الجمعة، 8 أكتوبر، 2010

كنا تلاتة




كنا تلانة
**********

كنا تلاته وحدتى صمتى وانا وياهم
حيرة وغيرة
 ودمعه اسيرة ف حضن هواهم

شوفت حروفى عندى عنيدة 
وماهى جديدة
 سؤالى اسير دايما ف حماهم

ليه البسمة مادام القسمة
ترحل يوم لمابننساهم ؟

وليه النظرة لقدام لسه
مادام نهايتها سقوط
 ف خطاهم ؟

وليه الحب مادام ف الاخر
حيرة وشوق  وندوق ف قساهم ؟

اه ياحروفى لسه عنيدة !
 ايوة دا عمرى خريف وربيع
 هفضل عيشاهم

هيفضل عمرى فصل مخبى
ما بين الزهر  وشوك رضياهم

هسكن جوة الورد الحالم
واقطف شوك القلب السالم
دمعتى تفرح يوم لقياهم
وصمت جروحى يدوب برضاهم




هناك 4 تعليقات:

  1. ما شاء الله
    من بديع الى أبدع
    قصيدة ولا أروع
    إلى الأمام دائما يابسمة الورد

    ردحذف
  2. ليه البسمة مادام القسمة
    ترحل يوم لمابننساهم ؟


    وليه النظرة لقدام لسه
    مادام نهايتها سقوط
    ف خطاهم ؟


    وليه الحب مادام ف الاخر
    حيرة وشوق وندوق ف قساهم ؟


    جميلة اوى يا بسمة بس لو فضلنا نسأل الاسئلة دى لنفسنا برغم واقعيتها عمرنا ما هنعرف نتقدم خطوة واحدة كمان لقدام

    دمتى كما انتى مبدعة

    ردحذف
  3. الشاعر القدير شاعر سبيل

    مروركم وتواجدكم يسعدنى ويشجعنى اكثر


    مرسى لذوق حضرتك فلا تحرمنا تواصلك

    ردحذف
  4. الجميله ياسمين

    اهلا بيكى حبيبتى دايما

    دمتى بكل ود وسعاده

    ردحذف

رأيك لو سمحت