السبت، 27 ديسمبر 2014

نفسى اروحله


نفسى اروحله بشوقى انادى


بفرحة قلبى وهنا بودادى

بعطر النور اه ياحب الهادى

دمع حنينى عليه بينادى

اغسل روحى ويا عيونى

اصلى وادعى بحب رسولى

تغفر ليا اعيش مرتاحه

ويا الصبر سنين سباحه


رسولنا الهادى علينا ينادى


وحوض الكوثر شاهد غادى


قُرب الشوق دايما يجمعنا


بذكر النادى وربى سمعنا


صلى وقول ميت الف سلام


عليك ياحبيبنا ف كل اوان
*****************************
كل سنه وكلنا بالف خير وسلامه وربى يوعدنا


بزيارة بيته الحرام وزيارة الحبيب المصطفى عليه الصلاة والسلام


اللهم امين

الأحد، 7 ديسمبر 2014

جرحى دا غيه

 
الصبر منى اشتكى 

والمر منى ذاب

اكمن جرحى بكى 

واهو فاتلى شوق وعذاب

ساهر ياقلب الشوق

باقى ف افكارى

لُون الطريق مفروق

والعتمه مشوارى

شجر اللمون ارتاح 

عطر لياليه

نطق المرار افراح 

ساب كحله ف عنيه

ماشى انا ف حالى 

غارق ف بحر الشوق

بنده بافكارى

قلبى صبح مسروق

عايش بصرخه روح 

نبعه ولا الميه

صافيه منين ما بروح 

ملكاها باديا

امانه يابكره 

حنن عليا الحال

راضى انا ومجروح 

والجرح دا غيه

الاثنين، 24 نوفمبر 2014

غرس الغدر

 
نسيتك ياحبيب عمرى

 نسيت ايامى من بدرى 

رويت الزهر جوايا

 زرعت الفجر فى هوايا

 وقلت افرح واتهنى 

اشيل الحزن واتمنى

وكنت الفرح لاحلامى

 ونبعه داساقى ايامى 

فطرحت شجره ف منامى

 وفرع الشهد قدامى

 قطفت نبتته بايدى

وكان اليوم ده يوم عيدى

 وروحى الحلوة سهرايه

 تضوى الحسن ف سمايا

 وبشموس الامل لخضر 

لقيت احلامى تتمخطر 

مابين حضنك وبحنينك 

شكيت ايامى لسنينك

ياغرس الغدر ياقاسى

خلعت حنينى وبفاسى

بتنهيده بعزم الشوق

 لقيتنى بموت

 ف لحظه بفوق

على خداع

 للحروف زايف

 بخطى قنايه وانا شايف

جراحى دمها حراق

بتدبح دمعة المشتاق

فقلت خلاص انا نسيتك 

وغرقت الامل بفراق

الأربعاء، 5 نوفمبر 2014

أحبك



 يالائذاً بحصن قلبى حينما

يقسو الزمان عليك والايام

اصبو لشدو قلبك راضيا

عل الهوى يحنو فيفجر الاحلام

شغف بروحى وبالفؤاد حلاوةًَ

 ارنو لطى يديك ف استسلام

 ارشف الشهد الشفيف بمبسم

صائغ اللحن بدون كلام

يالاهمسك وويح قلبى دونه

 وبقرب عطفك لا ابالى ملام

 أياحبيبا جاد الزمان بقربه

لا لن اعود لعهد شجنٍِِِِ 

ولّىًً السكون دونه ومحى الالام

ياسمير ايامى ولهفة خاطرى

ارجوك خلا على طول الدوام

السبت، 1 نوفمبر 2014

شهيد الواجب



كان فى يوم

 الصبر ساكت زى ضله

كان ف يوم 

القمره طاله جت تحله

قلب طارح ف الخلا وياالغيوم

شاف سمار الفجر باين نص يوم
قال هفوق

 واصرخ واعدى بالامل

 لضى الشروق

 هجرى واسبق خطوتى 

بطول النهار 

شاف معاه 

حلمه اللى صارخ بالخضار

شاف شبابه ورقته

 وزهر الحنين

جلجل بصوته بقوته

 لنبض السنين

 لكن هناك

 الغدر لابد ف السراب

 غادر بيغدر سكته

