السبت، 27 نوفمبر 2010

كنت اتمنى


كنت اتمنى لو لقياك
 ف زمن تانى
 وكنت  اهواك
ويكون بحر هوانا هناك
بحرزمانه
 بلا شطأن
و حلم عالمنا
 بلا   جدران

وبعد الحلم ما بقى اوهام
وضاع العمر مع ا لاحزان
شوفتك قلت ف يوم اهواك
الون عمرى ف حضن لقاك
لكن ليلى غير حالى
ورفض صبرى ايام وليالى
قلت     استنى الشوق الغالى
واسأله عنك ……. يرتاح بالى
برضو الشوق
 كان جارح قاسى
حير بالى وغيرناسى
قلت ارتاح واريح بالى
 ولا اهواك
 ولا تيجى على  بالى
يمكن اقدر اعرف حالى
 واطلب منك
 اه يازمانى
 ترجع بيا لو لثوانى
يمكن احن واقول من تانى
 اه لوحبك
 كان ف زمان

 او عالم تانى



هناك تعليقان (2):

  1. كنت اتمنى لو لقياك
    ف زمن تانى
    وكنت اهواك
    ويكون بحر هوانا هناك
    بحرزمانه
    بلا شطأن
    و حلم عالمنا
    بلا جدران

    اه لوحبك
    كان ف زمان

    او عالم تانى

    ااااااااه لو انا كنت فى زمان او عالم تانى من غير قيود و لا تعقيدات فى زمان فيه الحب مش حالة عويصة و لا يتعمل له الف حساب
    جميلة اوى يا سومة تسلم ايديك
    كنت هنا ...

    ردحذف
  2. اهلا بالغالية انتى تنورى هنا وهناك وفى كل مكان وفى اى زمان
    بس انتى تعالى فى الدور التحتانى هههههههههه مش هكمل اكيد انتى عارفه الباقى الله يجازيك يامحمود ياعبد العزيز كل خير طبعا ههههههههههههه


    سعدت بتواجدك الغالى

    ردحذف

رأيك لو سمحت