الأربعاء، 21 أغسطس 2013

رباعيات خربشه



مساء الخير على عيونكم


يااجمل صحبه وانا بينكم


بلاغى الشوق بأحلامى



بكلمة صدق توصلكم

*********************

الدنيا دى مدرسة 

والدرس فيها حظوظ

حالك يادوب يتعدل

وف لحظة يبقى كابوس

***************************



الدنيا حالها كده

صبره يادوب ساعتين

ساعه تكون بالرضا

وساعه تسر العين
***********************************

رحال ياقلب البشر

والصبر له علامه

بيجيب معاه القدر

يظهر كما الشامه

*****************
قالوا النصيب غلاب

قلت النصيب جانى

الحب شوقه عذاب

وافراحه فيتانى
*************************

ربك كريم رحمان


هو اللى باقى لنا

وان كان صعيب الحال

الحب يشغلنا 
*****************
سكك وفيها الامل

والحب فيها يبان

عشان ما يمشى الزمن


لازم تكون انسان
***************


فى ناس ومن بعدها


ننسى الحنان والحب



وف لحظه نشتاق لها



نتمنى همسة قرب



************************

العله لو ف الجهل يبقى العليل موجوع

اصل الزمان مش سهل الحق فيه مخدوع

سيبك من اللى انخدع اصله لغيرك مال

خد م الزمان علتك بس بضمير مشروع

***************************



سلامى ليكم رضا


واشواقى اهى رايقه




ربى يزيدكم هدى


وافراح لفوق فايقه



***********************************

هناك 6 تعليقات:

  1. كلمات راقية وجميلة
    سلمت يداكى

    ردحذف
    الردود
    1. الاخ الفاضل جمال ابو العز

      كل الشكر والتحايا للتواصل والتواجد الغالى

      شرفت مدونتى كعادتك
      مودتى واحترامى

      حذف
  2. جميل كالعادة مصر بخير طول مافيها بسمة الورد

    ردحذف
    الردود
    1. مصر بخير طول ما ولادها فى حضنها بطيبتهم وبزوقهم الراقى

      تسلم تراكيب ربى لا يحرمنى زوقك

      مودتى واحترامى

      حذف
  3. بسمة ورد تعبيراتك جميلة وبسيطة ربنا يوفقك
    ويدوم عليكى الموهبة .. لكى احترامى
    انسانة

    ردحذف
  4. كل الشكر والتحايا ايتها الاخت الغالية

    ميرسى لتواصلك الجميل كلك زوق

    ردحذف

رأيك لو سمحت