سم غربان الخراب

 شايف شباب الحب 

نابت م الصمود

 غدره وسيفه

 كان بيحصد ف الجنود

 فاكر بيهدم قلب بلده 

بزيف لغاه

نسى خطوته 

وان الامان عارف 

طريقه لمنتهاه

 وان الحصاد 

هيطرح خلاص

 ويادعوه هايمه ف الفضا

 زى الرصاص

هتصيب ايديه وتلعن الفكر ف عنيه 

وتقول بعزمى ويا شدة خطوتى 

هترجع حقوقك

 ياشهيد 

ودمعة الام الحزينة بكره تصبح

 زى عيد

الأحد، 26 أكتوبر 2014

همسة قرب



فى ناس ومن بعدها
ننسى الحنان والحب
وف لحظه نشتاق لها
نتمنى همسة قرب
ياللى الامان نسيتوه
اتهنوا وانسونا
قرب البعاد احزان
 لو حتى فتونا
يمكن اوان الفجر 
شاهق ومن قربكم
وانا قلبى اصله صد 
من يوم ما خنتونا
هون عليا الجرح
 تعب الجوارح شوق
شوفت المدامع فرح
صبره منين ما بفوق
بخاف اوى لو يوم
 غمضت انا عيونى
بحس طعم اللوم 
والقسوه ف جفونى
شباكى نوره انطفى
 م الغز ف المواويل 
ياللى عتابكم قسى
 شيلوا السهاد  والوويل
مشتاقه لحظة لقا
 بين النهار والشمس
ترجع غناوى الشجر 
مرتاحه من غير همس
جرحى اللى عدى هناك
 قال دا الزمن ناوى
يهرب ومن غربته 
لو حتى مداوى
ياللى فراقكوا مرار
 ما تحنوا وتجونا
اصل احنا باستمرار
 فاكرين وتنسونا ؟

ماهى ناس ومن بعدها

ننسى الحنان والحب

وف لحظة نشتاق لها

 نتمنى همسة قرب  

الاثنين، 20 أكتوبر 2014

بتناسى






نتناسى


وف عنينا


 دموع للحسره والغيره

وبنعدى

دروب الصبر ونهدى

 على بكره بأوهامه

 بأحلامه


 ويمكن نبتدى نفكر

 
نغير نظره ف مقدر

 وبأدينا
 
هنلغى ذكرى كت قاسيه

 
وراح نعبر لشمس جديده

 واهى راسيه


على شطوط الامل حرسه


شموع للحب والمرسى


امانه ياحلم قدامى


 تردلى  فرح ايامى


انا عاشق وقلبى حليم


وفرحى والله فرح سليم


بهيم ف الدنيا وبعدى


سمايا نجمها  ف يدى


تدوب من شوقى تتناسى


واتناسى


الأربعاء، 15 أكتوبر 2014

إلنهارده

إلنهارده الصبح قلبى 

قلى فينك دا حرام

روحى راحت تانى منى

والقمر عدى الغيام

شُوقى غير كل طبعى

وانت مش دارى الغرام

روق الايام تعالى 

حبى مش محتاج قِواله

بُعدى عنك دا استحاله

صبرى راح منى ف جوارحى 

 شوقى ليك دوب ملامحى

قلبى والاشواق تنادى

عمرى راح عدى قصادى

حتى كل الناس لامونى

ما انت فرحى ونور عيونى

شجره طارحه جوه منى

قربت روحى تغنى

زَهرت زهرة خَليله 

تبقى جنبى ف كل ليله


ياللى نظره من عنيك 


حركت نسمه جميله

روقت  قلبى ودليله

تنشد الدنيا الكحيله

 تبقى شوقها تبقى ليك

 بين ايديا و بين ايديك

تتفتح احزانى تمحى

قسوة الايام ف جرحى

تبقى فكره وتيجى بكره

 والمحبه تقيدلى ذكرى

 يغلى عمرى يحلى بيك 
يالى يومى وكل بكره بالامل

 بينده عليك


الثلاثاء، 7 أكتوبر 2014

شمتان ف قلبى






لساك بتحلم
 
حلم طارح فى الخلا

 وقت الغيوم

لساك بتبعد

 ويا صمت الحب

 حاسس بالهموم

لساك ياقلبى بتجرى جرى
 تقول ف يوم
 
راح تنشرح!!

