الثلاثاء، 26 يونيو 2012

النهاردة



إلنهاردة الصبح قلبى 

قلى فينك دا حرام

روحى راحت تانى منى

القمر عدى الغيام

شُوقى غير كل طبعى

وانت مش دارى الغرام

خلى بالك ياحبيبى

 انت حدى و من نصيبى

تبقى جنبى وغصب عنك 

شوقى ليك 

زايد نحيبى

روق الايام تعالى 

قولى مش محتاج قِواله

بُعدى عنك دا استحاله

صبرى راح منى ف جوارحى 

 شوقى ليك دوب ملامحى

قلبى والاشواق تنادى

عمرى راح عدى قصادى

حتى كل الناس لمونى

ما انت حُبى ونور عيونى

شجرة طارحة جوة منى

قربت روحى تغنى

زَهرت زهرة خَليله 

تبقى جنبى ف كل ليله

لَونِت حياتى بيك

ياللى نظرة من عنيك 

حركت نسمة جميله

روقت  قلبى ودليله

تنشد الدنيا الكحيلة

 تبقى شوقها تبقى ليك

 بين ايديا و بين ايديك

تتفتح احزانى تمحى

قسوة الايام ف جرحى

تبقى فكرة وتيجى بكرة

 والمحبةتقيدلى ذكرى

يغلى عمرى يحلى بيك


الجمعة، 22 يونيو 2012

الحلم أتحقق





 زى عقارب الساعه تمام 

تمشى مواكب للاحلام

بتدور بينا مع الاوهام

تتصارع ويا امانينا 

وتدفينا بدمعه حزينة

ونفوق فجاة
 لما نقابل صوتهم عالى 

ولا يزورنا طيفهم غالى 

وبفرحة جميله عشناها

ويا امانى بنترجاها

زى البحر بموجه العالى 

يمسح كلمه هناك بتلالى

على شطة المليان احلام

ودى احلامنا وبنرسمها

لوحة جميله ونلونها

بلون امانينا وبايامنا

وكأنا بنستنا كمالها واستكمالها

رغم احزانا وكتر اهاتنا

ونسيبها فى بحر النسيان

وف حضنة ما تعرف رسيان

تبحر ويا مجهول سارى

وتدندن وتقول ف اغانى 

لحن قلوبنا بتستناه

احلام تبحر ف الوجدان

نلقى معاها الوقت حنان

نشرب مر ف كاس حرمان

حلمى سقيتة بدمى رويته

وعلى انغامه
 رقصت ورده من البستان

تتفتت بالعطر تلألأ

وعيون غيم جايه وبتتشقق

بفرحة تقول الحلم اتحقق

اصحى وفوق الفجر اهو بان 

اصحى وفوق الفجر اهو بان

الخميس، 14 يونيو 2012

مش فارقه



ومش فارقه

نعدى خوف خطاوينا


ومش فارقه 


ضباب سارح


على ايامنا و ف عنينا


ومش فارقه 



سهاد يخبط ف احلامنا


ويلمع صبر ف جفونا


وفارق بس ف الضلمه


نشوف الفرحه رسمالنا


غناوى الصبر والحيره


زمان الطهر والجيره


نعيش نبنى ببعضينا


منار للحب يهدينا


مادام ما نهد ايامنا


بغصب وهى قدامنا


تتوه السكه حوالينا


نلم اشواكه بادينا



ويارب القلوب غنوه



تزيح العتمه والضلمه



نعدى الطاقه بالسالمه


ومش فارقه معانا كتير


ومش فارقه ومش هنغير


ومش فارقانا يامصرى 



قلوب عطشانه دا عصرى


بيعصر نبض احزانى


يعدى بشهده قدامى



يرجع سحر ايامى 



ونصرخ صرخه بالتعبير



تقول تحكى ع التغيير



ما هى مش فارقه ويانا



ومش هتفرق معانا كتير
ـــــــــــــــــــــــــــــــــــــــــــــــــ

الجمعة، 1 يونيو 2012

كسرت الغدر




وجرحت القلب وكان راضى

وبصدك وقتى ما فات عادى

حسيت بالقسوه هنا ف بعدك

غيرت حلاوة اعيادى

كان ايه اللى رماك على شطى

وخلانى اتشد ومابيدى

انا شوفت الود وبعيونى

والحلم معاك شوقى ووجدى

كان قبلك قلبى دا كان فاضى

و سمايا ونجمه جدار هادى

بينور قلبى و على قدى

اسرحبه ويومى يفوت عادى

ايامى رسمها ف احلامى

وياك انغام تيجى ف منامى

 بتغنى افراحى وشيلالى

بسمات حلوة هتيجى علشانى

لكنه اتغير واتبدل

ف هواك السهد مايوم يسدل

 اشواق البعد اللى رمانى

على نار اوهامك واتبهدل

قلبى اللى ب جرحك صديته

ماخلاص ارتحت وخبيته

من كتر قساوتك يامنايا

كسّرت الغدر وعديته
*************************