طول عمرنا
عايشين نحب ف بعضنا
طالبين رضا من ربنا
وبندعى يارب السما
تصلح لنا حال مصرنا
وف يوم قدرنا بصبرنا
وبجرح شاقق ضلعنا
نمسك زمام الامر نحمى ارضنا
وكان الامل يوم فرحنا
عارف طريقنا وقصدنا
وبنور دعاك انت وانا
ربك و بدل همنا
بفرحه دامت قول شهور
لكن شيطانا زان لنا
ان الفراق لازم يفوع من حقدنا
عشش خلاص وف وسطنا
علشان نذم ف بعضنا
ونقطع العرق اللى واصل قلبنا
ونجرح العيشه اللى داقها
بمر ومرارة اهلنا
اصبح مابينا دم ليه ؟
اصبح عشان دا كله ايه ؟
وحصدنا ايه غير دم خضب ف الربوع
غيرتوا ايه ؟
غير الدمار ويا الوجع جوه الضلوع
سامع هناك صوت الشهيد
يصرخ يقول كفايه دم بصوت عليل
اسمع نداء الحق دمك مستحيل
فين السماحه يابلد
فين الخلاص
والصبر كنا بنسمعه ونردده انت وانا
عمر الكراهه ما يوم تكون من حظنا
ارجع بقى فوق ياولد
احنا بلاد الطيبه حضن الامان
احنا السماحه الحلوه للروح والزمان
وبدال مانقتل بعضنا
ماتيجوا نزرع كلنا اخضر غيطان
ونفوق بقا .....
جميل ما كتبتى
ردحذفبس هى فين الارض اللى هنزرعها
الارض جرفوها
دايما مبدعة
تحياتى
الاستاذ الفاضل ابراهيم رزق
ردحذفالارض موجوده طول ما فينا نفس وعايشين وربك هيصلح الاحوال بالاراده والعزيمة والحب
سعدت بتواجدك الغالى
مودتى اخى واحترامى
حلوه اوى تسلم ايديكى
ردحذف