السبت، 28 مارس 2015

بحبك ثبات



بحسك حبيبى 

ف غنوه جميله

 بترسم خميله 

تصبر ف قلبى 

تعيد ذكريات

بحبك ف زهره

 تفوح عطر جنبى

وتغفر ف ذنبى

تقول عمرى أت

بشوفك بتبنى

 ضلال للحقيقه

 ولو يوم دقيقه

 وبعشق ف شوقى

 اللى عازف نايات


بحبك ياغالى

 ياعشق الليالى

 مابين كاس مرارى

 وطول انشغالى 

راح احكى حكايات 

بحسك بسهدى

 وبثبت بجدى

بانك حقيقى 


حبيب للمات

بحبك بحبك 

بحبك ثبات

السبت، 21 مارس 2015

فرحى رافض يكتمل




صرخ الكلام 

طبطب على كتفى البرىء


 قال كلمتين 


مين اللى ميل ناحيتى 


هنا حبتين 


شاف الدموع وف سكتى


 مشى خطوتين 


خطى على جرحى الغويط 


وانا من بعيد 


واقف وحيد 


شايف مدار العمر 


عدى الف عام 


ولا فى المنام 


فارد شراعى 


على البحور الزرق 


طايف للسما


 بحبه بخور 


بتلف بيا والنجوم 


شاهده على فرحى


اللى رافض يكتمل


حتى الامل


 بقى مستحيل 


وسط الغيوم 


والصبر مادد له بساط


كده من سكات

اخضر بلون حلم السنين 


حتى الحنين 


مابقاش متين 


رافض يصبر دا الانين


 وانا مستجير


بنده على شمس الشموس 


يمكن تحوش 


غدر الزمن


 واهو محتمل 


افضل كده من غير فؤاد


 من الافئده


عايش لوحدى بالرضا
ايوه لوحدى بالرضا

الأحد، 15 مارس 2015

امان القلب



كل مشاعر قلبى اترصت

على ابواب الجنه وبصت

شافت رضا من ربى يقولى

 امى الباب الحق تملى

هى الجنه وعز امالى

هى الفرحه لقلبى الخالى

كل ما اقول الدنيا خدتنى

 على رجليها اروح ماتفوتنى

 لمسه جميله من احضانها

تشعل ضى الكون ويحيطنى

 بدعى ياربى فى كل اوان

تديها صحه تعيشلى كمان

وتخلينى الابن البار

على اعاتبها اقضى المشوار

وتكون راضى عليا بحبى

 هى امان قلبى المحتار
****************************
تهنئه قلبيه لكل ام وكل بنت وكل قلب حنين عايش يعطى بالود والمحبه

مش مهم تكون ام  ..المهم يتوافر فيك صفة الامومة فالامومه صبر ومرحمه فكن كذلك

اتمنى ايامكم كلها فرحه وحب وود

السبت، 7 مارس 2015

طيفه



على شط خيال من احلامى

طيفه عدى من قدامى

صوته الهادى سمعته ينادى

ويا ظلام الليل ويهادى

وردة جميله ف حضن خميله

وانا مشتاقه اليه وبنادى

وبعبراته بيهمس همسة

لمست قلبى اجمل لمسة

صوتة الدافى بيقربنى

ويدوبنى معاه وما بنسى

لحن ايامى ف حضن اّلامى

واهى قدامى بحس معاها

بخطوة جريئة

تدوب ف دقيقة

يادوب من غمزة

طيفة السابح خلا سمايا ويا نجومها

بتغير من صبر ف ايامى ونورها

معاك احلامى بقيت قدامى

بنبض ايامى احلى بلونها

دنيا اتساوت من حواليا

لولا وجودك دايما فيها

حبك صبر ونور لعنيا

يالى وجودك بيحليها
ـــــــــــــــــــــــــــــــ