الاثنين، 24 نوفمبر، 2014

غرس الغدر

 
نسيتك ياحبيب عمرى

 نسيت ايامى من بدرى 

رويت الزهر جوايا

 زرعت الفجر فى هوايا

 وقلت افرح واتهنى 

اشيل الحزن واتمنى

وكنت الفرح لاحلامى

 ونبعه داساقى ايامى 

فطرحت شجره ف منامى

 وفرع الشهد قدامى

 قطفت نبتته بايدى

وكان اليوم ده يوم عيدى

 وروحى الحلوة سهرايه

 تضوى الحسن ف سمايا

 وبشموس الامل لخضر 

لقيت احلامى تتمخطر 

مابين حضنك وبحنينك 

شكيت ايامى لسنينك

ياغرس الغدر ياقاسى

خلعت حنينى وبفاسى

بتنهيده بعزم الشوق

 لقيتنى بموت

 ف لحظه بفوق

على خداع

 للحروف زايف

 بخطى قنايه وانا شايف

جراحى دمها حراق

بتدبح دمعة المشتاق

فقلت خلاص انا نسيتك 

وغرقت الامل بفراق

هناك 6 تعليقات:

  1. رائعة كعادك دوما سومه :)
    دمتِ في تألق.

    ردحذف
    الردود
    1. الاروع تواصلك وزوق يااحمد ... تسلم يارب

      كل الود

      حذف
  2. ياوجع قلبى
    كلماتك رائعه يابسومه

    ردحذف
    الردود
    1. الف سلامه على قلبك ياجميل

      تسلمى ياقمرايه .. كل الود حبيبتى

      حذف
  3. عشرة علي عشرة....ملاحظ حتى طريقة الكتابة توضح نطقك للكلمة...مثل لاخضر او داساقى ايامى....قوية

    ردحذف
    الردود
    1. تركيب .. اهلا بيك وبزوق كلماتك وملاحظاتك التىتسعدنى كتير والله

      ربنا يعزك ولا انحرم تواصلك وحسك المرهف

      كل الود اخى

      حذف

رأيك لو سمحت