جرحك خلاص
 
لساه قديم
 
لا فيوم هتعرف

 خطوتك همسة حنين

ولا حتى تقدر شكوتك

 تمحى الانين
 جرحك متين
 
مليان غناوى الصمت

 صوته هناك رنين

 عايش بيثبت كلمتين

دا ما فيش شموس

طالعه بتهمس للنفوس

ولا حتى حركه للرموش

 تفصل مابين الغدر

أوهزت رتوش

جرح السنين
غامق متبتت فى الطريق

سابح بعيد 
عن همسة الامل الرفيق

ولالك نصيب

ف المرسى او شط الطريق

تستاهل الموت البطىء

عارف ياقلبى بكرهك
 
 خليك غريق




الاثنين، 22 سبتمبر 2014

قرب كمان



عطشان حنان

 دفينى قربلى اوى 

قرب كمان

 خلينى انسى شكوتى

 اسهر امان

 جوه الضلوع نبض الالم

 عايش حزين 

عاوز  ينبت فرحته 

صبر السنين 

قرب تعالى ياهوى

 شد القلوع

 حرك غناوى شهدنا 

شمس وشموع

 خلى مدار العمر

 يصغر حبتين

اسبق معاه الدنيا

اخطف دا الحنين 

يرجع زمان العشق 

يصرخ نبضتين

خليني اشوف من فرحتى

 انا ابقى مين

الأحد، 14 سبتمبر 2014

فضفضه




زمن جارح 
يفوت بالهم والاحزان

 يوزع منه كل اوان 

عشان نجرى ونتحسر 

ويمكن نبتدى نفكر

 مابين توهه وبين افراح

 نقضيها ف كل صباح 

نغير م الامل فكره 

ونسرح فيها ولبكره 

لكن برضو الزمن نساى 

بيسرق عمرنا اللى جاى

 ونفضل فيها ونعافر

بنوجع روحنا ونسافر 

على شوقنا اللى عدى سماح

نخطى كل لحظه براح

وف العتمه وف القمره 

نقابل حلمنا شجره

وغنوايه وتنهيده 

تعدى ايامنا وشديده 

يارب الكون انا انسان 

على عتبى انبدر حرمان 

فقوينى واحمينى

 وابدل كل خوفى امان
وابدل كل خوفى امان

الأربعاء، 3 سبتمبر 2014

مساكم فل

 
مساء الفل ياقلبى

ياطير شادى ولا يخبى

بطير واسرح ف وجدانه 

واخبى الشوق علشانه

واقولها بحبه من قلبى

مساء الفل ياقلبى

مسائك نادى ومندى

بفرحه حب على قدى

بدندنها واغنيها 

وضلعى دا انكوى بيها 

وصبر الكون يتوه عندى

مساء الفل ياقلبى

غرامك ف الهوى قصه

راح أرويها وهتوصى

ببوح بالسر ياهوايا

وجودك نبعه ضلايه 

تحلى نجمه ف سمايا 

واقولها تملى ولا أخبى

مساء الفل ياقلبى
ــــــــــــــــــــــــــــــــ
مساء الفل عليكم

الاثنين، 18 أغسطس 2014

متحاسبهوش ..



متحاسبهوش .. 

حسبونا احنا وشددوا 

فوق النعوش
 
متحاسبهوش ..
 
 اصله اصيل

  واحنا الغلط ماسك ايدينا 



وشدنا ومن غير رتوش

 متحاسبوهوش

 هو الزمان جرجر امالنا وحلمنا
 
ومصدقوش
 
ولا الخلاص كاتم كمان على حسنا 

 ولا شُفناهوش


حتى الصريخ بقى بالعدم
 
 اه ياندم

 متشوهوش
 شهيدنا مات من غير ثمن ؟
 
ولا الطريق دبح الجدع
 
 ومشينا فوقه كلنا 
مرحمناهوش 

ننسى اللى ضاع من عمرنا
 
 بنعض فيه ونجز دمعه من عنيه
 
لجل القدر مايحس يوم
 
 ان الفراق من جزعنا
 
كاتب عليه 

 شبح الضباب
 
شبح الالم
 
 متحاسبهوش!!!!
 
