الليل
************
وسهرت ويا الليل
احكى لوحديا
ضلل عليا الليل
حسيت بحنية
شَكيت وقلت ياليل
حِبى غدر بيا
وانا كنت اوفا الناس
عيشا ومرضيا
حسيت بنسمة صيف
جاية معدية
غمضت انا عينى
صافحتنى ف ايديا
اتاريك ياليل بتميل
وتسمع كمان مواوييل
الله عليك يااصيل
اومال حكولى عليك
قالولى ليه قاسى !
بيجرح ولا يواسى
خليتنى انا وياك
احس بهداوة
طَول كمان وكمان
ما تزدنى ف حلاوة
اكمن انا ناوى
افضل تملى معاك
احكى واشكيلك
وتحن وتداوى
ليه دايما بيكون الليل و البحر ملجأ للعاشقين و المحبين .. عمرك ما سألتى نفسك السؤال ده ؟؟؟
ردحذفجميلة اوى يا بسمة يسلم احساسك الجميل
اكيد للهدوء والجمال والاحساس بالشاعرية
ردحذفبيوحوا بالحب والهدوء النفسى وبيخلوكى تكتبى لوحدك حتى لمجرد الخيال
تسلمى لى ياقمر ولا انحرم مرورك الجميل ذا عبق الياسمين