الجمعة، 29 أكتوبر، 2010

حيرت قلبى


قلبى الطيب كان وياك

ناوى وغاوى الحيرة معاك

طار واتمرجح

 على مرجيحة الهوى ف سماك

ولايوم واحد نسى  ونساك

 وانت الغاوى
 تبعد
 تقسى
و تفوت قلبى  ف حيرة معاك

وترجع تانى تقولى بحبك

 يالى بحُبِك عمرى مايحسب وانتى هناك

اه ياحبيبى ليه الحيرة حيرتنى والحيرة قساك

 قلبى الطيب عمره ف يوم ما هيسلى هواك
دا انت المهجة
 وانت الشمعه لظلمة قلبى وعمرى فداك

خايفه لتنسى وانت بتقسى

وتظلم قلبى اللى بيهواك,

 أوعد روحى  ما تقسى عليا

ولا يوم تنسى لحظة صدق 

 عًشتها بفرحة يوم  لقياك

 وهى هتعرف و توصلى لوعة حبك

وانا بالحب وصبر القلب 

أوعد روحك

دايما  …….دايما 


هستناك

الأربعاء، 27 أكتوبر، 2010

أحاسيس مرهفة ......................

أحاسيس مرهفة

ما أجمل أن نتحلى بأحاسيس مرهفة
لنتمكن من فهم الاخرين بكل بساطه وسهولة ؟
والاحاسيس ممكن ان تكون 
شفافه لابعد الحدود 
وخصوصا اذا كانت بينها وبين الاخر شفافية متبادله فى الشعور ,
فتنشأ صراحة داخليه واحساس بالاخر وبما يريد ان يقول
حتى قبل التلفظ به,
وما اجمل ان تكون حسيسا تجاه شخصا حساسا ايضا 
يريد ان يشعرك انك اصبحت مصدر ازعاج له فى حياته 
ولا يحسن ان يفهمك هذا بفضل
احساسه المرهف تجاهك, 
وهنا تلعب حاسة الحس المرهف دورها فى أدراكها للمعانى الحقيقية للكلمات 

فبها نصبح اكثر شفافية وفهم للاخر وعدم الازعاج .

الثلاثاء، 26 أكتوبر، 2010

كلمات لها صدى ف حياتى .............



استعجلك الرحيل
ورحلت ف غير اوانك
هنا خطوط ايدك .... صمتك
صدى صوتك 
عنفوانك
هنا ضحكت ..... هنا بكيت
هنا على صدرى غفيت

هنا تصاويرك على حائط البيت
هنا بقايا من بقايا امنياتك 
رحلت انت...........
وهى ظلت   فى مكانك 

فى وجوة الناس اطالع 
وجهك الحاضر الغايب
فين انت.؟ متى اشوفك..؟
وحدى اسال ؟
وحدى اجاوب 
حتى ف اصغر اشيائك
ابقى اتامل واراقب
استجدى صوتك 
استجدى وجهك
ولو ف لحظة وهم.......
جمدت الدمعه بعيونى
وانتهى احساس الالم..........

استعجلت الرحيل
ورحلت ف غير اوانك...




الصورة ................

الصورة ليه بهته وعيونى عشقاها

ملامحها مش ثابته والقلب جواها

شايفاها تتمايل والروح بتتحايل

تروح وتيجى هناك تتمنى تتساير

ابص واستنى ألمحنى ف حماها

بسمع ف ناس بتغير والدنيا لهياها

اقول يانفس وليه الحيرة من صورة

تقول دى اصل غيوم ف القلب محفورة

خليك كده برة هتشوفها مغيورة

دى الصورة من جوة تملى مبتورة

هتلاقى بهاتانها يدى ل100 صورة

واصلح بقى حالك تلقاها معدوله


الخميس، 21 أكتوبر، 2010

نسيت أنساك..................




نسيت انساك .....!

حوليا كل الناس وبالى معاك 

نسيت أنساك ............

وكأنى لسه عايشة عشان فاكراك

حبيبى مهما رحت بعيد معاك دايما 


وبعمل ناسيه وما بنساش فى يوم ابدا 

نسيت أنساك .....

غيابك طال ... ولا عرفه اعيش حياتى مع العايشين

غيابك طال وبتعدى كل ليله عليا سنين

حبيبى مهما رحت بعيد معاك دايما

نسيت أنساك .................



