف زمان

 او عالم تانى