السبت، 21 سبتمبر 2013

عمرى يحلى بيك



إلنهاردة الصبح قلبى

 قلى فينك دا حرام

 روحى راحت تانى منى

 القمر عدى الغيام

 شُوقى غير كل طبعى

 وانت مش دارى الغرام

 خلى بالك ياحبيبى

 انت حدى و من نصيبى

 تبقى جنبى وغصب عنك

 شوقى ليك زايد نحيبى

 روق الايام تعالى

 قولى مش محتاج قِواله

 بُعدى عنك دا استحاله

 صبرى راح منى ف جوارحى

 شوقى ليك دوب ملامحى

 قلبى والاشواق تنادى

 عمرى راح عدى قصادى

 حتى كل الناس لمونى

 ما انت حُبى ونور عيونى

 شجرة طارحة جوة منى

 قربت روحى تغنى

 زَهرت زهرة خَليله

 تبقى جنبى ف كل ليله

 لَونِت حياتى بيك

 ياللى نظرة من عنيك

 حركت نسمة جميله

 روقت قلبى ودليله

 تنشد الدنيا الكحيلة

 تبقى شوقها تبقى ليك

 بين ايديا و بين ايديك

 تتفتح احزانى تمحى

 قسوة الايام ف جرحى

 تبقى فكرة وتيجى بكرة

 والمحبة تقيدلى ذكرى

 يغلى عمرى يحلى بيك

هناك 4 تعليقات:

  1. تبقى جنبى وغصب عنك

    متقلقيش هو لو يعرف هيبقى جمبك غصب عنك وبالذات لو قرا الكلام الجميل ده........ :)


    كلمات جميله جدا ويكفى ان الى كاتبها بسمة ورد ....:)

    ردحذف
    الردود
    1. ربنا يعزك وما يحرمنى تواصلك الراقى

      استاذ جمال

      دمت بكل خير وسعاده
      مودتى اخى

      حذف
  2. جميلة اووووي اكيد جيغيب اكتر عشان يستمتع كلام الشوق والحنين.....تسلم ايديكي

    ردحذف
    الردود
    1. الاخ الفاضل تراكيب

      والله كم اسعد عندما ارى جميل تعليقااك

      ميرسى لزوقك مودتى

      حذف

رأيك لو سمحت