........................................

أحاسيس خانقة............




أياوحدتى كم بات قلبى يدمية الأسى والألم منك
أياوحدتى متى سترحلين عنى؟
أياوحدتى كم بت أشتاق لبعدك يوما ,
كم بات حلمى هزيلاً بين جنابات صدرى
كم بات حلمى ضعيفاً فى أن ترحلى عنى , 
أياوحدتا مالك تأنسين بالقرب منى
يالك من عنيدة تشتاقين لعذابى وأهاتى ,
  فأهاتى تحرقنى ,تعذبنى ,وما عاد صبرى يحتملنى
كم اشتاق لمن يحتوى وحدتى ويأنسنى 
ومالى هكذا اعتدت ان أأنس بكى أيتها القاسية ,
هيا فلترحلى عنى فقد سأمتك ,مللتك
فلا املك امامك غير دموع عمرى وحزنى 
ايادموعى رفقا بحالى
  ماعدت أقدر على تحملك
يارباه
فليتولانى الاله ويرفع ما بى من أسى , مالى سواه معينا 
او فليتغمدنى برحمة منه تغنينى عن رحمة من سواه .

الأربعاء، 20 أكتوبر، 2010

مقولة .من وحى معاناة................




رافق كل من أراد الخروج من حياتك إلى الباب،، 

ودعه بابتسامة وتأكد من أنك أغلقت الباب جيدا




.....................................................

الثلاثاء، 19 أكتوبر، 2010

غيرة الحب ...................



غيرة الحب دى حاجة خطيرة
اوعى ف يوم تحكمك الغيرة
تلقى نفسك غرقان فيها
ويا كلام الناس والسيرة
غيرة تخلى الواحد ناسى كل ملامحة
وتغلب قلبه  100 تكشيرة
انسى ياقلبى بسرعه وشاهد
كل ايامك دايما جاهد
 كل ملامح يومك تلقى
 حبك راجع من غير حيرة
ترجع تانى بسمة عمرك
 اللى سلبها يوم من قلبك
 حاجه سموها غيرة ف غيرة
بس بسرعه روح وارتاح
 قول لحبيبك غصبن عنى الدنيا براح
سامح واصفح يرتاح قلبك وتعيش
يومك دنيا براح

الاثنين، 18 أكتوبر، 2010

همسة فى أذن ادم ..........



اذا احبت المراة كان حبيبها كل مالها فى الحياة ,,

دنيتها , همستها , دفىء قلبها ,

حضنها الحانى  ,حصنها الأمن من غدر الزمان

وقبل كل هذا معينها على طاعة الخالق 

فاذا اخلصت لها اعطتك كل شيىء بلا حدود

بحبك.............

 
قالى بحبك ...... قلبى سمعها
دابت عينى ف حضن دموعها
واتمنيت ابقى ف احضانة
 ويضمنى دايما ف حنانه
راحة قلبى ف حضن زمانه
همستة والله اتمنى اسمعها
شوقى خلى القلب السابح
يسرح ويا كلامة الدابح
يدبح قلبى ويعذبنى
 وهو ف بعده دايما جارح
اه ياحبيبى خليك جنبى
بعدك عنى بيدوبنى
بستناك اوعاك تنسانى
قربك بعدك هو زمانى

الليل ..............





 الليل
************

وسهرت ويا الليل

 احكى لوحديا

ضلل عليا الليل

 حسيت بحنية

شَكيت وقلت ياليل
حِبى غدر بيا

وانا كنت اوفا الناس
 عيشا ومرضيا

حسيت بنسمة صيف
 جاية معدية

غمضت انا عينى
صافحتنى ف ايديا

اتاريك ياليل بتميل
 وتسمع كمان مواوييل

الله عليك يااصيل

اومال حكولى عليك
 قالولى ليه قاسى !

بيجرح ولا يواسى

خليتنى انا وياك
 احس بهداوة

طَول كمان وكمان
ما تزدنى ف حلاوة

اكمن انا ناوى

 افضل تملى معاك
احكى واشكيلك

وتحن وتداوى


الأحد، 17 أكتوبر، 2010

غدر الحبيب




ليه القلب معاك احتار ؟
ولا عشان القلب اختار!

