مساء الخير على عيونكم
يااجمل صحبه وانا بينكم
بلاغى الشوق بأحلامى
بكلمة صدق توصلكم
يااجمل صحبه وانا بينكم
بلاغى الشوق بأحلامى
بكلمة صدق توصلكم
*********************
الدنيا دى مدرسة
والدرس فيها حظوظ
حالك يادوب يتعدل
وف لحظة يبقى كابوس
***************************
الدنيا حالها كده
صبره يادوب ساعتين
ساعه تكون بالرضا
وساعه تسر العين
***********************************
رحال ياقلب البشر
والصبر له علامه
بيجيب معاه القدر
يظهر كما الشامه
*****************
قالوا النصيب غلاب
قلت النصيب جانى
الحب شوقه عذاب
وافراحه فيتانى
*************************
ربك كريم رحمان
هو اللى باقى لنا
وان كان صعيب الحال
الحب يشغلنا
*****************
سكك وفيها الامل
والحب فيها يبان
عشان ما يمشى الزمن
لازم تكون انسان
***************
فى ناس ومن بعدها
ننسى الحنان والحب
وف لحظه نشتاق لها
نتمنى همسة قرب
ننسى الحنان والحب
وف لحظه نشتاق لها
نتمنى همسة قرب
************************
العله لو ف الجهل يبقى العليل موجوع
اصل الزمان مش سهل الحق فيه مخدوع
سيبك من اللى انخدع اصله لغيرك مال
خد م الزمان علتك بس بضمير مشروع
***************************
سلامى ليكم رضا
واشواقى اهى رايقه
ربى يزيدكم هدى
وافراح لفوق فايقه
***********************************
كلمات راقية وجميلة
ردحذفسلمت يداكى
الاخ الفاضل جمال ابو العز
حذفكل الشكر والتحايا للتواصل والتواجد الغالى
شرفت مدونتى كعادتك
مودتى واحترامى
جميل كالعادة مصر بخير طول مافيها بسمة الورد
ردحذفمصر بخير طول ما ولادها فى حضنها بطيبتهم وبزوقهم الراقى
حذفتسلم تراكيب ربى لا يحرمنى زوقك
مودتى واحترامى
بسمة ورد تعبيراتك جميلة وبسيطة ربنا يوفقك
ردحذفويدوم عليكى الموهبة .. لكى احترامى
انسانة
كل الشكر والتحايا ايتها الاخت الغالية
ردحذفميرسى لتواصلك الجميل كلك زوق