الجمعة، 22 فبراير، 2013

النهارده





إلنهاردة الصبح قلبى 

قالى فينك دا حرام

روحى راحت تانى منى

القمر عدى الغيام

شُوقى غير كل طبعى

وانت مش دارى الغرام

خلى بالك ياحبيبى

 انت حدى و من نصيبى

تبقى جنبى وغصب عنك 

شوقى ليك 

زايد نحيبى

روق الايام تعالى 

قولى مش محتاج قِواله

بُعدى عنك دا استحاله

صبرى راح منى ف جوارحى 

 شوقى ليك دوب ملامحى

قلبى والاشواق تنادى

عمرى راح عدى قصادى

حتى كل الناس لمونى

ما انت حُبى ونور عيونى

شجرة طارحة جوة منى

قربت روحى تغنى

زَهرت زهرة خَليله 

تبقى جنبى ف كل ليله

لَونِت حياتى بيك

ياللى نظرة من عنيك 

حركت نسمة جميله

روقت  قلبى ودليله

تنشد الدنيا الكحيلة

 تبقى شوقها تبقى ليك

 بين ايديا و بين ايديك

تتفتح احزانى تمحى

قسوة الايام ف جرحى

تبقى فكرة وتيجى بكرة

 والمحبةتقيدلى ذكرى

ياللى عمرى يحلى بيك

هناك 8 تعليقات:

  1. يا لها من مشاعر هفهافة رقراقه
    يغلى عمرى يحلى بيك
    نقلتى المشاعر الى عنان السماء بالعامية الى عامة العاشقين
    الفاروق

    ردحذف
  2. جميلة اووووي..تسلم ايديكي يا فنانة

    ردحذف
  3. صباح الغاردينيا بسمة
    سبحان من جعلكِ بسمة ووردة
    لكِ ذات الجمال وذات العذوبة"
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  4. الاستاذ الفاضل .. الفاروق

    كل الشكر والتحايا للتواجدك الذى يسعدننى كثيرا
    ولطيب كلماتك التى زادت كلماتى بريقا وجمالا
    مودتى واحترامى

    ردحذف
  5. الاخ الفاضل .. تراكيب

    الاجمل والاروع تواصلك وتفاعلك الغالى

    نورت مدونتى .. مودتى واحترامى

    ردحذف
  6. الاخ الفاضل منجى بكير

    ميرسى للتواصل والتواجد العطر
    مودتر واحترامى

    ردحذف
  7. الاغاليه الحبيبة ريماس

    اهلا بك غاليتى ربى لا يحرمنى تواصلك وتواجدك الغالى

    مودتى وحبى

    ردحذف

رأيك لو سمحت