الثلاثاء، 12 فبراير، 2013

ام الشهيد


ياأم الشهيد قلبك
 دايب من الاحزان
عدى علي دربك
وبدرله شوق وامان
صبرك دا كله خضار
طارح لنا عصافير 
مالت على الاغصان
 فدابت جراح بتسيل
يالى عيونك للهوى
 قالت لنا موال 
ساقت اليكى الدوا
 م الهجر والحرمان
توبك ياطاهره ان حزن 
ربك رحيم موجود
شاهد على الافعال
 اللى تزيد وتجود
قلبى عليك انفطر
 لكن ف شمسك ضى
سارح يقول اه ياناس
شهيدنا لساه حى 
ربى هيطرح
من نور دموعك
 للفرح عناقيد
شاهد علينا ان زعق ....
وشموعنا اهى هتقيد
بشراكى ياغاليه 
صبرك على الاعتاب
عارف طريق سكته
 ماهى سكة الاحباب
قلبك ومشوارة 
غارق بافكارة 
بكرة هيجى اليوم 
وهتعدوا تختارو
جنه وفرط امان
وجناح وكله سلام
وعلى جبين حبك
 هتلاقى ابنك نام

هناك 6 تعليقات:

  1. صباح الغاردينيا بسومة
    وبعد عودتي لبلوجر أجدكِ كـ أنتِ دائماً مرهفة الحس أنيقة الإحساس رحم الله الشهداء وصبر أمهاتهن "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  2. هونت ببسمة وردك ما تعانيه وما نعانيه لام الشهيد
    خاطرة مروية بماء زهرة الصبار
    تحياتى

    ردحذف
  3. ربنا يصبر كل واحدة ابنها راح...بصراحة من كتر ما اي حد دلوقتي حتى لو كان حرامي غسيل بيموت ويتسمى شهيد جالى حساسية م الكلمة دي خلاص...الله اعلم من هو الشهيد ومين الميت...لكن ع الكلام بتاعك طبعا مش محتاج اقولك راي فيه من زمان...روعة طبعا وبجد افتقدت المدونة بتاعتك لولا الظروف ...ويجعله عامر

    ردحذف
  4. صباح الهنا ريماس

    ميرسى ياقمر لتواصلك الراقى ربى لا يحرمنى زوقك ابدا

    مودتى وحبى

    ردحذف
  5. الساتاذ الفاضل الفاروق

    اهلا بتواصلك المشرق .. كم يسعدنى ان تشرفنى دائما

    مودتى واحترامى

    ردحذف
  6. الاخ الفاضل تراكيب

    اهلا بتواصلك الراقى نورت المدونة بطيب كلماتك واضافاتك الراقيه

    اسال الله ان ينعم على مصرنا بالامن والاستقرار

    شرفتنى اخى مودتى

    ردحذف

رأيك لو سمحت