الجمعة، 28 مارس، 2014

يمكن !



اللهفه ف حبك غيه 

علشان وحشانى عنيك

واهى لغة القلب شجية

احساسها بينده ليك

اكمن البعد مابينا 

طول من غير اسباب

وبشوقى لعندك جايه 

هيمانه بقول ياماطاب

صوتك دا جميل اكمنه

بيقرب طيفك حبه
 
بسرح انا فيه مع انه 

يحكى ولنبضه انا حابه

اشمعنى انا شوقى تعبنى 

وانت ف هواك كذاب

يمكن علشان اللهفه

جوايا مرار وعتاب

يمكن !!!!

الجمعة، 21 مارس، 2014

فوووق ياولد



صبح الولاد السمر

 هم حزنها


شايلين تراب الغدر 

زادوا ف حملها

ليه الولد قاسى  وعنيد؟

 ليه الولد برضو الشهيد ؟


سايب حدود الحق 

ماسك ف السراب

ماسك غناوى الظلم 

صرخه للسحاب

 ناسى خلاص فين ضيها


ناسى اللى شاف خيرها 

وماشى ف ضلها

هى البلد هانت ياناس

ولا الجبين صبح المداس

رخصت النفس البريئه بقتلها

غدرت نفوسنا

   نسيت حتى ربها


ماتفوق بقى !!

 حس النفوس القاسية


 من وسط الشجن


شيلها قساوة القلب

 وارجع  رجعه بالزمن


تلقى القلوب الطيبه

 عاشت هناك


عشش معاها الحب

 والرحمه ملاك


كان الطريق هو الرفيق

والضى فى عيون البنات

 سارق غناوى حبها


ودا عشقها 

ماترجع بقى !!!

فوووووووق ياولد

الجمعة، 14 مارس، 2014

انا استكفيت



ياكل همومى وجراحى
 انا ف بعدك....
بروح وارتاح مابين الاهه
 وبودك
امل طارح ف ايامى
 يعدى ملام
اشوف العتمه ف عيونى
 تطول قدام
تعالى تحلى ايامى
 ولا الاوهام
انا اللى صبرت ياهوايا
 معاك وكتير
اقول يمكن ف جوايا 
الاقى مصير
يعدى فوق براح سارح
ما بين الجرح والطارح 
مع الايام
دا طرحك داب ف اوهامى
 شجن وكلام
المه فوق ليالى الخوف
 تشده قوام
اشوف البعد بيقرب 
ولا الاحلام
ياغربه عمرى بكفايا 
انا استكفيت
اروح من بدرى وبشوقى 
كفايه.. نسيت
سنين ايامى وافراحى
 ياريتنى ماجيت

الجمعة، 7 مارس، 2014

لك وحدك !



 أُحبك حُب إشتياق الهوى

 ومٍنك الأمانى وعِطر السهر

غدوت أُحاكى نشيد الطيور

 وأغزل شدو حنين النًهر

ألوذُ بقلبك كى أحتمى

وأسحر بنبض المُنى والسمر

زرعتُك فى كفى عبير الامان 

فحُبك يضوى كضى القمر

رجوتك سجايا وشغف المحال

فحال الامانى بصبر أحَّر
شكوت الزمانَ وغدر الطريق

لأجلك بِت أَسير الضجر
فيا ويح صبرى وبُعد المنال 

فشوقا أعيش بأمر القَدر