الأربعاء، 29 سبتمبر 2010

لسه فاكرة




لسه فاكرة
**************

ايوة…. ايوة ..       لسه فاكرة

كل كلمة قلتهالى … لسه فاكرة

كلمة الود ف خيالى

 لسه قادرة

ترسم الافراح     ف قلبى

 بالمجادلة

كلمة حركتلى نبض قلبى 

وهو بيناجى خيالك 

بالمراسله

ايوة ….ايوة …لسه فاكرة

كلمة الحب البريئة 

ورعشة الايد الرقيقة

 ويا شوقها للمقابله

ايوة ..ايوة    برضو فاكرة

حب عمرى اللى رسمته

 بشوق كلامى وبحياتى 

و بيها قادرة 

انور ظلمة الايام ف قلبى 

 واعيش بِيها

  دايما لبكرة

الخميس، 2 سبتمبر 2010

أصدق

 
أصدق
*************
مابقيتش
اصدق يوم
يقولوا
الحزن مَلى
القلوب الطيبة
ولا مرارة
الغربة يوم
محت
الايمان ويا الصبا
مين اللى
قال القسوة ف قلوبنا
دى فاردة ريشها
يعنى ممددا
القسوة
ولا ممكن تكون ف
 
ناس واخده ايمانها الا
طريق امان ويا العدا
طول عمرنا
فرشين حياتنا
بالمحبة وبالرضا
لو مرة
شوفنا جوة طفلة
ضحكة
بريئة للسعاده مرددا
تلقي
قلوبنا تدوب تلين
وتبقى حاجة بالحنين متجسدة
والظلم
مهما ف يوم يطول
لازم هيرجع
يوم معاه الحب
والفرحة دى جية معيدة
اغسل
همومك يلا فوق
تيجى
الامانى المُسعدة
تتحقق الاحلام
وراح تبقى لفوق
والقسوة دى لازم
تدوب بالشكل ده

أوقات قاسية




أوقات قاسية
*********
اوقات قاسية لما تعيشها
يسرح قلبك …ويدوب بِِيها
شوفت دقايق زى ساعات
وانت لوحدك عايش فيها
رغم دا كله بتستناها
لحظــة بلحظــة
وتعيــش ليهـــا
ويا الجرح اللى مسببها
ومر مرارتــه سارق خطوة تعز عليها
وف لحـظتها تحـس حــــــــــلاوة
غريبــه معاهـــــا
نفسـك ترجــع يوم وياهــا
تاخد ايدك وتروح ليها
تشوف ايامك وتعيش تانى
احاسيــس صعبه ويحليهــــــــــــــا
نظــرة جميلــه ويا حبـــيــب
كـان عايــش فيـها
لحظة صدق تعيشها معــاه
وحاجة غريبه من جواة
تملى القلب امل وحياه
شوق ومحبة وتستناه
رغم قساوة اللحظة
نعيـــــشها وبنعشـــقها
يمكن يرجع يوم نلقــــــاه
راجــــع تانـــى
يقـــول انا جيت بس ياريتــك
مش تنســــــــــــاه

نفسى أجيلك






ركن هادى.. نفسى اجيلك

والعيون متحيرة

ناس كتيرة

رايحة عنده مبدرة

الوشوش كانت سعيدة

والقلوب متنورة

والخطاوى دى معاهم

نبتة فيـا مخضّرة

آآآآآآه ياعينى

لما نور الدنيا جه

نور لى عينىوالتقيتنى
..
بالهــنا سلمت قلبى …!
والقى نور هدْيُه يداوينــى
..
بينادينى ..لمــا اسرح
..
طيفه بينور كيانـــى

كنت حاسة
لما اغمض عينى.. أشوفه

بيحاكينـــى..
شفت نفسى

بطرحة بيضا منورة

ويـَّا صحبة والبخور

ف اديا جنة معطرة
دى الخطاوىرايحه بينا

ياطـــبيب القلب
داوى… دمــوع عنينــــا
ياحـــبيب القلب فينك

نشتكي لك ..
من كتير جاروا علينا
نساله بحبه اللى ساكن

فى قلوبنا ده ومالينا
كـل شوق العاشقين

دمعة حــايرة والانين..
نفسى اجيــلك

ياشفـيـــــــــــــــعى
لوبنظرة من عينيا

نفسى اشوف الروضة
المسهابإديــــا

نفسى أغسل ذنبى
من كل السنين

نفسى اشوف الدنيا
من عندك  لعـــَندى
نفسى يفرح بيها قلبى

اللى بات دايمــــا حزين
أصل نورك ياهادينــا

ياشفيع بالحب فينـــا
ياحبيبـــى
ع الصراط تنده عليـــنا

ما احنا فى دربك مشينا
يإمـــام المرسلــــــين

 القاهرة 2010

الحلم أتحقق





الحلم أتحقق,
*************
زى عقارب الساعه تمام
تمشى مواكب     للأحلام
بتدوربينا مع الاوهام
تتصارع ويا امانينا
وتدفينا بدمعه حزينة
 
