لازم نضحك

لازم نضحك

على الدنيا اللى شيلانا

 بايد تعصر

فى نبض قلوبنا وهوانا

لازم نضحك

 مادام الصبر دا حامى

يشد العتمة قدامك وقدامى

يِهَون بالشروق بكرة

نلاقى الروح تقول فكرة

وبتجرب


 تسيب السهد يتكسر

على سكة ما تتفسر

وبسال والسؤال دامى

يعافر جوة اوهامى

الحزن و ياما خد منى

 ما غير نظرة بتفهمنى

بصورة جرح وظالمنى

لمين احكى وما يلومنى

على جراحى يصبرنى

زمن قاسى

سقانى المر من كاسى

باهات عاشقين

بدموع صابرين

تلوم الدنيا وتلومنى
بنبض انين ما يرحمنى

ونضحك وف قلوبنا رنين

يقول يحكى مع الهيمين

وننسى والقلوب نسيان

نعافر والمعافرة امان

فقلت اضحك

ما دام الضحكة ملو العين

 تزوق صبر وتداوى
 ف احلى سنين

يعدى العمر ويهدى

على محطة 


تجبلى كتير وما تودى
 شموع خطه

ورود الحب وبتُعبر

على احلام ما تتكدر

ويرجعلى الامل تانى

 ويملى الصبر وجدانى

بضحكة جميله ورضيه

و اشوف الحب ف عنيه

واقول نضحك ومن تانى


 على الدنيا 

لتنسانى  

ياقلبى يانى

ياقلبى يانى


اهو زاد جنانى

من شوقى طبعى 

 رجع حنانى

حبيته يمكن منكرش قربه 

وف جوه قلبى خبيتها صورته

المعجبانى عدى ونادانى

 اه منه يانى نور زمانى

اروحله ولا 


اسكت ...واخبى 


بتمنى حبه يسكن ف دربى

ياعينى يالى

رايدانى اشوفه

المس كفوفه ولااحمى طيفه

سيبينى جنبه


 مبسوطه قربه 

اروح واداوى فرحة شبابى

ياشوقى يالى

 سامعنى دايب

هاتلى اللى غايب


باسعد سبايب


افرح ف قربه واتمنى تانى


اقول بحبه اه منه يانى


ياخضار دروبى تعالى دوبى


هصرخ وابوحلك
 وان قلتى  توبى !


هروحله تانى واسعد زمانى


بنهاره لبيض رجع حنانى 


هقول بحبه


 اه منه ياااااااانى
**************

اااااااااااه ياوجع

مش فاهمه حالك ياجدع
م اللى انخدع
ومن اللى كان واللى اتوجع
كان كله ليه
لما انت اصلا مهتدى
سيب الحقيقه وهى اللى هتبتدى
بكتر الكلام ولا الملام
حقك دا ضايع ف الهوى
ولا الخناق ساق الاتفاق
و هيرد ظلم اللى انكوى؟
فكرك عنيد ظالم اكيد
سيبك من الفكر الردى
فيه ناس هناك
عايشه بتحمد ربها
بتقول تعيد فى اللى ظلمها
وهد شوقها وبختها
حاول تلململ ف اللى راح
ما تكونش ابدا شر طارح ف البراح
بلدك اصيله وعايزة تملك حقها
من اللى باع ودنس ترابها ومجدها
حاول بجهدك وبالمحبه تبتدى
سيبك من الاوهام ومن كل طامع مفترى
عايزها ولعه وتبقى سيبه ممزعه
علشان يطول امله الخسيس
من طول قساها وذلها
طب يلا ايه ؟
فهمنى اصلا وجهتك
عاوزنها حره ولا الغشامه محبتك
فوق يلا فوق قبل ما تصرخ ف الظلام
فين هى فين
بلدى الاصيله بتاعة زمان
هو انت ليه حالك وجع

مش فاهمه حالك ياجدع ............
سومه .............