الجمعة، 21 مارس، 2014

فوووق ياولد



صبح الولاد السمر

 هم حزنها


شايلين تراب الغدر 

زادوا ف حملها

ليه الولد قاسى  وعنيد؟

 ليه الولد برضو الشهيد ؟


سايب حدود الحق 

ماسك ف السراب

ماسك غناوى الظلم 

صرخه للسحاب

 ناسى خلاص فين ضيها


ناسى اللى شاف خيرها 

وماشى ف ضلها

هى البلد هانت ياناس

ولا الجبين صبح المداس

رخصت النفس البريئه بقتلها

غدرت نفوسنا

   نسيت حتى ربها


ماتفوق بقى !!

 حس النفوس القاسية


 من وسط الشجن


شيلها قساوة القلب

 وارجع  رجعه بالزمن


تلقى القلوب الطيبه

 عاشت هناك


عشش معاها الحب

 والرحمه ملاك


كان الطريق هو الرفيق

والضى فى عيون البنات

 سارق غناوى حبها


ودا عشقها 

ماترجع بقى !!!

فوووووووق ياولد

هناك 8 تعليقات:

  1. الله على كلماتك
    جميله يابسومه اوى

    ردحذف
  2. حلوة اوووي وجت في وقتها استاذة ورئيسة قسم

    ردحذف
  3. جميل الموضوع والإيقاع وطريقة عرضة روعة
    وشكل النصح بخوف وبهدوء والتودد في الحوار

    فعلا روعة

    لكن أعتقد والله أعلم إنه ناقص حتة
    من خلال الكلمات عرفت أيه هي المشكلة ... لكن معرفتش أيه السبب ؟
    ومن خلال السياق عرفت أيه الحل بس معرفتش هيكون ازاي ؟

    لكن فعلا أشكر حضرتك لأن الموضوع مميز أوي وكمان أقوى وأهم من موضوع أنا أستكفيت

    روعة ... أكملي أختنا وننتظر القادم :)

    دمتم بخير وسعادة .

    ردحذف
  4. حلللللللللللللللللللللللللللوه لآخر السطططططططططططططططططططططر يا بسمتننننننننننننننننننننننننننننننا
    الفاروق

    ردحذف
  5. الله عليكي

    ردحذف
  6. اهلا ياعلى

    نورتنى والله .. ربنا يعزك ولا انحرم التواصل

    مودتى اخى

    ردحذف
  7. الله عليكي بجد..
    تسلمي ..للاسف ده الواقع ايلي احنا عايشين فيه..
    كان وحشني جدا كتابتك :)

    ردحذف
    الردود
    1. اهلا يااميرة

      وحشتينى حبيبة قلبى .. تنورينى دايما بزوق كلماتك

      كل الموده ياقمر

      حذف

رأيك لو سمحت