الأربعاء، 15 أكتوبر، 2014

إلنهارده

إلنهارده الصبح قلبى 

قلى فينك دا حرام

روحى راحت تانى منى

والقمر عدى الغيام

شُوقى غير كل طبعى

وانت مش دارى الغرام

روق الايام تعالى 

حبى مش محتاج قِواله

بُعدى عنك دا استحاله

صبرى راح منى ف جوارحى 

 شوقى ليك دوب ملامحى

قلبى والاشواق تنادى

عمرى راح عدى قصادى

حتى كل الناس لامونى

ما انت فرحى ونور عيونى

شجره طارحه جوه منى

قربت روحى تغنى

زَهرت زهرة خَليله 

تبقى جنبى ف كل ليله


ياللى نظره من عنيك 


حركت نسمه جميله

روقت  قلبى ودليله

تنشد الدنيا الكحيله

 تبقى شوقها تبقى ليك

 بين ايديا و بين ايديك

تتفتح احزانى تمحى

قسوة الايام ف جرحى

تبقى فكره وتيجى بكره

 والمحبه تقيدلى ذكرى

 يغلى عمرى يحلى بيك 
يالى يومى وكل بكره بالامل

 بينده عليك


هناك 8 تعليقات:

  1. السلاااام عليكم ورحمة الله و بركاته


    صباح الخير :)

    ما شاء الله عليج ^^

    ردحذف
    الردود
    1. عليكم السلام ورحمة الله

      مساء الهنا وسالعاده نورتينى .. يارب دايما

      حذف
  2. جميله جدا جدا جدا

    يغلى عمرى يحلى بيك

    يالى روحى بين ايديك

    دمتى مبدعه

    ردحذف
    الردود
    1. الاجمل تواجدك الغالى جمال

      ربنا يعزك ولا يحرمنى طيب كلمتك .. مودتى اخى

      حذف
  3. شاعرتنا الراقية
    صباحك رومانسية
    كلماتك جميلة ورقيقة جداا وانسبابية
    معزوفة رااائعة من المشاعر الصادقة المعبرة بأسهل الألفاظ
    عشت لحظات جميلة فى القراءة هناا
    دمتِ مبدعة

    ردحذف
    الردود
    1. سعيد وحشه

      مساء الفل والسعاده عليك ... بيسعدنى تواصلك وطيب كلماتك

      يارب دايما ... كل الود اخى

      حذف
  4. الردود
    1. منورنى دايما تركيب

      رايك بيسعدنى كتير يارب دايما منور مدونتى

      مودتى

      حذف

رأيك لو سمحت