 دقوا على وتد الشهيد
 
 دقوا قوى
 
 يمكن يقيد
 
شمعو اللى والع مرتين
 
 شبه الحديد
 
 وبينعى دمه مابين ايديه
 
 حسره عليه
 
ماهو راح فشوش
 
ثوره وخانت حظها 

ف زمن الوحوش
 
 ونسيت تقول
 
 متحاسبهوش!!!

السبت، 9 أغسطس 2014

حُبه جوه الننى





عمر الحب ماكان له جمال

ولا يوم اثر ف الموال

زى ماشوفته وقولت ياخال

هو ده شهد الروح للخال

قرب منى وشَد غنايا

حرك قلبى ومس هوايا

روحت طاوعته وسبتنى حَبه

بسعد شوقى وبحضن قربه

شوفت ف عينه الدنيا بحالها

شوفت الغنوه ولطعمها حَبه

ياللى طاوعتوا الحب قولولى

قلبى وروحى هناك و خدونى 

عاوزة ازاى افضل ياعيونى 

جوه عيونه واعيشها ف حُبه

اصل الحب دا عمره ما زرنى

ولا يوم اثر جوه الننى

السبت، 21 يونيو 2014

فاتنى وحديه


وف ليله فات القمر
سهر عيونى معاه

صرخ ف قلبى الحنين
 وقلت هستناه

حسيت بنبض جميل
 شادد فى احلامى

هزيت ف نبع الاه 
مسك الضلوع حامى

وفى لحظه دبت ياناس 
حسيت بحضن رفيق

فتحت لشوق الهوا
 وبقيت ف ضيه غريق

عشت المحبه هواه
ونسيت شجن يومى

وصبحت بترجاه
وبعدت شموس لومى

لكن فى لحظة قدر 
كتب الهوى عذابى

 مابين ايادى الكون 
والعصف بشبابى 

صرخت صرخة خوف 
بين النهار والليل

 لا لقيت معايا القمر
 ولا حتى نسمه تشيل
 

 
جرحى ياناس موال
عايشاه ولا المية

 بشوف بعينى الويل
مش شايفه حنية

راح القمر لسماه 
واهو فاتنى وحديه






الاثنين، 26 مايو 2014

اااااه ياسلام



اه ياسلام 

لو مرة كنت سرحت فيك

 وسالت نفسى أسئله

 حبه وجع جوه الضلوع

وابقى ب خضوع

 وياك حقيقه وممكنه 

عايش وبنده عل الامل 

يمحى الشجن

 او حتى يحمى لضهرنا

 بحبه حنين عايشين انين 

ولا مرة حتى ف الطريق 

قرب صديق

  يبدل خطاوى عمرنا

وسرحت نوبه وقلت هقدر اخطفك 

جوايا نبع ونور بشايره تحلفك

تسبق نجومى وسكتى

اغزل بحبك دنيتى

تعشق ترفرف الف كلمه بشمعنا

تشعل وتنسج شوق شفايفه مسلمه 

واسمع رنين العود يدغذغ ف الخيال 

سحر المحبه المستبده بالامال

واسرح اقولها بقلب عايش سكتك

اه ياسلام لو يوم غرقت ف دنيتك

الجمعة، 9 مايو 2014

عـاشقـه





القلب ويا الشوق

صحوا الهوى فيا

وانا كنت وحدى ف طوق
 
ملفوف ولا الغيه

عايش بموالى
 
بنده على الافراح

اصرخ انا وحالى
 
 قلب المحبه سماح

سابح اقول يابحر
 
فايض شقايا جريح
 
انحت ف قلب الصخر

 تايه فى وسط الريح

سمايا نبته نجوم
 
طاله بانوارها
 
والصبر كله جريد

 يسرح ف منظرها

امانه يابكره

 لتدل مشوارى
 
شايل معايا زهور
 
والبدر اهو جارى

طرح اللمون الوان

زهزه اهو عندى

عاشقه اقول ف كلام

نبته على قدى

دا القلب وياالشوق

صحوا الهوى فيا

وانا كنت اصلى غريق

صبح الهوى ميه