السبت، 7 سبتمبر، 2013

ع الشط


ع الشط وغنيت اغنيه 

 وهستنى ف ايام ملاغيه

تيجى وطب طب على جرحى

 و تمسحلى الدمع بحنيه 

البحر الهيمان على شطه

وعيونى وقمرى اوام خطوا

والقلب السارح ف كلامى

هيقول ويحب عشان خاطره

الخاطر سابح ف ايامى

ومايحَلى العمر الا غرامى

ولا يوم هتمنى انول غيره

وبقول وبناجى ف اوهامى

صَورتك ف العمر حكايه

ورسمتك غنوه ف ضلايه

وهعيش ايام تحكى بشوقى

وهبوح للعالم بهوايا

تعلالى وبدل ايامى

واسرق من العالم احلامى

والسعد ينور ف سمايا

والشط اهو ثبت  أ قدامي
&&&&&&&&&

هناك 9 تعليقات:

  1. ياااااه ع البوست ايلي يفتح النفس..الواحد زهق من الكأبه ..تسلم ايديكي :)

    ردحذف
    الردود
    1. تسلمى يااميرة

      ربنا يسعد ايامك بكل خير وهنا وسعاده

      نورتينى بجميل كلامك ...مودتى وحبى غاليتى

      حذف
  2. بسمة ورد

    أنا لو فى الخمسينات كنت عملت زى السميعه بتوع سيد درويش وقولت الللهههههههههههههههههههههههههههههههههههههههههههههه :)

    وبما أننا فى الألفية التالته فأكيد أنسب كلمة تسلم ايديكى

    ردحذف
    الردود
    1. جمال ابو العز

      ميرسى لزوق كلماتك وثنائك الجميل

      ربنا يعزك .. دمت برقى احساسك ..مودتى اخى

      حذف
  3. صَورتك ف العمر حكايه

    ورسمتك غنوه ف ضلايه

    وهعيش ايام تحكى بشوقى

    وهبوح للعالم بهوايا

    تعلالى وبدل ايامى

    واسرق من العالم احلامى

    والسعد ينور ف سمايا

    والشط اهو ثبت أقدامي.
    ..
    رائع جداً يا سومه، يسلم النبض والإحساس..

    ردحذف
    الردود
    1. الاروع تواصلك يااحمد

      ربنا يعزك .. ميرسى لزوقك

      مودتى واحترامى اخى

      حذف
  4. منذ متي ولم ازور مدونتي فغابت شمس كلماتك المضيئة فقيدنا الظلام
    بساطة الكلمة وحرفيتها ودقة معانيها تأخذنا الي ربيع نشتهيه ، حين يأكلنا الخريف

    تحياتي

    ردحذف
    الردود
    1. حاول تفتكرنى

      اهلا بتواصلك الذى يسعدنى دائما .. ميرسى لزوقك

      دايما تنور مدونتى بطيب كلماتك

      مودتى واحترامى

      حذف

رأيك لو سمحت