مرار البعد

البُعد ف بعادك 

بينتهى  جوه دمى




 مرار

والصبر ب عنادك 

بيكون لقلبى خضار

يالى الهوى 

ف حضور جبينك

طوق

يزرع خطاوى اللقا

ف عنيه تصبح 




شوق

كنت افتكر ف البُعد

 هقسى وهنسى هواك

لكن بروح الوعد

اهى روحى طالبه لقاك

سهد الحنين والمر

نَوّر  ف بستانى

والصبر وانت هناك

 رجعلى احزانى

قَرب ولا تنسى 

كُتر البعاد أأقسى

قلبى اللى طار ف هواك

 صاحى ولا اتغرب




فاكر دموعى معاك




والحب بيقرب




سحر الغرام غارق




بالضى ف المواويل




وان كان عليا ملام




هبقى ب صبرى هز يل




رَجّع لقلبى صفاه




ماهى روحى دايبه




 وفيك




من سهدى بستناك






ورجعت قلت اناديك




............................

هرجع لجنتها

القلب لما مال

 صحى هوايا جريح

ولما شوقى طال

بقيت ف حبى صريح

حبيت وقلت الله

خبينى ف عيونك

يالى هوايا معاه 

صحيتنى بجنونك

شوفت الهوى عصافير

طايره من الجنه

ولما الزمان بيميل 

تبقى الورود حنه

لها عطر كله نهار

وعيونه عشقانى

وف قرب كله

 خضار

 بسرح ف بستانى 

زهر اللمون عندى 

زاهى وبينور

صحى النعاس الوان

ف حضورنا يتغير

رجع السمار شمعه

ف جبينى يحينى
عشان ما يسرى الفرح

 ف عيونى وتجينى

وسمعت صوتك همس

دايما مدفينى

 بحيا وانا وياه 

وافرح يغنينى

القلب كله صهيل

 يدعى على عيونك

 اللى مليتنى عمار

 وجفونى بتصونك

ما تقولها من تانى

 كلمه وهاويتها

 وحلفت اروى حنان

وف قلبى  خبيتها

 لجل ما ييجى زمان 

وارجع لجنتها

ورجعت طفله من تانى

يسعدنى اكيد انهاردة انى انشر اول عمل ليا وكان ذلك فى شهر 5 سنه2010

وبصراحه بعتز به جدا جدا واللى شافه من الشعراء الكبار اشادو به وشجعونى انى اكمل علشان كده هنشرة لانى بحبه فعلا ويارب ينول الاعجاب

ورحت هناك وراح قلبى ويايا

لقيتنى سعيده وبشوقى

بعيد كل اللى جوايا

ببسمه جميله واترسمت

على جبينى وف سمايا

قربت لطوقها وانا خايفه

ومش شايفه

غير فرحة قلبى وهوايا

نسيت الناس ونظرتها

ولا هميتنى همستها

وقلت اشوف امل ضايع ف قسوتها

ركبت بامل غناويها

مسكت بشوق خطاويها

غمضت عنيا ولقيتنى

بعيش تانى حكاويها

ياما حلمت وانا طايره

اعيش تانى غناويها

واشوف نفسى مع الايام

سعيده ف كل لياليها

يامرجحتى

ياما اتمنيت وانا معاكى

اشوف الفرحه سبقانى وسبقاكى

ورجعت المره دى اعيدها 

بذكرى حلوه وياكى

رجعتلك اشكى من الايام وقسوتها

ونبض جراحى ووحدتها

معاكى بس حسيتها

رجعت طفله من تانى 

******************************************

يارب

ورغم كل الظروف انا عندى امل ف بكرة وان شاء الله كله هيعدى على خير طالما فيه وعد من الحبيب بأننا فى رباط الى يوم القيامه فلابد ان نستبشر خيرا ,,,,,

وكمان المصريين طول عمرهم واخدين على كده ومعدنا اصيل الحمد لله وهنعبر كل شيىء بالصبر والدعاء .........
وكل سنه وكل مصرى بكل خير وندعو الرحمن بحبنا للحبيب المصطفى ان يعود لناالأمن والأمان رغم كيد الكائدين .وحقد الحاقدين

يارب بمحبتك  

ومحبة الغاليين

يهون اوان غربتك

 وترجع التايهين

احنا بدعاك عايشين 

راجيين هنا عفوك

اجعل ما بينا رضاك

 والقرب من صفوك 

يارب برسولك

راح ندعى ونجيلك

تقبل اوان قربنا

ونتهنى بقبولك

يارب مالنا سواك

انت الرحيم ف علاك

سدد طريقنا لولاك 

ما نهتدى لخيرك

يارب محلى هداك

احنا الطريق ضلنا 

صفى قلوبنا معاك
دا الفرح من نصرك