الاثنين، 21 أكتوبر، 2013

القصيده الفائزة بالمركز الاول




بتنادى وبتدندن

مع الغاوى

تقول يادنيا مش ناوى

ابوح الا بأنفاسى

ولااقاسى على جناحك

ولا عمرى أقول حرة

وبالمرة

تكون انفاس معدية

مضوية على الفرحة

بتصرخ لك بحزن دفين

تكون ثابته ولا البراهين

واحساسى يبان راسى

وف الوجــدان اكــون انســان

بياخــد كل نفسـه شهيـق

وبرة الضيـق

كأنى بحـضن الدنيــا وبضـلوعى

بتخرج منى تنهيـده

طيور للحـب ممـدودة

بتفرد ف براحى حصون

بتتهادى وتتنادى ف كل سكون

زهور ف الروعه ايد فنان

بتبعدنى سنين قدام

اشوف الكون وانا وحدى

نقسم فرحة تستنى مع الاحلام

فتبقا سمايا بتنور ف كل مكان

ويطلع ضوء كأنه الطوق

يعدى غريب على جناحه

يلم الفرحة ببراحه بضحكايه

وبسماية تعشش شجرة جوايا

كما الاغصان نوزعها ولا بتفيض

مع التنهيد

وبتنادى عليا كتير

تتهاوى ولا العصافير

وبحبسها وادندنها

وبأديا تكون أفراحى

ليا أسير ـ
ـــــــــــــــــــ

هناك 8 تعليقات:

  1. حلوة وكل اعمالك احلي من بعضها....مبروك

    ردحذف
    الردود
    1. الله يبارك فيك ياكل الزوق

      ميرسى للتواصل

      كل الموده والاحترام .. تراكيب

      حذف
  2. رائعة كعادة كل كتاباتك وأحرفك سومه.
    مبارك لك، وبالنجاح والتألق والتوفيق الدائم بإذن الله.

    ردحذف
    الردود
    1. منورنى دايما يااحمد

      الله يبارك فى عمرك يااغالى

      ربى يسعد اوقاتك .. كل الموده

      حذف
  3. تعرفى معرفتش بعد ان قرات تلك الكلمات اللذيذة واللتى لها مذاق جميل ورونق اجمل من دون ان ابدى باعجابى بتلك الكلمات وكاتبتها بجد جميلة رائعة يارب دايما بالتفوق والتقدم والتميز اليتها الجميلة .
    تحياتى وتقبلى مرورى ... انسانة

    ردحذف
    الردود
    1. اهلا بك غاليتى .. نورتنى مدونتى المتواضعه

      ويارب دايما متواجده بالخير .. انسانه

      كل الود والاحترام

      حذف
  4. مش لاقى تعليق على كلامك
    لانك بجد انتى فوق كل تعليق مهما كان جميل
    تسلم ايديكى
    .............احمدفؤاد.............

    ردحذف
    الردود
    1. اهلا يااحمد .. والله بسعد بتعليقك الراقى جدا

      تسلم يارب

      كل الموده اخى

      حذف

رأيك لو سمحت