واثق فيك وبتجرح فيا
و انت الساهى والغدار 

فاكر يعنى علشان
ماهو حُبك جوة عيونى 

ممكن اسكت ولا احتار؟

ممكن اقدر على اشواقى
وادفن فيها ف كل قرار 

ممكن امزع اصلا قلبى 
ولا يوم ابدا احس بنار

سيبك منى وروح لمشاعرك الغدارة
ياما قلبى شاف من غيرك
وانت ف بعدك كتر خيرك
تجرح تنسى وتقسى 
وانا من غيرك

مش راح اشغل ابدا بالى 
باللى غواة واتسلى بحالى


الثلاثاء، 12 أكتوبر، 2010

طيفه



على شط خيال من احلامى
طيفه عدى من قدامى
صوته الهادى سمعته ينادى
ويا ظلام الليل ويهادى
وردة جميله ف حضن خميله
وانا مشتاقه اليه وبنادى
وبعبراته بيهمس همسة
لمست قلبى اجمل لمسة
صوتة الدافى بيقربنى
ويدوبنى معاه وما بنسى
لحن ايامى ف حضن اّلامى
واهى قدامى بحس معاها
بخطوة جريئة
 تدوب ف دقيقة
يادوب من غمزة
طيفة السابح خلا سمايا ويا نجومها
بتغير من  صبر ف ايامى ونورها
معاك احلامى بقيت قدامى
بنبض ايامى احلى بلونها
دنيا اتساوت من حواليا
لولا وجودك دايما فيها
حبك صبر ونور لعنيا
يالى وجودك بيحليها

الأحد، 10 أكتوبر، 2010

لحظة خيال


لحظة امل

لحظة خيال
والقلب سارح ويا كلمة
وميت سؤال

ايامنا ليه مش كلها
 لحظة خيال
نلقى  همومنا نهدها
وما فيش محال
ومافيش جواب
 غير اننا نقدر نبدل عمرنا
 بلحظة امل
 ويكون معاها الخير حضر
 واللى انشغل عنى
 بلحظة م المحال
يرجع يردد كلمتى
 وادى دنيتى
 شيلاها حلوة مرة
من غير الملل
وايه العمل
غير اننا نرضى ب مكتوبنا
دا كده ونعشقه
 وندوبة ف سكر خيالنا
 ونعجنة بلحظة امل

ودا م المحال ولا دا درب من الخيال





السبت، 9 أكتوبر، 2010

خطوة امل



خطوة أمل ………. ورا خطوتى
لمحاها دايما سكتى

خطوة امل خلتنى اعيش ….تتنفس بيها فرحتى
وياها طار الحلم فوق …. ولقيتها حلوة دنيتى
والجرح بيها ولا وراح…. نِسيت عنيا دمعتى
ياقلبى يامحتار ف سكتك
فضفض وقول ما تخبى ابدا فرحتك
دا احنا مالينا ف السهاد …والامل دا هو جنتك

فضفض ياقلبى يلا قول ….ما تخافش يوم لومة عزول
فضفض واملى الدنيا نور…. دا الهنا يوم ما هيرجع  السرور
 والخطوة تبقى خطوتك
 ما هى دنيتك بدأ ت ف يوم ما بانت خطوة امل ف سكتك

الجمعة، 8 أكتوبر، 2010

كنا تلاتة




كنا تلانة
**********

كنا تلاته وحدتى صمتى وانا وياهم
حيرة وغيرة
 ودمعه اسيرة ف حضن هواهم

شوفت حروفى عندى عنيدة 
وماهى جديدة
 سؤالى اسير دايما ف حماهم

ليه البسمة مادام القسمة
ترحل يوم لمابننساهم ؟

وليه النظرة لقدام لسه
مادام نهايتها سقوط
 ف خطاهم ؟

وليه الحب مادام ف الاخر
حيرة وشوق  وندوق ف قساهم ؟

اه ياحروفى لسه عنيدة !
 ايوة دا عمرى خريف وربيع
 هفضل عيشاهم

هيفضل عمرى فصل مخبى
ما بين الزهر  وشوك رضياهم

هسكن جوة الورد الحالم
واقطف شوك القلب السالم
دمعتى تفرح يوم لقياهم
وصمت جروحى يدوب برضاهم