الاثنين، 20 فبراير 2017

همسة قرب




فى ناس ومن بعدها
ننسى الحنان والحب
وف لحظه نشتاق لها
نتمنى همسة قرب
ياللى الامان نسيتوه
اتهنوا وانسونا
قرب البعاد احزان
 لو حتى فتونا
يمكن اوان الفجر
شاهق ومن قربكم
وانا قلبى اصله صد
من يوم ما خنتونا
هون عليا الجرح
 تعب الجوارح شوق
شوفت المدامع فرح
صبره منين ما بفوق
بخاف اوى لو يوم
 غمضت انا عيونى
بحس طعم اللوم
والقسوه ف جفونى
شباكى نوره انطفى
 م الغز ف المواويل
ياللى عتابكم قسى
 شيلوا السهاد  والوويل
مشتاقه لحظة لقا
 بين النهار والشمس
ترجع غناوى الشجر
مرتاحه من غير همس
جرحى اللى عدى هناك
 قال دا الزمن ناوى
يهرب ومن غربته
لو حتى مداوى
ياللى فراقكوا مرار
 ما تحنوا وتجونا
اصل احنا باستمرار
 فاكرين وتنسونا ؟
ماهى ناس ومن بعدها
ننسى الحنان والحب
وف لحظة نشتاق لها
 نتمنى همسة قرب  

هناك 9 تعليقات:

  1. الله عليك ياقطر...فنانة

    ردحذف
    الردود
    1. اسعد الله اوقاتك بالحب والسعاده

      ربنا يعزك ياتركيب منورنى ياكل الزوق

      حذف
  2. ياللى فراقكوا مرار
    ما تحنوا وتجونا
    اصل احنا باستمرار
    فاكرين وتنسونا ؟

    الله يا فنانة :))

    ردحذف
  3. كلماتك اخترقت جدار الأحزان بوقت ضعف
    مبدعة حد الوجع
    تقديري

    ردحذف
    الردود
    1. اهلا بيكى دكتورة ايمان نورتى مدونتى المتواضعه ويسلم زوق كلماتك .. معزرتا للتاخير فى الرد
      كل الود

      حذف
  4. عندما تُهجر المدونات تمتلئ اعلانات

    غيابك مؤثر

    تحياتي

    ردحذف
    الردود
    1. والله اخى الكريم بجد وحشتنى المدونة جدا مفتقدة كل اصدقائى هنا اتمنى ترجع تانى زى زمان نورتنى اسفه للتاخير فى الرد
      كل الود

      حذف
  5. الله الله الله احساس عالى

    ردحذف

رأيك لو سمحت