ونفوق  فجاة
لما نقابل صوتهم عالى
ولا يزورنا طيفهم غالى
وبفرحة جميله عشناها
ويا امانى بنترجاها
زى البحر بموجه العالى
يمسح كلمه هناك بتلالى
على شطُة المليان احلام
ودى احلامنا وبنرسمها
 لوحة جميله
ونلونها  بلون امانينا وبأيامنا
وكأنا بنستنا كمالها وإستكمالها
رغم احزانا وكل   أااااهاتنا 
ونسيبها فى بحر النسيان
وفى حضنه ماتعرف رسيان
تبحر ويا مجهول سارى
وتدندن وتقول ف أغانى
لحن قلوبنا بتستناه
احلام تبحر ف الوجدان
نلقى معاها الوقت حنان
نشرب مر ف كاس حرمان
حلمى سقيتة بدمى رويتة
وعلى انغامه رقصت
 وردة من البستان
تتفتت بالعطر تلألأ
وعيون غيم جايه وبتتشقق
بفرحة تقول الحلم اتحقق
اصحى وفوق الفجر اهو بان



الأربعاء، 1 سبتمبر 2010

روائع ما قرأت





اعاتب فيك عمرى , فاروق جويده
******************** 
  بعدي وبعدك ليس فى إمكاني
فأنا أموت إذا أبتعدت ثوانى
وأنا رماد حائر فى صمته
فإذا رجعت يعود كالبركان
وأنا زمان ضائع فى حزنه
فإذا ابتسمت يرى الوجود أغانى
وأنا غمام هائم فى سره
وسحابة كفت عن الدوران
وأنا نهار ضللته نجومه
صبح وليل كيف يجتمعان
وأنا أمام الناس لحن صاخب
وأمام حزنى أشتكى وأعانى
وأنا أغيب عن الوجود إذا ألتقى
شوقى وشوقك فى عناق حانى
وأنا أذوب إذا تلاقى دربنا
وتعانقت فى نشوة شفتان
أنا لا أراك دقيقة ألهو بها
أو لحظة حيرى بلا عنوان
أنا لا أراك قصيدة من سحرها
سكر الزمان وأطربته معانى
أو موجة أغفو قليلا عندها
فإذا إنتشت هربت إلى الشطان
أو رشفة من كأس عمر هارب
يا ويح قلبى من زمان فانى
هل أستعيد لديك كل دقيقة
سرقت صبايا وأخمدت نيراني
من يرجع الطير الغريب لروضة
نسيت عبير الزهر والأغصان
عمر توارى عانقته دموعنا
عبرت عليه مواكب الأحزان
وتوسدت أشواقنا أيامه
وتلألأت من شدوه ألحانى
تبقين سرا فى الحياة وفرحة
أسكنتها قلبي ودفء حناني
أبقيك فى صمت الخريف سحابة
كم عطرت بأريجها وجداني
عمرى وعمرك قصة منقوشة
فوق القلوب بأجمل الألوان
كم عشت قبلك ألف حلم زائف
كم كبلتني بالخداع أماني
من فى الأحبة كان مثلي فى الهوى
لاشىء قبلى .. وأسألى أحضانى
أنا لاألوم العمر حين تبلدت
أيامه سأما على الجدران
لكن ألوم الدهر كيف تكسرت
فى راحتيه أزاهر البستان
يوما حسبت بأن أخر عهدنا
بالحب لحن عابر أشجانى
والآن عدت كأن لحنى ما ابتدا
وكأننا فى عمرنا طفلان
قد تسألين الآن: ماأقصى المنى؟
قلبى وقلبك حين يلتقيان
إنى أعاتب فيك عمرى كله
ياليت عمرى كان فى إمكانى







قبل اللقاء …. للشاعر حسام خليل
*******

ناديتها قبل اللقاء فأقبلت
وبكل حسن في الحياة تمثلت
سمعت عيوني بالعيون فأسمعت
وقرأت عينيها بعينٍ أدمعت
وإذا بأشواق القلوب تدفقت
وبرعشةٍ عن حبنا قد أفصحت
سافرت أُمعن في ملامح أبحرت
غرقت وغاصت في الهوى واستسلمت
وبعثت قلبي منقذا فتعلقت
ذابت وذبت بقلبها فتجمعت
وتطهرت وتوضأت وتلألأت
لكنها قبل الصلاة تبخرت




واخده الحياة غية





واخده الحياة غية
********

طول عمرى بين الناس
 واخده الحياة غيّه

بحالى راضية  ..اوى…..
ودموعى منسية

الصدق والاخلاص
 أنا شيلته  ف عنيه
طول عمرى جد وايه !
ما ارضى الملاغية
جانى فى يوم موال
سهر لياليا
لما شغلى البال
 صحا الحياة فيا
موالى دا احساس
 انا شفته بعنية
وبعتلى كام مرسال
محلاها أغنية
خلانى بيه مجنون
 أرضى الانانية
شفت معاه أحلام
 لمساها بأدية
دانجم عالى بعيد
 نور لياليا
ودى زهرة بالالوان
 والعطر حنية
سفرت ويا الطير
أحكى حكاوية
غنا معايا الطير
 رفرف حواليا
وفجاة سبنى  لجرح
 قطع خطاوية
لما غدر بى       الحال
 وفاتنى وحدية
وبقيت بكل جراح
عيشاها بأسية
قلت اعيش مرتاح
 وابعد عن المواويل

إِلى تجيب الهم
وتطّفى فى القناديل

ورجعت تانى اقول
 واخده الحياه غيّه

عيشاها عرض وطول
ما ارضى الملاغية