السبت، 7 مارس، 2015

طيفه



على شط خيال من احلامى

طيفه عدى من قدامى

صوته الهادى سمعته ينادى

ويا ظلام الليل ويهادى

وردة جميله ف حضن خميله

وانا مشتاقه اليه وبنادى

وبعبراته بيهمس همسة

لمست قلبى اجمل لمسة

صوتة الدافى بيقربنى

ويدوبنى معاه وما بنسى

لحن ايامى ف حضن اّلامى

واهى قدامى بحس معاها

بخطوة جريئة

تدوب ف دقيقة

يادوب من غمزة

طيفة السابح خلا سمايا ويا نجومها

بتغير من صبر ف ايامى ونورها

معاك احلامى بقيت قدامى

بنبض ايامى احلى بلونها

دنيا اتساوت من حواليا

لولا وجودك دايما فيها

حبك صبر ونور لعنيا

يالى وجودك بيحليها
ـــــــــــــــــــــــــــــــ

هناك 10 تعليقات:

  1. نحجز اول تعليق ونقري الاول

    ردحذف
    الردود
    1. تركيب .. منورنى دايما وشرف ليا تواصلك الغالى وطيب كلماتك تسلم ياكل الزوق

      حذف
  2. روعة انا قررت اتعلم عود والحن بقي ادام مفيش واحد بيفهم ياخد كلامك ع الاذاعة طوالي..ما تتاخرش عن ميعادك ياقطر الالحان

    ردحذف
    الردود
    1. ولا اروع من زوقك وكلامك الذى اعتز به كثيرا فهو وسام على صدرى اعتز به كثيرا ربنا يعزك ... ميرسى لزوقك وتشجيعك بجميل كلماتك

      حذف
  3. خليط خلاصة الكلمات
    دائما مبدعه ومجدده
    فيض من الكلمات تنساب فى عقد الشعر فتنتج أجمل قصيدة
    مع تقديرى وإعتزازى بما تخطه يداك من عذب الكلمات

    ردحذف
    الردود
    1. ربنا يعزك ياجمال كلك زوق والله

      يسعدنى تواجدك الغالى وطيب كلماتك
      كل الود اخى

      حذف
  4. شعر غنائى بامتياز
    وعلىرأى عمنا تراكيب ناقص عود ويتلحن

    على شط خيال من احلامى
    طيفه عدى من قدامى
    صوته الهادى سمعته ينادى
    ويا ظلام الليل ويهادى
    وردة جميله ف حضن خميله
    وانا مشتاقه اليه وبنادى
    دمتلنا ودامت إبداعاتك المتميزة

    ردحذف
    الردود
    1. مدونه الفرسان

      اهلا بتواصلك الغالى .. نورت مدونتى المتواضعه .. ويارب دايما تعجبك كلماتى

      كل الود

      حذف
  5. بسومه حبيبتى
    اسفه جدا جدا عألتاخير والله
    الكلمات.رائعه اوى وفيها نغمه موسيقيه حباها اوى وعجبانى اوى
    رائعه يابسومه يسلم قلمك واحساسك الرقيق

    ردحذف
  6. قمر الغاليه

    تسلميلى يارب وما انحرم تواصلك الغالى

    الاروع وجودك وطيب كلماتك .. دمتى بكل ود وحب ياقمر

    ردحذف

رأيك لو سمحت