الأحد، 25 سبتمبر، 2016

الحلم البرىء




كل يوم الدنيا تحدف حلمنا 

جوه الحروف

نجرى عليها نشدها 

بلهفه وخوف

اول ثبات الطرف ف ادينادليل

ان الغرام والحلم دايما لجلنا

 ماله بديل

ساعة بيان الفجر للحرف

 انفراجه 

تسبح معاها عيونا ببراعه

 بسذاجه 

يسرح خيالنا وعمرنا 

يدور يبوح

فين اللى شاغل قلبنا

 نهد الصروح

لحظة بيانه ونبضنا 

 يبقي انتباه

نمسك شراعه وبختنا

 هو النجاه

وتفضل الدنيا تجدف ف الدروب

تحدف الحلم البرىء ويا الهوا 

يمكن نتوب

هناك 7 تعليقات:

  1. كلماتك تنبض كأن اقلامك شموع
    اطربنا الحرف رغم ان مداده دموع

    تحياتي

    ردحذف
    الردود
    1. ربنا يعزك حاول تفتكرنى
      كل الود اخى يدوم التواصل والزوق

      حذف
  2. هو في احلي م الاحلام ...البرىءكان ولا مش البرىء..ده الصمام اللي بيطلع الكبت ىللاسف...بس برضه كلامك احلي منه...

    ردحذف
    الردود
    1. جميل الاضافه دايما تركيب .. تسلم يارب
      ولا انحرم التواصل والتشجيع
      كل الود والاحترام

      حذف
  3. صباح الأحلام الرائعه التي سوف تتحقق أن شاء الله

    من الحاجات القليله اللي عايشين عشانها هي أحلامنا وكل لما نفتخر ونقول حققنا حلم نلاقي حلم تاني جاي أسرع من الاول....
    عن جد اسلوب رائع ده مش جديد عليكي
    وهي حياتنا ايه الحلو فيها
    أحلامنا وكلام سومه فيها...

    ردحذف
    الردود
    1. مساء الورد زهراء حبيبتى
      تسلمى يارب ولا انحرم تواصلك وكلامك اللى بيشجعنى
      كل الود ياقمرايه

      حذف

رأيك لو سمحت