الأربعاء، 13 يناير، 2016

رامى انا رمشى

 
على جبين الزمن رامى انا رمشى 

وحالف بكرة لاخطى بحنين وامشى

ياطير الصبر ما تعطر ندى الايام 

تعالى وصحى احلامى سنين قدام 

انا عاشق وايامى هناك سارقه 

بتبدر برتقال شاهق 200 شهقه 

على ارضى وبينور كما الاقناديل

باسراره وافراحه كما المناديل

بيعلنها وبيصرح على اسمى

خلاص الدنيا مجبوره 

تنورلى ضيا شمسى

وحتى النجمة ف سماها 

وبتغنى  على شوقى

 تقول شاهده بان ايامى 

هتنور شموع فوقى

  وانا شايف خطايا تعدى قدامى

 وانا حالف اهديهاواطير بيها

 بورد الود اغطيها من الحاسدين

 واقولها كلمه واحكيها لكل حزين

تعالى افرح هنا لبكره 

تعالى وخطى بخطايا نجيب فكرة

 ونجدلها على خصر الزمان ذكرى

 ونجدلها على خصر الزمان ذكرى

هناك 14 تعليقًا:

  1. جميلة اوووي وتتغني بجد...تسلم الدماغ

    ردحذف
    الردود
    1. ولا اجمل من زوقك وتواصلك الذى يسعدنى كثيرا
      دمت بكل خير تركيب اسعد الله اوقاتك

      حذف
  2. بتبدر برتقال شاهق 200 شهقة

    على أرضي وبينور كما القناديل

    بأسراره وأفراحه كما المناديل
    :)
    الكام بيت دول آخر عظمة .. تصوير في منتهى الإبداع حقيقي

    خالص تحياتي وتقديري

    :)

    ردحذف
    الردود
    1. ربنا يعزك اسعدنى وجودك وطيب كلماتك
      اتمنى اكون عند حسن الظن دايما
      كل الود اخى

      حذف
  3. شاعرتنا الجميلة
    مهما تحدثت فلن أعطى هذه القصيدة حقها حقيقتة
    ولكنى سأقول لكى أنها من أجمل ما قرات من نوعيتها
    ومن أجمل ما قرات من نتاج قلمك وفكرك
    وأكثر ما يسعدنى أنى قراتها وأنا فى مزاج جيد فاحسست بكلماتها الرائعه
    دمتى مبدعه
    مودتى وإحترامى

    ردحذف
    الردود
    1. بيسعدنى رايك جدا ياجمال
      ربنا يعزك من زوقك والله
      ويارب مزاجك رايق على طول
      اسعدك الله وارضاك ... كل الود

      حذف
  4. ياريت الحياه كانت سهله كده يا ابتسام
    دايما بترسمى لنا صور من عالم الاحلام والخيال
    احلى خيال
    احييكى بشده

    ردحذف
    الردود
    1. الحياه بتكون سهله بالتفائل ف بكرة والتمنى الاجمل
      تسلميلى ياقمر .. كل الود حبيبتى

      حذف
  5. أحببنا حروفك ، وطريقتك ، وابداعك

    ففي حروفك تفاؤل ، وابداعك كالربيع يحمل الينا الظل والزهر والعبير والثمر

    تحياتي

    ردحذف
    الردود
    1. ربنا يعزك كلك زوق دايما
      بيسعدنى طيب كلماتك ويارب دايما

      كل الود اخى اسعدك الله دائما

      حذف
  6. صباح الورد
    ايه ده بقي ده لو قولت روعه يبقى هاظلم الكلام لو قولت تحفه يبقى هاظلمك ما شاء الله اسلوبك رائع بجد وكله تفاؤل عالي جدا جدا لازم ادور على مطرب تليق عليه الكلمات دي ونحطها في نهاية فيلم كمان والفيلم يكون محترم كده وحاجه من حاجات زمااااااااااان
    آخر تلات ابيات داخلين مزاجي جدا جدا جدا جدا
    تسلمي ويسلم ذوقك وأفكاره

    ردحذف
    الردود
    1. صباحك ورد وسعاده زهراء
      ربنا يخليكى ليا وتجبرى بخاطرى كده دايما
      ربنا يسعدك حبيبتى واقدر اقدم الكلمه الجميله اللى تسعد كل حبايبى يارب
      كل الود والحب لكى غاليتى

      حذف
  7. وتبقى هذه " مميزة " بخمسة نجوم :)

    أحسنتم أختنا .

    ردحذف
  8. ربنا يعزك يامحمد دايما كلامك كله زوق .. ربنا يعزك
    كل الود

    ردحذف

رأيك لو سمحت