الجمعة، 11 أكتوبر، 2013

تقربات عابد


ياسامع الدعوات روحى اليك طايره
بدعى واقول وابوح وافراحى بيك حايره
اقبل دعاء قلبى انا اصلى مشتاقه
 اجى لعندك شوق ودموعى لك سايره

 ياللى معاك قلبى طال شوقى لأعتابك ..
 اكتبنى من الناجيين واحفظنى بكتابك
 بحق شوقى اليك اقبلنى واهدينى
 يارب كل الكون ... فرحى بأسبابك

 الله على قربه هو الملك الغفور ...
 اسبابه مكتوبه هو البر الصبور ...
 ساتر على حالى وبدمعى بتمنى ..
 يقبل دعايا اليه هو ربى الشكور

 يارب بحبيبك تكتبلنا حجه
 نتهنى ونجيلك نسعد ونتهجه
 بزيارة المحبوب هنصلى ندعيلك
 كلمة وحرف جميل وبنوره نترجى

 القرب منه امان لازمن هنحتاجله
 والرك على الغفران دا ف يوم ماهنقابله
 يارب نسعد فيه دعوه ومقبوله
 راحم بنشكى اليه بنبكى ونسجدله

 ياسامع الدعوات ارحمنا واهدينا
 نبكى بدمع العين وبحجة قوينا
 بحق رغباتنا ف الود والغفران
 نيجى نحج نطوف واهو نشكى لنينا

 ربى رحيم رحمن هو اللى باقى لنا ...
 وان كان صعيب الحال حبه هيشغلنا ...
 ناوى على التوبه والقرب والغفران
 وان كان على جنته بصراطة هتجيلنا

*******************************
اتقدم بخالص التهنئة لجميع اصدقائى وزوار مدونتى بحلول عيد الاضحى المبارك
اعاده الله على امتنا الاسلاميه بالخير والصحة والبركات واصلح الله احوالنا جميعا
سومه .......

هناك 6 تعليقات:

  1. رائع ماخط قلمك سومه، بكل ما يحوي من مشاعر وروحانية تهفو معها القلوب والأوراح للأماكن المقدسة.
    نسأل الله أن ييسر لنا زيارة بيته الحرام.
    وكل عام وانتِ وكل الأسرة الكريمة وكل أمتنا العربية والإسلامية بخير وأمن وسلام. وعيد أضحى مبارك على الجميع بإذن الله.

    ردحذف
    الردود
    1. اللهم امين .. كل عيد وانت والاسرة الكريمه بالخير والصحة

      شكرا يااحمد ربنا يعزك

      مودتى واحترامى

      حذف
  2. كل سنة وأنتى طيبه وربنا يجعله عيد سعيد عليكى

    ردحذف
    الردود
    1. وانت بالصحة والسلامه استاذ جمال
      ربنا يعزك .. ويكون عيد سعيد بالخير والهنا

      كل الموده والاحترام

      حذف
  3. الردود
    1. كل عيد وانت بالخير والسعاده

      ربنا يعزك لزوقك وتواصلك الراقى

      حذف

رأيك لو سمحت